مشكلة كبيرة وأرجو المساعدة

**hilal** · 02-08-2015 10:27 AM

السؤال الأهم
هل هذا الوضع مستمر منذ فترة أم هو وضع طارئ لم يظهر الا منذ وقت قريب؟

**Ah.Farid** · 02-08-2015 02:31 PM

اعتقد ان الحالة دة نتيجة تركيز زائد فى موضوع معين ....العقل بيكون مشغول بكل الحواس فى الموضوع دة ....فدة بيأثر ان لو اتسألت اى سؤال حتى لو بسيط ممكن يخليك تهنج وترتبك ويبدأ التوتر والانفعال الداخلى يزيد بدليل انك لو مستعد وجاهز وبالك رايق ممكن ....تحل المواقف دة بكل سهولة ,,,,,خلى بالك الموضوع دة بيحصل فى وقت انت مش جاهز فية
طيب الحل اية .....
ادى لنفسك وقت لعمل استعداد نفسى او تجهيز ذهنى للدخول فى اى موضوع ..الاستعداد دة ممكن يكون من 2 الى 5 دقايق
النتيجة انك بتعمل restart لذهنك و الثبات الانفعالى بتاعك يكون جاهز لاستقبال اى متغيرات والتفاعل معاها

جرب .....وبقى قولى على النتيجة

**AhMeD MeTwAlY** · 02-08-2015 02:54 PM

علمت ان رزقي لن يأخذه غيري فأطمئن قلبي
شوفت دي فيها كل حاجه
يعني من الاخر الي قدامي دا مش هيقطع رزقي ولي هيزوده كله بامر الله سبحانه وتعالي
انا لو انترفيو كان في شركة واقعه ومش واقعه شركة تحت بير السلم ودخلت وفضلت افصل واسقط وكان اساسا انترفيو مسخره
بعدها سمعت كلمت الي قدامي مش هيقطع راسي واقتنعت بالكلمه دي اوي
دخلت الحمد لله انترفيو في المصرف المتحد وعادي جدا وكان انجليش وعدينا وزي الفل بس مشتغلتش علي قائمة الانتظار ;d بس عادي
وبردو اول ما روحت السعوديه كنت بخاف اكلم كفيلي واقعد اهنج منه
بس بردو بعدها بقيت اتكلم عادي جدا واحد اكبر مني في السن ليه احترامه وتقدير وبس لسنك
موضوع المنصب مدام انا مظبط شغلي وعارف انا عملت ايه ودا ايه خلاص برد بكل ثقه الدنيا بايظه بلعبه السلم والتعبان ممكن ادخله في موضوع اساسا ملوش علاقه بالشغل دي اتعلمتها من واحد سوداني كان معايا في الشغل كنت لما اسأله عن حاجه ممكن يتكلم كلمتين ويروح مستشفي الولاده يحكي عن حالة حصلت هناك

**buisnessman** · 03-08-2015 12:28 AM

الشكر لكم جميعاً وأتمنى المزيد من المشاركات.

**wawamoha** · 03-08-2015 01:42 AM

المشاركة الأصلية كتبت بواسطة buisnessman

ممكن التوضيح أكتر ؟

انا اسف جدا ..انا اختصرت كتير علشان كنت مستعجل شةيه ..

بص يا سيدي ...كل اللي حضرتك بتتكلم عليه ده معروف في علم البيرسوناليتي ... و قليل جدا من الناس اللي بيتولد من غير مشاكل في البيرسوناليتي و الكومينيكيشن سكيلز ...
زي مثلا عبد الناصر - هتلر ...............ز الخ ماعندهومش اي مشكله في البريزينتيشن سكيلز او ماعندهمش رهبه الجماهير ....الخ

المهم هناخد نقطه واحده بس كمثال - اللي هيا البريزنتيشن - ده علم اساسا - ازاي تعمل بريزنتيشن و تستحوذ عل اهتمام الناس - و تديلهم اللي انت عاوزه من غير اي تينشن smooth مثلا تبص عل مين و تنقل عينك عل مين ؟؟ وتتحرك ازاي ؟؟ وال body language تتعمل ازاي ؟؟ ...............زالخ
محتاج تاخد كورس فيه ... و من خلاله هاتتعرف عل العيوب اللي عندك و هاتعرف سبب الحاله اللي بتجيلك دي و ازاي تتفاداها - مع التدريب المستمر هاتبقى هتلر يا قائد ....

و دي محتاجه شويه معرفه - صبر - تدريب ...لحد ماتبقى بروفيشنال ان شاء الله ...

ربنا يوفقك

**reda elgohary** · 03-08-2015 02:07 AM

متابع

**canner** · 04-08-2015 10:37 AM

كان عندى الموضوع ده و كنت و انا صغير بطلع فى الاذاعة المدرسية و بعد ما اخلص اصحابى كانوا يقولولى مافهمناش حاجة من اللى قولتها المهم حاولت بعد كده اشرك نفسى فى اى حاجة تبقى قدام الناس و فى نفس الوقت مش ح تفرق معايا لو غلطت قدامهم و كنت بحاول اتكلم علشان اضيع الرهبة من جوايا