مشكلة كبيرة وأرجو المساعدة

**buisnessman** · 01-08-2015 11:01 PM

عندي مشكلة كبيرة إني أحيانا برتبك في الرد على رؤوسائي او مرؤوسيني في الشغل وبكون عامل زي ما أكون مش مجمع
رغم إني معظم الوقت ردودي قوية ومنطقية.
للعلم أنا مدير عام في شركة أمريكية كبرى في مصر ورئيسي المباشر هو رئيس مجلس الادارة ، يعني مش قليل وما وصلتش بالواسطة ولا بالحظ
بس لما بتجيلي حالة عدم الثقة بيتوه الكلام مني ، وممكن تحصلي حتى أمام المرؤوسين .
بل حصلت لي وأنا بعمل presentation أمام عملاء وأيضا في كورس لغة انجليزية
وعلى فكرة حصلت لي في كذا انترفيو مع شركات عالمية خارج مصر وأدت إلى ضياع الفرص عليا لان ردودي كانت مرتبكة وظهرت كمبتديء
مع العلم إني في أعلى المناصب في شركتي وكفء جداً والحمد لله وثقتي في نفسي في معظم الأحيان عالية جدا وزي ما قلت ردودي غالبا حاضرة وقوية وتنم عن خبرتي
ولكن لا أعلم لماذا ييحدث لي ذلك أحياناً ،، أرجو المساعدة

**Raefbadr** · 01-08-2015 11:40 PM

متابع باهمية بالغة

**volociximab** · 01-08-2015 11:52 PM

فيه كتاب فى دار المعارف اسمه فن التحدث و الاقناع كتاب مهم و هو لشخص امريكي متخصص فى ذلك

انظر فى عين من تكلمه و تنفس ببطء ستكسب ثقة
اقولك حاجة مضحكة بس ليها تأثير؟ اجعل الجزء المشدود فى وجهك هو الشفتين و ليس الحواجب و العيون
يعنى لو اكلت لبان مثلا قبل الحديث ستجد انك بتتكلم و عينك ثابته من غير ما ترفع حواجبك مثلا اثناء الحديث او تكرمش جبهتك-يعنى الجزء السفلى من وجهك هو الذى يتحرك و هذا يكسبك ثقة امام المتلقى
و لو لاحظت عيون الرؤساء او المذيعين ستجد ذلك
يعنى تبص فى عينه و عينك ثابته و تتكلم بهدوء

**wawamoha** · 01-08-2015 11:54 PM

حضرتك محتاج سوفت سكيلز كورسيز ....

**Bassem Youssef** · 01-08-2015 11:58 PM

كده عند حضرتك مشكله في ال social skills و ممكن تكون بتفقد ثقتك بنفسك قدام مديرك

الحل ان حضرتك تجمد قلبك و خلي كلامك تملي قليل و reach your point directly

**volociximab** · 02-08-2015 12:03 AM

انظر لعين حسني مبارك اثناء الحديث
منزلهاش من عين المذيع الاسرائيلي
https://www.youtube.com/watch?v=D2Py6JWnNmo

**buisnessman** · 02-08-2015 12:31 AM

المشاركة الأصلية كتبت بواسطة wawamoha

حضرتك محتاج سوفت سكيلز كورسيز ....

ممكن التوضيح أكتر ؟

**buisnessman** · 02-08-2015 12:32 AM

المشاركة الأصلية كتبت بواسطة باسم يوسف

كده عند حضرتك مشكله في ال social skills و ممكن تكون بتفقد ثقتك بنفسك قدام مديرك

الحل ان حضرتك تجمد قلبك و خلي كلامك تملي قليل و reach your point directly

الموضوع أحيانا بيحل لي مش دائماً ومش شرط يكون قدام مديري زي ما وضحت قبل كدة
مش عارف ده ليه بيحصل أحياناً

**matrix_it** · 02-08-2015 12:37 AM

عندي نفس المشكلة دي و بسببها برتبك في الانترفيو و بعطل ههههههه

**Abo_Mazen** · 02-08-2015 10:17 AM

كنت كده زيك ..وبعدين بقيت أعمل حاجه غريبه قوي لما آجي أتكلم مع مديري أو رئيس الشركة حتى

بتخيله وهو قاعد في البيت بعد سن المعاش ولابس بيجامه وبيتفرج على التليفزيون ...والناس بقت تقوله يا حاج فلان ..بعد ما كان بيتقاله اللواء علان

بس أنا أصلا بحاول معملش كده كتير عشان لما بتخيل الخيال ده ممكن أرفع التكليف بيني وبين اللي بكلمه ..فبحاول أبعد الأفكار الشيطانيه دي بعيد عني