الف شكر لكل اللى ردوا بس فعلاً انا زعلت علشان المبلغ ده كنت ناوى اشترى بيه عربيات كله
والا الواحد يدوس!!!!!!!!
عرض للطباعة
يا باشا رسالة زاي ديه بتجيلي مرة كل أسبوع بقالي كذا سنة و بقت تروح مباشرة للجانك دلوقتي ... مرة واحد من بنك في نيجيريا و مرة محاسب في شركة في البهاماز و مرة ممرضة في مستشفي في ماليزيا ....الأغرب كان جواب من أسبانيا ..... و دايما نفس القصة ... فلوس تايهة بالملايين و تم اختيارك علشان تاخدها بس أبعتلنا نمرك و حسابك في البنك ..... طبعا كله نصب في نصب ...و الطريقة ديه بقيت مكشوفة خلاص ..... مهما حصل أوعي تبعت أي بيانات شخصية عنك
ياااااااااااااااااااه دي طريقة نصب قديمة أوي .
بيجيني كل يوم كم رسالة من دول و لو عايز أبعت لك كتيييييييييييييييير.
في الآخر هيقول لك المبلغ جاهز بس لازم الرسوم تندفع و تقريبا هتكون بحدود 1000 دولار مثلا طبعا انته هتقول ايه 1000 دولار أمام ملايين و تبعت يا معلم و يشوف حد غيرك و هكذا .
طبعا مش تبعت أي بيانات عنك و بخاصة رقم حسابك .
و نصيحة كمان بلاش الموبايل .
ههههههههههههههههههه
هما لسه بينصبو بالطريقه ديه . الحوار ده قديم اوى و طبعا نصب و احتيال
و بيختلف من طريقه لاخرى
يعنى فى ايميلات بتيجى انك كسبت فى الياناصيب ل شركه بى ام دبليو .. كسبت مبلغ كبير جدا و كل المطلوب رقم حسابك لتحول المبلغ
بعد كده يقولولك طيب احنا محتاجيب 10 الاف دولار لاتمام تحويل المبلغ مثلا " هنا يبدا النصب الحقيقى انهم ياخدو منك الفلوس " وانتا طبعا موهوم بال10 مليون دولار " و بعد كده باى باى و خلاص اتنصب عليك و فلوسك راحت
كتير اوى بيتكرر الموضوع ده باسامى مختلفه " شركات بترول , بنوك , شركات سيارات و غيرها " .
لساسا لو حد خد باله حيلاقى ان السيندر بيبقى ايميل على ياهو او هوت ميل او اى ميل تانى عام ....... مافيش مؤسسه فى العالم بتبعت للناس ايميلات بتمثل الشركه من ايميلات عامه .
الدنيا مش ورديه كده علاشان بين يوم و ليله الواحد يكسب " 1000 جنيه حتى " مش ملاين الدولارات .
الحمد لله
ما خاب من استشار
عادي ده حركة النصب اللي معروفة بقالها سنين هتتصل به و يرد عليك و بعد ما تديلوا كل البيانات هيطلب منك مصاريف للتحويل . أو زي اللي حصل مع احد الشركات الصغيرة اتعمل Hacking للحساب بتاعهم و اتسحب حوالي 27000 دولار بس الشخص النصاب كان من كوت دي فوار. اقطع الكلام معاه احسن
أنا إتبعت لاختى على الموبيل رسالة مكتوب فيها إنها كسبت تويوتا لاند كروزر من شركة اليابان للتجارة و تتصل عشان تعرف تستلم الجائزة ..
بس الرقم من برا مصر .. دورت علي الكود لقيته من تنزانيا ..
بشوية بحث لقيت إن فى ناس إتبعتلهم الكلام ده و ده نصب و السفارة الأمريكية فى تنزانيا منزلة تحذير ..
طالما أفريقيا يبقى علطول نصب ...
هما لاقيين يكلوا عشان يدوك 10 مليون!