السلام عليكم
اعضاءناالكرام ممكن اعرف الطريقه الامنه لرفع العربيه لفتره طويله من غير ماتدور
عرض للطباعة
السلام عليكم
اعضاءناالكرام ممكن اعرف الطريقه الامنه لرفع العربيه لفتره طويله من غير ماتدور
الموضوع سهل و بسيط أولا تجيب الحاجات اللى هترفع عليها العربية و هى ممكن تكون "حمير حديد" هى اسمها كده و دى من عند اى حداد تعملها عمولة و طبعا ععده 4 و ممكن الاستغناء عنها ب 4 بلاطات اسمنت زى الموجودة فى رصيف الشوارع بس كبيرة الحجم ,
1- تجيب 2 كوريك عربية ترفع الاتنين من الامام و تحط البلاطين او الحمارين و تكرر نفس العملية للخلفى و بعدين تفك العجل ( تهوى على مسامير الجنط قب الرفع)
2- تجيب باى فور سبراى مانع الصدأ و ترش الاربع طنابير (مكان ما شلت العجل) و الفرامل و بعدين تغطيه بكيس بلاستيك بأحكام علشان التراب)
3- تشيل البطارية و لو المكان امان ممكن تخليها فى العربية بس تفصل القواطيش و تحط على كل قطاش كيس بلاستيك و لو البطارية من النوع اللى لا يحتاج صيانة ( مطلعش ابخرة) ممكن تخليها فى العربية لكن لو من النوع القديم تحطها فى بلكونة فى الظل.
4- يفضل تكون العربية فى جراج و تغطيها و ممكن ترش بودرة للحشرات تحت العربية و على الغطاء للوقاية من القوارض و الحشرات اللى ممكن تتخذ من العربية مسكن.
ملاحظة اخيرة سائل الريداتير لازم يكون مضاد للصدأ , لو بتستعمل سائل تبريد معتمد مفيش مشاكل , لكن لو بتستعمل ماء عادى أحسن توديها بنزينة فيها غسيل الريداتير تغسله و تحط سائل تبريد و مضاد للصدا.
الف شكر للاهتمام ناس تانيه قالولي املي المتور زيت للاخر وادهن الصاج زيت عندي ميا ه الريداتير حنفيه لو فيه حد يدورها بشكل اسبوعي حيكون فيه مشكله
انا رفعت عربية 7 سنوات بس كنت بنزلها فى الاجازة و استعملها حوالى 45 يوم فى السنة وما شاء الله زى الفل و مفيش مشاكل و لا بارومة و لا اى مشكلة .....مفيش حاجة اسمها املى الموتور بنزين هو حسب سعة الموتور الكمية العادية المتعارف عليها لكل عربية لا زيادة و لا اقل , و دهان الصاج زيت يمكن علشان البارومة مثلا بس لو العربية فى مكان جاف و تحت سقف ما لوش لازمة الكلام ده و لو هتستعمل سائل تبريد ومانع صدأ يبقى تنسى موضوع الريداتير, بالنسبة رفع العربية و لا واحد يجى مثلا كل اسبوع يدورها شوية و يغير مكان الاطارات اكيد ده افضل من رفع العربية.....بس انا تكلمت فى موضوع رفع العربية زى ما حضرتك طلبت و ربنا يوفقك