يعنى ايه عمره؟؟؟؟؟؟؟؟؟؟
عرض للطباعة
يعنى ايه عمره؟؟؟؟؟؟؟؟؟؟
انا ملاحظ ان اسلتك كلها من الصفر كويس انك بتفكر وتسئل فى ناس بتسوق من سنين ومتعرفش اى حاجه
ببساطه العمره
هى فك جميع اجزاء المحرك وعمل تغيير للاجزاء المتاكله واستبدالها واعاده تجميعها لجعل المحرك يعمل من جديد باعلى كفائه
لاكن نجاح العمليه مرتبط بالصنيعى وكفائته وقطع الغيار الاصليه
أحب أضيف إن العمرة أجزاء يتم عملهم كلهم أو جزء منهم حسب الحاجة:
1) جزء وش السلندر أعلى الموتور وخاصة بالصبابات وكاوتش الصبابات وأستقامة سطح وش السلندر نفسه.
2) البساتم والشمايس والشنابر وسط الموتور وهي القوة الدافعة للمحرك الي بيحصل عندها الإنفجار.
3) عامو الكرنك والسبيكة أسفل الموتور وهي الجزء الذي يتم تجميع البساتم فيه .
هل فى حاجه اسمهاا نص عمره
اعرف ازاى ان الموتور محتاج عمره
انا ارشح بدل متعمل عمرة للموتور اجيب واحد استيراد احسن
-وانته طالع مطلع هتحس الموتور عزمو قليل او مش قادر يطلع ( دي احد الاشارات انو محتاج عمره)
-الدخنه (دي مؤشر احيانا حسب لون الدخنه)
:018a1d~146::018a1d~146::018a1d~146::018a1d~146::0 18a1d~146::018a1d~146:[quote
=zegzaag;3875991519]-وانته طالع مطلع هتحس الموتور عزمو قليل او مش قادر يطلع ( دي احد الاشارات انو محتاج عمره)
-الدخنه (دي مؤشر احيانا حسب لون الدخنه)[/quote]
ضعف سحب الموتور مش دليل انه محتاج عمرة لان له اسباب كتير
السبب الرئيسى للحاجة للعمرة هى نقصان الزيت بمعدلات كبيرة و الضعف الواضح فى السحب
نقصان الزيت داخل الموتور نتيجة السخونة الشديدة للزيت و تحوله للصورة البخارية
و ليه الزيت بيسخن و يتبخر كمان و ينقص ؟؟؟؟
دا بسبب ان ناتج عملية الاحتراق جزء منه بيتسرب عن طريق الشنابر المتآكلة (وظيفتها حبك الحريق و تزييت مجرى البساتم) و يتجه للزيت داخل الكارتيرة ....يعنى أنت بتدخل الولعة على الزيت !!!
ممكن موتور خفيف (مفوت) مجموعة الدبرياج بتاعته جديدة و طقم الكهربا او البوبينة مضبوط و قوى ، أداؤه يكون قريب من موتور مش مفوت
إزاى أعرف أن الموتور مفوت؟
من الشكمان
بتلاقى دخنة سودا كثيفة طالع منه فى المطالع و بين الغيارات او لو دست بنزين على السلانسيه
من البوجيهات
بتلاقى آثار زيت على البوجيهات من عند السن و ليس القلاووظ (القلاووظ له سبب تانى)
من خرطوم الفايظ
نفس أعراض الدخنة بتاعة الشكمان
من مؤشر لمبة الزيت
لما تسوق فترة و الزيت يسخن او يعدى عليه كيلومتر اقل من المعدلات الطبيعية ، بتلاقى لمبة الزيت بتنور او بترعش لما بتهدى ....دليل انخفاض لزوجة الزيت بسبب الحارارة الشديدة