لو فى امكانية تجيب abs هاتها abs ولو مفيش امكانية لاتزعج نفسك بية تماما حيث ان المكتوب مكتوب وربنا لو كاتب اى حاجة عمر ما abs حيغيره ، انا ياما شوفت عربيات مجهزة بكافة سبل الامان وحادثتها ملعونة ، ربنا هو اللى حافظ طالما انت بتمشى على مهلك وبتراعى ظروف الطرق المصرية ، فى حاجة احسن من ال abs بمراحل وهى انك لما تلاقى اى مفاجاة قدامك دوس فرامل وقول الله اكبر ، صدقنى وعن تجربة بتلاقى الخطر زال وبتبقى مش مصدق اية اللى حصل ، انا مرة كنت ماشى على 80 مثلا وواحد بيعدى الشارع على رجلة وادانى الامان فى انى اعدى وشاورلى انى اعدى و اول ماعديت وبسرعتى لقيتة راح معدى بسرعة ، طبعا انا من الخضة دوست فرامل جامد وقولت اللة اكبر ، خبطت الراجل وطيرتة بتاع 10 متر على الرصيف ، نزلت وقولت اكيد الراجل مات ، طبعا الشارع كلة اتلم فى لحظة ونزلت روحت للراجل ، لقيتة قايم على رجلة وبينهج من الخضة ، قولتله انت فيك حاجة ، الراجل قعد يشوف نفسة ويعاين جسمة ، و كانت المفاجاة ، مفيش خدشة فى الراجل ، بالرغم من انا الرفرف بتاعى اتبهدل ، فعلا سبحان خير الحافظين.
عموما زى ماقولت لحضرتك لو فى امكانية تزود سبل الامان فى عربيتك دية حاجة كويسة ولو مفيش امكانيات ، ماتحرمش نفسك من العربية اللى نفسك فيها عشان مفهاش abs.
واسف على الاطالة.
المفضلات