السلام عليكم يا جماعة
يا ريت حد يساعدنا في موضوع الباور ده والمقارنات
البحث علي جوجل وهنا جايب نتايج من 2010
اكيد الدنيا اتغيرت يعني
عرض للطباعة
السلام عليكم يا جماعة
يا ريت حد يساعدنا في موضوع الباور ده والمقارنات
البحث علي جوجل وهنا جايب نتايج من 2010
اكيد الدنيا اتغيرت يعني
الباور كهربا هو الاحدث طبعا وده ميزته انه بيكون خفيف جدا وانتا علي السرعات البطيئه عشان تعرف تركن وتناور في الزحمه بسهوله ولما تجري الدريكسيون بيتقل معاك عشان يخليك تقدر تتحكم في العربيه بمنتهي الامان وبقي بيعتبر من وسائل الامان اكتر من تصنيفه ك اوبشن وفي عربيات ممكن فيها تتحكم في درجه تقل الدريكسيون من كمبيوتر العربيه زي السيراتو فيها ٣اوضاع لدرجه الباور comfort وnormal وsport
او بزرار زي البونتو في زرار city تقدر تشغله وقت الركن والقياده البطيئه
طب بالنسبة للمشاكل هل في فروق جامدة..في ناس بتقول ان الكهربا لو وقف بتلبس في اللي قدامك
لا مفيش مشاكل ان شاء الله الباور الكهربا لو لا قدر الله فصل وانتا بتجري مش حتحس بحاجه او حتحس ان بقي تقيل شويه
حتبقي كانها عربيه من غير باور
العربيات اللى ممكن لاقدر الله يحصل فيها مشكله هى العربيات المزوده بنظام اوتو بارك
ووده نظام بيستخدم في ركن السيارة بشكل كامل بدون تدخل من السائق وبيكون ليه سيطره بشكل كامل على نظام التوجيه
وعلي فكره بيكون عليه نظام امان كامل انه مستحيل يشتغل ويتحكم فى الدريكسيون الا لو كانت السيارة على الوضع R
يعنى حتى ده ان شاء الله ملوش خطوره
وكان فيه موضوع على جيب من اسبوع في 2 هاكرز قدرو يعملو هاك على عربيه شيروكي 2015 وقدروا من مسافه بعيده يتحكمو في العربيه ورموها بره الطريق وصاحب العربيه اللى المفروض كان سايق مقدرش يعمل حاجه
Hackers Remotely Kill a Jeep on the Highway—With Me in It | WIRED