طب ما تستهدوا بالله ...وبلاش ندخل الشيطان بينا .....وتنزلنا صورة للعربية ...عشان انا سمعت من زمان عنها لكن لسه ما اتشرفتش بيها
عرض للطباعة
طب ما تستهدوا بالله ...وبلاش ندخل الشيطان بينا .....وتنزلنا صورة للعربية ...عشان انا سمعت من زمان عنها لكن لسه ما اتشرفتش بيها
لأ طبعا لانسر شارك اية وسكودا أية :d :d , حضرتك كدة بتتكلم في فئات تانية خالص من الناحية الفنية , ومن الناحية السعرية بنتكلم مثلا في بالميت 40 الف فرق دة لو هنقول الفئة الأولي شارك .
القصة أن العربية بمواصفاتها مجهولة لناس كتير , والفئة السعرية دي تجيب حاجات تانية أوتو زي لوجان , أو f3 byd أو شيفرولية أفيو , غير طبعا العربيات الصغيرة بس دي فئة أو شريحة تانية بلاش نتكلم فيها
وممكن لو زودت شوية تدخل في شريحة تانية زي السوزوكي سياز أو البيجو 301 .
ومعظم العربيات دي منافسة جدا ومواصفاتها ممتازة , فلازم العربية دي تبقي محققة قبول وشعبية ومواصفات جيدة علي الأقل مش هقول ممتازة , عشان تعرف تنافس وتثبت نفسها , خصوصا ان السوق المصري وخبراتة مع لادا أنها عربية قديمة وتكنولوجيتها قديمة وناشفة وكدة يعني .
انا اتفرجت على المانيوال فى المعرض
الصاج تقيل بالنسبة لعربيات اعلى منها بكتير
تكييف و باور و 2 ازاز كهرباء و شكرا
مفيش كاسيت-سنتر-انزار-فوجات-مرايات كهرباء-ازاز كهرباء خلفى
تقفيل العربية كويس نوعا ما
تعتبر مش صغيرة و قعدتها مريحة و الشنطة واسعة
بعد التحية !!!!!
اولا انا مش عارف لية الهجوم الغير مبرر للعربية
خامتها جميلة جدا وتقفيلها محترم واقتصادية وبالنسبة للسعر 75000 مناسب جدا في الوقت اللي احنا فيه وبعدين فين العربية بالسعر ده عربية روسي تقفيل بلدها ومحترمة
وبعدين في حاجة تانية العربية فيها 2 عمود اتزان واحد من فوق المساعد من فوق العجلة وواحد تاني من تحت علي المقصات يعني ثبات حلو
نوع الكوتش اسمه kama هو اكيد روسي لكن مريح وناعم علي العفشه
من ناحبة العيوب لسة مقدرش اقيمها دلوقتي
والسلام ختاااااااااااام
السؤال بقى هل هتنجح ولا سوقها هيفشل زى سمارا؟
يعني هيا تقفيلها وخاماتها من جوة كويسة ولا تعبانة؟؟ احنا احتارنا ياجماعة
أنا شوفت و ركبت العربية للمرة الثانية و أقدر أقول الأتي :
1) الخامات متوسطة لا فخمة و لا ردئية لكنها لون واحد (أسود) و بتفكرني باللوجان أول ما نزلت مع الأحتلاف أن العربية ما فيهاش كاسيت و دا مخلي منظر التابلوة فقير و يسد النفس ( يعنى لو درجة رمادي فاتحة كان شكل التابلوة أتحسن )
2) القعدة إلي حد كبير مريحة لكن العربية لا تناسب حمولة أكثر من 4 إفراد الكنبة ضيقة نوعا ما
3) الشنطة مش واسعة قوي لكنها مش ضغيرة
4) التشطيب و التقفيل جيد جدا
5) الشاسية صاخ أقوى من بتاع اللوجان الشكل القديم و معظم الكوري لكن لا يقارن بالأسكودا و ي حتقي مشكلة
6) الموتور المانويل 87 حصان 8 صباب و دا حيخلي سحب العربية ضعيف و يمكن اضعف من اللوجان
7) السعر مش مغري لات لو حسبت ثمن الكاسيت و الشاشة العربية مع إحتمال رفع سعرها - علي عهدة المندوب بتاع المعرض- حتلاقي أن في خيارات ـأحسن في السوق