استفسار عن الفي اس سي في كورولا 2016

**kfarouk** · 03-08-2015 08:44 PM

السلام عليكم اعضاء المنتدى الكرام

انا الحمد لله لسه مشتري كورولا 2016 الفئة التانية و استلمت جواب الترخيص النهاردة بس لسه حرخص بكرة ان شاء الله
الحمد لله العربية جميلة بس انا لاحظت ان لمبة الفي اس سي بتنور و انا دايس فرامل و تطفي سواء في إشارة أو و انا بركن في الجراج بس اتكرر اكتر في الجراج و انا صورت فيديو ححاول ارفعه ان شاء الله

انا قريت في الكتالوج ان لو النظام مش متفعل ممكن يشتغل مع دوسة الفرامل

يا ريت تفيدونا لو حد عنده تفسير و لا اروح للتوكيل بعد ما أرخص

و شكراً مقدما للاخوه الاعزاء في المنتدى

**kfarouk** · 03-08-2015 10:48 PM

**abofandy** · 04-08-2015 02:07 AM

كدة النظام مش شغال ياباشا
يعنى نظام الثبات الالكترونى مش شغال ودة لو عايز تخمس بالعربية او تلعب بيها
طيب لو عايز تشغلة ( يعنى اللمبه تطفى ) اضغط ع الزرار الى ع يمين الدركسيون جنبى طى المرايات وهو هيشتغل معاك النظام وبالتالى اللمبه ف التابلو تطفى

تحياتى

**kfarouk** · 04-08-2015 09:22 PM

انا الحمد لله و بعد عناء في مرور الشروق رخصت العربية و انا راجع عديت على التوكيل اللي في التجمع و قابلني مهندس صيانة طلع جرب معايا العربية و كانت المفاجأة ان دي حاجة طبيعية و ان ده نظام منع الرجوع للخلف في المطالع hac
و طريقة عمله كالاتي ان انت لو ماشي عادي او على مطلع و حابب تشغله بتدوس على الفرامل دوسه طويله لغاية ما اللمبة تعمل فلاش في الطابلوه ساعتها لو شلت رجلك من على الفرامل العربية مش حتتحرك لا لقدام ولا لورا لو عايز تلغية يتدوس على دواسة البنزين و العربية تتحرك و اللمبة تطفي
و جربنا على ارض عادية و على مطلع و كله كان تمام و الحمد لله