-
مساعده في هيونداي جيتز
السلام عليكم مبدئيا كنت محتاج اعرف اراء الملاك في العربيه ولو العربيه كامله اوتوماتيك 2009 بدون فتحه سقف ماشيه 35000 وفابريكه دواخل وسقف وشنطه وكبوت تعمل كام والصيانات المطلوبه للعربيه لان الكيلو متر قليل علي السنين وتكلفه الصيانه في حدود كام وهل اغير كاوتش ام لا
-
بالمقارنة بأسعار السيارة في السوق وعلى الإنترنت على مدار الأربع أشهر الماضية
بيطلب فيها 80 ألف جنيه وموديل 2011 فابريكا بالكامل ونفس العداد بيطلب فيها 90 ألف
-
-
-
فى موضوع منفصل للجيتز داخل قسم هيونداى حط موضوعك وفيه واكيد هتستفيد
-
ولو ان القسم هتلاقيه نايم حبتين فانا هقولك هنا :
سعرها فعلا هيتراوح من 80 ال 85 كمان لان عدادها قليل جدا وانت وشطارتك بعد ما تكشف عليها كويس .
الصيانات هتكون تغيير السيور والفلاتر ومياة الردياتير وزيت الفتيس والبوجيهات وتشوف التيل الامامى والخلفى والطنابير وزيت الفرامل والكاوتشات .
خد بالك العربية عدادها قليل لكن هتحتاج تعمل صيانات لانها موديل 2009.
وفى زميلنا هنا فى المنتدى اسمه المهندس هانى ( مركز سبيد سيرفيس ليانة السيارات ) وهو متخصص اساسا فى الهيونداى وراجل فاهم جدا ومحترم وله موضوع مثبت باسم سبيد سيرفس وهيعملك اللزم .
-
شكرا لحضرتك العربيه مطلوب فيها 85 وصاحبها مش حينزل نهائي انا بس كنت محتاج تكلفه الصيانه علشان ابقي عامل حسابي
Content Relevant URLs by
vBSEO 3.6.0 PL2