حد يعرف افضل شهادة محاسبة مهنية ومعاها تكنولوجيا معلومات

**ESO101** · 06-08-2015 08:34 PM

المشاركة الأصلية كتبت بواسطة dr_click

ممكن حضرتك تقولي أنا اهنتك فين الا لو اعتبرت وصفك بعدم المتخصص اهانة.
برغم كدا فحضرتك مجوبتش ليه مصر تجيب عن ما لا تعرف
المناقشة ابتدت لما حبيت ألفت نظر حضرتك ان cisa ملهاش علاقة بالمحاسبة و حضرتك اعترضت فبالتالي سألتك آيه هيا العلاقة فحضرتك رديت ان المحاسب ممكن ياخد cisa و هيا علاقة ببساطة ملهاش معني و ببساطة تجاهلت النقاش في النقطة دي و فتحت موضوع تانى ان طالب كلية التجارة بيدرس نظم معلومات و طبعا انا مش معترض لاني معرفش منهج تجارة بس مش شايف آيه علاقة دا بنقطة النقاش.
علي العموم ان استشفيت من اجابات حضرتك قلة الخبرة و صغر السن -و دي واللهي مش اهانة- و بسبب دا مش عارف تفرق بين النقاش الموضوعي الهادي و الخناقة في الشارع.
تقبل تحياتي و ربنا يوفقك في حياتك.

لا تغضب ياعزيزي ولو كانوا صغارًا لعذرناهم
كبارًا في السن
ليس كونك متخصص تجادل من هو ليس كذلك وحسب
فالبعض لا يجيد أبسط الأساسيات
على سبيل المثال
المنتقدون للقواعد النحوية في نص ( لا يحتاج للظبط أصلًا )
كانوا يعتقدون أن الـ التعريف و التنوين بالفتح يجتمعان في كلمة واحدة
والأعجب أنه كان يفترض بنقدهم تصحيحًا لقاعدة نحوية
قاعدة لا يخطئها تلميذ إعدادية وليس المتخصص
المشكلة في أن البعض يعتقد أنه ( بتاع كله )

**hilal** · 06-08-2015 08:48 PM

المشاركة الأصلية كتبت بواسطة eso101

لا تغضب ياعزيزي ولو كانوا صغارًا لعذرناهم
كبارًا في السن
ليس كونك متخصص تجادل من هو ليس كذلك وحسب
فالبعض لا يجيد أبسط الأساسيات
على سبيل المثال
المنتقدون للقواعد النحوية في نص ( لا يحتاج للظبط أصلًا )
كانوا يعتقدون أن الـ التعريف و التنوين بالفتح يجتمعان في كلمة واحدة
والأعجب أنه كان يفترض بنقدهم تصحيحًا لقاعدة نحوية
قاعدة لا يخطئها تلميذ إعدادية وليس المتخصص
المشكلة في أن البعض يعتقد أنه ( بتاع كله )

ماذا تقصد بالتنوين ، إذا كان الكلام الذي تقصده بدون تشكيل

**hilal** · 06-08-2015 09:23 PM

اكتشفت حالا أن أمير الشعراء أحمد شوقي
الذي بايعه جميع الشعراء العرب كان جاهلا بقواعد اللغة العربية

وهذه الأبيات من قصيدته الرائعة "نهج البردة" التي غنتها أم كلثوم
أهديها إلى أبي جهل لعله يرعوي ويعرف قدره

سلوا قلبي غداة سلا و ثابا لعل على الجمال له عتابا

ويسأل في الحوادث ذو صواب فهل ترك الجمال له صوابا

و كنت إذا سألت القلب يوما تولى الدمع عن قلبي الجوابا

ولي بين الضلوع دم و لحم هما الواهي الذي ثكل الشبابا

كفاية وللا تحب أكمل القصيدة كلها

**dede_dodo88** · 06-08-2015 11:40 PM

الحقيقة مش فاهم ليه موضوع زي ده يقلب بشد و مشاحنات!!..

Anyways,,

المشاركة الأصلية كتبت بواسطة hilal

أتعرف فإن كنت ترغب في مكانة مرموقة كمحاسب ومراجع وطبعا مرتبات عالية جدا ، فهي cpa ، وسوف تخطفك مكاتب المحاسبة والمراجعة في مصر والعالم.

مش طبعاً مرتبات عالية جداً ولا حاجة, هي بيبقى فيها زيادة مرتب بس مش بالزيادة الفظيعة يعني و خصوصاً في مصر الشهادات المهنية اللي زي دي مش كل الاماكن بتشجعها او بتقدرها..
بس الموضوع ممكن بيفرق بعد كده مع زيادة الخبرة و التدرج الوظيفي.

في رأيي, لو بتدور على شهادة في المحاسبة يبقى اكيد CPA لازم تكون في مقدمة اختياراتك, صحيح مش سهلة و محتاجة مجهود لكن هتفرق معاك..
و بعد اما تخلص الCPA, ان شاء الله, تخش بقلب جامد في CFA, و بس كده.. مش هتبقى عايز بعدها حاجة تانية من الدنيا دي..

**inceptor** · 07-08-2015 09:00 AM

ياجمااااااااااااااااااااا ااااااعة انا زهقققققققققققققققققققققت بجد ارحمونا من الجدال اللى ملهوش لازمة بقى خلونا شوية ف الموضوع ده وياريت اللى يقدر يمسح تعليق يمسحه بقى جدال لا يفيد كلكم ع صواااب

طب كدة cma cpa الافضل طيب لو تكنولوجيا معلومات فقطط؟ ايه الافضل؟

**inceptor** · 08-08-2015 09:20 AM

طب ندخل فى ال cpa انا ياجماعة مش عاوزها للمهنة اووى بس عاوزها عشان ازود خبرتى العملية و العلمية فى المحاسبة وفى نفس الوقت اواكب العصر مع تكنولوجيا المعلومات لان كنت عاوز اخد ماستر فى تكنولوجيا المعلومات بس للاسف مينفعش فى الوقت الحالى ف كنت بدور على شهادة قوية فى تكنولوجيا المعلومات

**hilal** · 08-08-2015 10:29 AM

يا سيدي انا اديتك المفيد انت اللي مكسل تدخل على الموقع وتشوف الشروط بنفسك
الملف المرفق يحتوي كل الشروط ، وأرجوك تركز على البند رقم 3 عشان تتأكد بنفسك
http://www.isaca.org/Certification/C...m_Eng_0615.pdf

**Ahmed_Rahem** · 08-08-2015 11:13 AM

بسم الله الرحمن الرحيم

انا دخلت الموضوع متأخر وقريت المشاركات كلها، الاول انا مراجع حسابات بقالى 15 سنة ومعايا الشهادات التالية ACCA, CIA, CISA وبالتالى اقدر افيد فى الموضوع دة.
الشهادات بتنقسم حسب التخصص، انت عايز تشتغل اية؟ وبما أن المطلوب شهادة فى المحاسبة وشهادة IT فاقدر اقول ان مفيش شهادة واحدة بتجمع بين الاثنين خالص. وممكن توضح أكتر الـ IT مقصود بية اية او هتعمل فية اية؟

نيجى للشهادات الموجودة حالياً:
عايز تشتغل فى المحاسبة، CMA, CFA، اشهرهم والمنتشرة اكتر CAM.
عايز تشتغل فى المراجعة CPA
عايز شهادة بتجمع بين الامحاسبة والمراجعة ACCA لانها بتمتحن فى مواد الشهادين الى فوق، وتختار معايير المحاسبة الدولية ومعايير المرجعة الدولية ودى موقعها : Global body for professional accountants | Accountancy | ACCA | ACCA Global
عايز تشتغل مراجعة داخلية CIA
عايز تراجع نظم معلومات CISA وانا بعتبرها استكمال لشهادة CIA، أو لوحدها مع بكالريوس فى الحاسبات وتشتغل فى مكاتب المراجعة والبنوك فى مراجعة نظم المعلومات (ملهاش علاقة بدراسة المحاسبة)
عايز تدير نظم معلومات CISM ويمكن دى تناسب مهندس حاسبات أكتر من محاسب.

أنا كان ومازال اختيارى ACCA لانها الوحيدة الى بتديك المعايير الدولية والـ CPA واخدة شهرة اكتر فقط وفى المستقبل لما المعايير الدولية والامريكية يكنوا متوافقين الفرق بين الشهادتين هينتهى، دة غير انها بتدرس محاسبة إدارية وإدارة ودول مش موجودين غير فى CMA. العيوب محدش بيدرسها فى مصر على حسب علمى (انا ذاكرت لوحدى وامتحنت كل شهاداتى).

كل الى فوق دول شهادات مهنية ومن اسمها لازم خبرة عملية (من 3 إلى 5 سنوات حسب كل شهادة) فالافضل ممكن تذاكر المحتوى العلمى بتاع الشهاة وتخش الامتحان أول متشتغل، لان فية فترة لو مثبتش فيها الخبرة العملية تنيجة الامتحان بتروح عليك وهتخشة تانى.

والسلام ختام