بفكر أركب تويوتا كورولا 2011 و أنزل من السيراتو 2010
السلام عليكم و رحمة الله و بركاته ................
أحلى تحية لرجالة قسم تويوتا إللى أنا عارف إنى هتعبهم و هتقل عليهم بس ياريت تستحملونى و تردوا على إستفساراتى و جزاكم الله خيرا
ندخل فى الموضوع علشان مطولش على حضراتكم .......... أنا زميل ليكم بس فى قسم الكيا و أنا معايا كيا سيراتو خليجى موديل 2010 من الزيرو لحد دلوقتى و الحمد لله مريحانى جدا و أصيلة معايا ماشاء الله لا قوة إللا بالله لأبعد الحدود فأنا حاليا بفكر أركب تويوتا كورولا بس للأسف مش مقتنع و لا هاضم الشكل الجديد إللى هو تقفيل تركى و حابب جدا اليابانى 2011 / 2012 /2013 و بفكر جديا أدور على حالة مستعملة نضيفة و أنزل من السيراتو أركب واحدة من الموديلات إللى ذاكرهم لحضراتكم
فطبعا عايز أعرف رأيكم إيه و تنصحونى بإيه و كل إللى ربنا هيفتح عليكم بيه و هتقولوهولى
مرة تانية شاكر جدا لحضراتكم و منتظر تفاعلكم و توجيهاتكم و جزاكم الله خيرا