ياجماعة انا ان شاء الله رايح قرية المروة
الكيلو 56 طريق الساحل
ممكن جد يوصفلك الطريق من 6 اكتوبر لانى ما روحتش الساحل قبل كده
وهل حد يعرف سماسرة هناك عشان عايز اجر شاليه
ينفع اروح ادور على شاليه؟
عرض للطباعة
ياجماعة انا ان شاء الله رايح قرية المروة
الكيلو 56 طريق الساحل
ممكن جد يوصفلك الطريق من 6 اكتوبر لانى ما روحتش الساحل قبل كده
وهل حد يعرف سماسرة هناك عشان عايز اجر شاليه
ينفع اروح ادور على شاليه؟
انهي 6 اكتوبر فيهم ؟؟ اللي في العجمي ؟؟ ولا اللي في الجيزه علي بوابه الصحراوي ؟؟
عامه لو اللي في العجمي حضرتك هاتاخد طريق مطروح وهاتلاقي كل القري السياحيه عالطريق عادي جدا
لو مدينه 6 اكتوبر الجيزه .. حضرتك هاتطلع عالصحراوي بتاع اسكندريه عادي جدا لحد ماتوصل للعجمي ال كم 21 ... ومن هناك تاخد طريق مطروح
اول متعدي بوابة تفتيش الحمام هتلاقي قرية كده تحسها مهجورة اسمها سلسبيل سيبك منها هي بقى اللي بعدها على طول وهتلاقي للمروة 3 بوابات الاولي أ و التانية سينما والتالتة ب (شاليهات رياسة)
اقصد 6 اكتوبر فى القاهرةاقتباس:
المشاركة الأصلية كتبت بواسطة abo_salah
يعنى انا هامش طريق اسكندريى عادية ولا لا اصل قالولى فيه طريق للساحل بعد الكارتة على طول
حضرتك تمشي صحراوي عأدي تعدي بوابة اسكندرية وتكمل بعد كبري العامرية حتلاقي على ايدك الشمال الجنب التاني بنزينة في ماك و on the run و على سكتك أنت بقى في كوبري تطلع عليه عشان ينقلك الجانب التاني وتدخل من جنب البنزينة دي.
كده إنت على طريق اسمه الكافوري حتمشي فيه تقريبا 30 كيلو لحد ماتوصل لدوران حتدخل يمين وتمشي لحد آخر الطريق ده حوالي 5 كيلو تطلع اخره طريق الساحل عند الكيلو 33 تقريبا تطلع عالطريق وتاخد أول يو ترن وتمشي بقى لحد القرية اللي حضرتك عايزها.
ملخص الكلام ده عشان لو سألت
1- مصر اسكندرية صحراوي
2-بعد البوبت حاتمشي شوية لحد كوبري العامرية
3-بعد كوبري العمرية حتدخل دخلت الكافوري على الجنب التاني عند on the run
4-تمشي حوالي 30 كله لحد الدوران وتكسر يمين تمشي فيه لحد الاخر تطلع عالساحل الكيلو 33
5- تطلع عالساحل وتاخد أول يو ترن وتمشي لحد القرية اللي إنت رايحه
01224903278 ده سمسار اخد كام قرية في المنطقة اللي إنت نزلها اسمه أحمد قاسم (أنا متعملتش معاه شخصيا) قولوا طرف صلاح بتاع قرية فينوس كيلو 49
أجازة سعيدة
حضرتمك هتاخد من اكتوبر ميدان جهينه يعنى هتيجى عند ميدان جهينه وهتاخد الطريق ال هيوديك اسكندريه الصحراوى وهتمشى على طول هتلاقى البوابات وبعد كدا كوبرى هتطلع الكوبرى وتنزل اجبارى هتلاقى نفسك فى طريق اسكندريه الصحراوى دا هيوفر معاك وقت كتير
الف شكر يافندم ربنا يكرمك انا الحمد لله فى الساحل الآن وكلمت السمسار ودلنى على شاليهاقتباس:
المشاركة الأصلية كتبت بواسطة sherbinii
سوال اخير بقى الرجوع من نفس الطريق صح
تانى حاجة فيه بنزينة قبل البوابات عند ماكدونالدز صح ولا احسن أحاول آمون من الساحل
معلش لو ممكن اعرف اجرت في قرية ايه و بكام (ِشاليه ولا شقة ولا فيلا) ؟اقتباس:
المشاركة الأصلية كتبت بواسطة egyptawy2010
أجرت شاليه منفصل فى قرية اسمها رمسيس ب 750اقتباس:
المشاركة الأصلية كتبت بواسطة sofiman
بس ده مش احسن حاجة عشان انا حجزت متاخر
أنا آسف جدا للتأخير والحمدلله إن السمسار انجزك لان الساحل زحمة والاسعار عالية فعلا وفاهمه برضه إنه مزود عليك عشان لو احتجته تاني مايستعبطش , الرجوع نفس السكة آه وعندك كذا بنزينة على طريق الكافوري على الجانبين وon the run آخر الكافوري متقلقشاقتباس:
المشاركة الأصلية كتبت بواسطة egyptawy2010
وانت راجع من الساحل فيه بنزينه قبل بوابه ال21 حتبقي علي شمالك
وفيه بنزينه بعد ماكدونالد وانت عالصحراوي قبل البوابات
وممكن تدخل حاره الخدمات في الصحراوي وتمون وتطلع منها تاني
الف شكر لكم جميعا
تمت العودة بحمد الله