المشاركة الأصلية كتبت بواسطة حسام الغرباوي
شكرا جدا لحضرتك علي الافكار ...لكن الفكر الزراعي مستبعد برضو للتخوف من المجال الزراعي في مصر وعدم دعم الحكومة وحمايتها للزراعة
غالبا الحكومه مش بتدعم اى مجال حاليا ولكن طالما حتدفع الدنيا حتبقي تمام ولكن طالما عن عدم اقتناع يبقى بلاش
تصنيع الملابس من الافكار المطروحة جدا
الشحن الداخلي ...كانت مطروحة والمعظم موافقش عشان الانفلات الامني خصوصا مع وجود شركات موجودة فعليا والبريد المصري كمان
صحيح فيها مخاطره عاليه
خدمات منزلية صعبة في مصر ...المصري دايما فهلوي ...غير كدا انتا لازم تفتح في كل المحافظات ....وبرضو هتدخل في مجال المقاولات
بالرغم انك مش لازم تبدأ فى كل المحافظات ومش حتدخل فى مجال العقارات لان اقصي شغل فى المجال ده هو اصلاحات وتشطيبات فقط وممكن تبقي تصليح بس فى الاول والسيطره على فهلوه المصريين ممكن تسيطر عليها بسيستم قوى وشويه كاميرات فى العربيات وخط شكاوى مفتوح الا انه بالفعل محتاج دراسه اكبر
الافكار عايزنها في حاجتين ( مصنع انتاج ) أو مطاعم .....لكن مصنع انتاج اية ..او مطعم مختص باية هي دي المشكلة تقريبا ...
وعلي فكرة الشركة هتكون شركة مساهمة ...يعني رأس المال قابل للزيادة ..
طيب فى مجال الانتاج ممكن مشروع انتاج مستلزمات منزليه بشكل مختلف بمعنى تطوير لفكره شركه ikea بحيث تعمل منتجات تفيد المستهلك وتكون سهله الفك والتركيب ويا سلام لو تتخصص فى معدات وديكورات الحدائق والقعدات الخارجيه
او ممكن مشروع انتاج اجهزه الكترونيه وللعلم فى منها ناس ناجحه جدا ومش اسامى عاليه فى السوق منها الكترونيك هاوس اللى عالملين براند grouhy وعاملين منه تلفزيونات عاديه وال سي دى وريسيفرات وجميع مستلزمات الدش من اطباق وال ان بي وغيره "طبعا فى اجزاء بتيجى من الصين "انما الاغلب صناعه مصريه وتجميع مصري والبراند بتاعتك حتسوقلها فى كام منفذ بيع داخل المحافظات الرئيسيه مع حبه عروض وتخفيضات حتلاقى الدنيا فل
او مشروع انتاج وتجميع اجهزه تعويضيه اطراف صناعيه وكراسي متحركه كهربائيه وعاديه بمواصفات عاليه حتلاقيلها سوق جامد جدا خاصه وان المستورد "حتى من الصين" اسعاره مبالغ فيها جدا ومفيش منافسه فى المجال ده خالص ويا سلام لو تعمل خط تجميع معدات عيادات الاسنان مثلا بتوكيل من شركه بره يبقى زى الفل
اما المطاعم فاظن التفكير خارج الصندوق فيها محدود شويه لان التميز فيها بتكون فى الخدمه واختيار الشيفات فمهما كان التطوير فى الافكار فيها حتلاقى المنتج النهائي الرضا عنه مرتبط بطريقه واسلوب تقديم الخدمه والطعم
وفى مجال كمان ممكن تفكر فيه لو تعمل مدرسه انترناشيونال تعتبر استثمار جيد وممكن تطور فى الفكره وتقدم خدمه مختلفه وحتجذب عدد كبير من الناس اللى بتدور على خدمه تعليميه مختلفه لاولادهم