العربيه مش بتتدور حتي بوصلة البطاريه

السلام عليكم

كنت في مشوار و جيت ركنت العربيه في الجراج و بالليل لاحظت لمبة الأنذار مطفيه و مش بتطفي وتنور
رحت عشان افتح العربيه السنتر من شغال و التابلوه مش بينور بس لمبة التشيك منوره و الكمبيوتر شغال و العربيه بتتدي انذار ان الباب مفتوح ومافيش صوت تكة الكونتاك ولا صوت المارش و النور الأمامي و كاسيت مش شغالين و شبابيك العربيه مش بتفتح ولا اي حاجه قولت يمكن البطاريه جبت وصله من عربية اخويا برضه نفس الشء بس المره ديه الشبابيك فتحت بس بطئ و الكاسيت مشتغلش معتقدش تكون مشكلة بطاريه عشان مش بتدور حتي بالوصله.

العربيه نوعها هوندا سيتي 2008 منوال و البطاريه لسا مغيرها من حوالي 6 شهور

فيه شورت عندك ..وواضح إن هو اللي بوظ البطارية اللي فاتت ..وبوظ البطارية دي ..وواضح برضه إن الشورت ده وصل لمرحلة إن العربية مبقتش تشتغل أصلا

اولا شكرا لرد حضرتك
ثانيا انا لسا جي من عند الكهربائي قولت له ان العربيه كانت فاصله خالص و ودارت زء بالعفيه راح جايب جهاز كمبيوتر وو صله بالسياره و قالي المشكله في البطاريه قولت له انا جايبها من قريب و عايز اعرف ايه اللي ببوز البطاريه يمكن يكون في شورت بيسهلك البطاريه قالي لآ الكمبيوتر عمل تشك و قال كل شئ سليم معادا قيسات البطاريه وقالي انت اكيد زود الحمل علي البطاريه تكيف مدة طويله عشان الجو حر وبعدين مركب لمبات عاليه مع كتوات و البطاريه 55 ماتستجملش كله قالي عالي البطاريه .
المهم دلوقتي فعلا السياره شغاله كويس بعد ما شحنت البطاريه بس سألت عشان اعلي البطاريه اللي 80 امبير الحجم هايزيد و ممكن ماتركبش علي القاعده عندي ايه بقي الحل؟