أنا شايف أن الموضوع دا أولى موضوع فى المنتدى فى المناقشة و تفعيله
خاصة ان التوقيت دا المغتربين عاملين حملة لالغاء الجمارك
الجمارك دى مش مصدر من مصادر الدخل للدولة نهائيا زى ما ناس فاكرة...دى أتاوة
دى فلوس تؤخذ من مصريين داخل مصر و تدخل خزانة الدولة داخل مصر يعنى المحصلة مفيش ناتج قومى
مفيش عربية مصرية.....مفيش تصنيع مصرى ....فى تدليس و غش و إقناع للناس و إيهامهم بوجود تصنيع للسيارات زى آخر مانشيت فى ملحق الاهرام للسيارت " إجتماع مصنعى السيارات "......مصنعى السيارات !!!!! لا يا شيخ !!!!
و اول ما ما يحسو ان الضغط و الحلقة مطوقاهم يبدأ الابتزاز بإنه مشغل آلاف و آلاف
مشغل كام يعنى ؟؟؟ دا جمرك عربية واحدة السى سى بتاعها عالى يغطى الفتافيت اللى بتاخدها عمالك و انت واخد الهبرة كلها
بعد كدا يبدأ السهوكة الفنية ....عايزين نزود نسبة المنتج المحلى.......تزود ايه ؟؟؟ ....محلى يا @%$@
.....منتج محلى زى ايه ....زى فرش الابواب ....تنجيد الكراسى...هو انت مصنع سيارات و لا منجد....
بيقنعك ان الراجل اللى بيجمع جهاز الكمبيوتر لما تروح تشتريه من المول انه هو بيل جيتس شخصيا
الغريب بعد كل دا ان اللى بيقنعك دلوقتى بعدم جدوى الغاء الجمارك و اعدام السيارات القديمة هو - هو - اللى أجبر السائقين على مشروع التاكسى الجديد و ان لازم هترمى عربيتك القديمة الشريرة المسببة لتلوث البيئة.....و الحقيقة علشان عنده توكيل عربيات و عايز مش يبيع ..عايز يتوحش و يتفحش فى الربح ......محمد منصور يعنى
كل دا علشان المواطنين برة ابتدت تتحرك و شقاهم ما يروحس لخمسة انفار من مجمعى اشباه السيارات
محصلة الكلام جمارك السيارات لا تذهب للدولة المصرية (كنا حتى ارتحنا نفسيا انها هترجع لنا فى صورة خدمات) و ليست لصالح المواطنين و إنما لحزمة تعد على صوابع اليد من رجال الاعمال و هى خراب على المواطنين
المفضلات