مش عارف اقول ايه
رقم العضوية : 176105
تاريخ التسجيل : 01Jun2015
المشاركات : 248
النوع : ذكر
الاقامة : مصر
السيارة: سكودا
السيارة[2]: فيات
الحالة :
التفكير فى الغاء الجمارك وبيع السيارات بسعرها العادل فى مصر مثل باقى الدول المجاورة واعدام السيارات القديمة هو حلم ولكن يقف امامه عقبات:
الراجل اللى بيفكر بطريقة كلاسيكية عادية وفقا للقوانين والمعطيات يقدر يقول ان الغاء الجمارك او خفضها الى نسب عالمية وكذلك الضرائب على السيارات هينعش سوق السيارات الجديدة وهيؤدى الى اختفاء السيارات القديمة وماتسببه من مشاكل بيئية وكوارث مرورية واهدار لاوقات الناس فى التصليح والجرى على الميكانيكة والكهربائية والحرفيين وخلافة
وهذه الاوقات يقدر المواطن يستخدمها فى الترفيه مما يعود عليه بنشاط فى اوقات العمل ويزيد الانتاجية ويقلل من الضغوط النفسية وايضا يحسن الانبعاثات الكربونية فتتحسن حالة الجو خاصة فى العاصمة مما يقلل من الامراض ويوفر على الدولة النفقات العلاجية
فكرة كلاسيكية بحته
لكن لم نفكر بالطريقة الشيطانية التى تمص دماء المصرى الذى اصيح الكل ينهش فى لحمه
احب احكى لكم موضوع كان حصل زمان يدللكم على العقلية اللى بتفكر فى البلد دى ازاى:
كان فى احد السنوات حصل ان بعض التجار حبوا انهم يرخصوا سعر اللحمة فى مصر
وسعر اللحمة فى هذا الوقت كان وصل تقريبا ل 70 جنية الكيلو
فهما عملوا كده حسبة لقوا اانهم ممكن يخلوا سعر الكيلو 40 جنية وبرضة هيكونوا كسبانين
طب ازاى؟
حبوا يستوردوا لحوم من السودان حضرتك اللى هى جمبك واللحمة هناك رخيصة جدا
-------------------- السودان -----------------------
(احكى لكم لمحة عن السودان انى كنت فى السودان عام 2008 ومتوسط سعر الخروف حوالى 350 الى 400 جنية مصرى وسعرة فى مصر كان 2000 جنية والناس هناك معظمهم كل موظف بيقبض المرتب يروح يشترى خروف ويقطعة ويرمية فى اكياس فى الفريز وممكن كل 2 جيران بيشتروا خروف ويقسموه واتخن وجبة فى مطعم محترم كانت بحوالى 60 جنية مصرى وتلاقى اللحمة محطوطة يجى حوالى كيلو )
واحب اقولكم ان فيه ناس كتير بتاكل لحم الغزال ودة ايضا مش غالى خالص - بتروح للجزار (بيسموه هناك الملحمه) وتديلة عربون كده وبعدها بكام يوم بيتصل بيك تروح تاخد الغزالة اللى هو خلى حد صياد يصدهالك فى البرارى وسعرها حضرتك متوسط مايعادل من 400 الى 600 جنية مصري والغزالة تعمل تريبا صافى من 15 الى 20 كيلو لحم صافى بعد التنظيف يعنى بتتكلم فى سعر كيلو لحم الغزال من 25 الى 30 جنية مصري....
واحب اقولكم ان سعر الجنية السودانى كان حوالى 3 جنية مصر وسعر الدولار كان 2 جنية سودانى
انا حبيت اشرحلكم وضع دولة جمبك معظمنا الصورة الذهنية عنها انها ضايعة ومتخلفة وهى فى الحقيقة تعتبر دولة غنية والناس مبسوطة هناك
معظم السكان هناك فيما عدا قلب العاصمة بيكون عنده فيلا او بيت دورين ولازم البيت يكون فيه فناء للعب الاطفال وحجرة للضيوف
معظم المنازل والعمارات فى العاصمة ارتقاعها منخفض والارض خصبة جدا والجو نقى جدا
الطرق المرصوفة مش كويسة بس تقريبا عمرك ماتسمع صوت كلاكس والناس بتسوق بمنتهل الاحترام الغريب ومفيش حد بيكسر على حد حتى فى عز الزحمة
والتاكسى هناك (اللى تعبان) معظمة تويتا موديلات قديمة
هناك متشوفش 128 او 127 او العربيات القديمة عموما معظم السيارت كلها حديثة وجديدة وتقريبا مبتشوفش اى سياره متبهدلة مش عارف ليه؟!!!
هناك تلاقى عمالة الترحيلات حضرتك معظمهم صينين ومن اريتريا والجنوب وانتشار غريب للاوربيين والاجانب فى معظم الاعمال وليهم مناطق ساكنين فيها قريبة من مطار الخرطوم (احياء شبيهه بحى المعادى فى القاهرة)
واهل السودان بيحبوا المصريين جدا جدا وبساعدوا اى مصرى جدا وتلاقى هناك فرع للبوار وفرع للشبراوى وفرع لجراند كافية فى الخرطوم
وطبعا انتوا عرفين انه ممنوع على مصر عمل الطريق البرى الى الخرطوم لان ده هيحل ازمه مصر الاغذائية والحيوانية وهينعش السوق المصرى وايضا السودانى لدرجة ان الشركة التى كنت اعمل بها عشان تجيب بضاعة من القاهرة كان اسهل واامن حل انها تحط البضاعة على سفينه والسفينه تجيب البضاعة لميناء بورسودان وتقعد البضاعة فى الجمارك والورقيات حوالى 6 اشهر!!!!
طبعا كل دة اوامر سياسية عليا واعترف بيها البشير بعد ثورة يناير للوفد الحزبى اللى زار الخرطوم (لوحد بيتابع)
المهم التجار دول بقى فاكرين انهم ناصحين وهيعملوا خدمة للوطن وطبعا هما هيكسبوا جامد لان فيه شركات استيراد محتكرة سوق اللحوم فى مصر فاشتروا كميه من المواشى ووضعوهم على سفن شحن
السفن وصلت سفاجا ياباشا وايه اللى حصل؟
اللى حصل انه جت اوامر بعدم دخول هذه اللحوم لمصر لانها هتسبب ضرر الى الشركات المحتكرة لاستيراد اللحوم من البرازيل!!!!!
فطبعا عشان الموضوع يكون شكلة قانونى راح الحجر الصحى منع نزول هذه المواشى للميناء بسفاجا
ففضلت المواشى على المراكب لحين حل المشكلة
وايه اللى حصل؟
اتمنع ان المواشى دى يروح لها اى اكل والسفينه واقفة فى البحر فطبعا بعد عدة ايام الاكل على السفن كان خلص وبعدها المواشى ماتت على السفن
فبعدها السفن دى رمت المواشى فى عرض البحر وبعدها بحوالى اسبوع او شهر تقريبا ظهرت حادثة القرش الشهيرة بتاعت شرم الشيخ (لوحد فاكر) وطلع بعض المحللين على البرامج بيقولوا ان ممكن السبب فى ظهور هذه الاسماك كميه المواشى التى القيت فى البحر فادت الى تغيير طبيعة هذه الاسماك الى طبيعة عدوانية.....
الخلاصة من الموضوع
هناك مستفيدين لن يسمحوا ابدا باى حاجة تريح الناس وتخسر ارباحهم
مصر البلد الوحيد تقريبا فى المنطقة اللى بتحط هذا الكم من الضرائب الخرافية على السيارات والبلد
الوحيد نقريبا اللى تقلاقى فيه سيارات من السبعينات والثمانيات نظرا لسياسة الجمارك الغريبة
وطبعا الحجج اللى بنسمعها من المحللين ان لو الجمارك اتخفضتت على السيارت هتزيد كميه السيارت فى البلد وهتلاقى دخلت فى كوارث مرورية
الحل بسيط وهو
اى سيارة هتكون بدون جمارك يبقى لازم صاحب السيارة يقدم سيارته القديمة الى المرور او جهاز رقابى يقوم باعدامها ويتم تطبيق ذلك على السيارات من قبل عام 90 وبصفة تدريجية ويتم حصر كل السيارات المعدمة وعددها بشبكة كمبيوتر وبذلك تقدر تحط خطة خمسية مثلا لاعدام كل السيارت القديمة وادخال سيارات جديدة وبعد خمس او عشر سنوات ستصبح السيارات بسعرها العادل العالمى وستصبح السيارات فى مصر بحالة جيدة وتقلل من الانبعاثات الضارة بالبيئه
------ اشهد ان لا اله الا الله - وان سيدنا محمد رسول الله --------
رقم العضوية : 49520
تاريخ التسجيل : 11Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
مش عارف اقول ايه
اللهم ارزقنى بر والدى
[SIGPIC][/SIGPIC]
رقم العضوية : 150464
تاريخ التسجيل : 23Oct2013
المشاركات : 1,878
النوع : ذكر
الاقامة : القاهرة
السيارة: بيجو 406
السيارة[2]: فيات128 - بيجو504
الحالة :
معاك
رقم العضوية : 92982
تاريخ التسجيل : 31Mar2011
المشاركات : 3,749
النوع : ذكر
الاقامة : Cairo
السيارة: Fiat
السيارة[2]: Fiat
دراجة بخارية: لا
الحالة :
متابع
لا اله إلا الله محمدُ رسول الله
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
يستحيل تتلغي
الدوله اقتصادها علي الضرائب والجمارك والدمغات والكارته
الكلام ده في الول اللي ليها اقتصاد قوي
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
كلام سليم ومحترم جدا
وأحب أضيف أن السيارات الحديثة أقل استهلاكا للوقود من السيارات القديمة
مما يقلل من استيراد الوقود ويقلل الضغط على العملة الصعبة
ولكن ... هذا يتطلب فكر إداري حقيقي غير متوافر حاليا ، والقضاء على جماعات المصالح كما ذكرت سيادتك
وداعا
رقم العضوية : 49520
تاريخ التسجيل : 11Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
مش عارف اقول ايه ............. كلام منطقى .... ولكن التطبيق تقف امامه فعلا عقبات كثيره .... ونقول ازاى البنزين والسولار في كل الدول بتنخفض قيمه البيع بانخفاض سعر البترول الخام الى نصف السعر وهنا مازال التفكير في زياده سعره للمره الثانيه وبخلاف زياده اسعار الكهرباء ..... بمعنى هى محكومه باقتصاد كل دوله ومدى قوته او تحمله لتلك الطفرات .
رقم العضوية : 49520
تاريخ التسجيل : 11Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
التطبيق سهل جدا بس محتاج ناس عندها ضمير وعايزه تعمل حاجه موضوع اللحمه بتاعت السودان دا لو جه مصر هتلاقى التجار الكبار فلسوا طبعا واعتقد انهم عددهم قليل جدا ال بيتحكموا فى السعر ذى الفراخ كدا مثلا البورصه متحكه فى السعر وبتغلى وبترخص حسب ال مسكينها وليهم مصلحه
مصلحه بعض الناس القليله اهم من مصلحه الشعب بالكامل
اللهم ارزقنى بر والدى
[SIGPIC][/SIGPIC]
رقم العضوية : 47609
تاريخ التسجيل : 20Sep2009
المشاركات : 2,135
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
الكلام جميل جدا لكن التنفيذ فى مصر مستحيل للاسباب كتيرة كلكم عارفينها
المفضلات