هي ايه البويه السكينز دي؟
اصل انا ناوي ارش قريب بس انا مفهمش حاجه في موضوع البويات ده
ماعدا بويات الحيطان :lol:
عرض للطباعة
هي ايه البويه السكينز دي؟
اصل انا ناوي ارش قريب بس انا مفهمش حاجه في موضوع البويات ده
ماعدا بويات الحيطان :lol:
الاسكينز دة نوع نضيف اوي من انواع الدهانات البتقاوم الشوس وعوامل التعرية بس مش زي الدهان الاصلي برضة لان الدهان الاصلي العربية بتخش معاة في فرن بدرجة حرارة عالية جداً مش زي الافران العادية علشان مكونات العربية "متسحش" طبعاً.
بعد دهان الفبريكة الاسكينز هو الافضل.
دى ماركة البوية و هى هولندية الصنع و هى و البويات الألمانى أفضل بويات للسيارات بس سعرها بيكون غالى حبتين.
الاسكينز بتعمل فى الكيلو حوالى 800 جنيه بالورنيش واظن العربية بتحتاج حوالى 2 كيلو , خد بالك من التجهيز لان دى اهم مرحلة والعربية لو متجهزتش صح البوية دى هتبقى زى قلتها وبرضة هحاول اديك بعض الخطوات الى ممكن تعملها فى سبيل التجهيز السليم
لما تمعجن العربية متديهاش بطانة على طوول سيبها يومين ولا حاجة تنشف كويس فى الشمس ويفضل انك اول يوم تغسلها بمياه وتسيبها تنشف وتعضم فى الشمس.
لما تدى فيلر برضة سيب العربية يومين تعضم والفيلر دة بيبقى المرحلة الاخيرة قبل الفرن .
لما تدخل الفرن نقى فرن كويس ويكون الصنايعى الى فيه ممتاز واديله دخانه قبل ما يشتغل علشان يعملك شغل بضمير لان لو البوية سيلت منه بقصد او بدون هتبقى كارثة طبعا.
وانت بتشترى البوية لازم تبقى معاك العربية علشان تجيب اللون بالظبط , دة اذا مكنتش هترش العربية كلها يعنى ولكن لو هترشها كلها يبقا ملوش لازمة.
في نوعين من بويه الفرن في السوق الافريقي و دي مصري و الاسكينز و دي هولندي و بتعتبر انضف نوع موجود بتبقي غاليه شويه بس بتعيش فتره اطول و لونها مش بيغير علي طول بعكس الافريقي
الاسكينز أفضل بكتير و لكن يعيبه انه غالى ( الكيلو ب 800 أو 900 جنيه )