لو حياتك ملخبطه تعمل ايه

**mody1982** · 08-08-2015 09:37 PM

المشاركة الأصلية كتبت بواسطة volociximab

و انا مليش اصدقاء
مع التقدم فى العمر بتنتقل من مكان لمكان لمكان و الى كنت صديقة بجد بتكون تركته من سنين و نسيتوا بعض
انا شايفك فى دائرة
انت من البيت للشغل و من الشغل للبيت
انت منطوى
متعرفش عن الدنيا غير بيتك و شغلك و بالتالى دائرة معارفك صغيرة
حاول توسعها
و الله انا بانصحك مع انى اعانى من حالة تشبه حالتك
اعانى من اكتئاب بسبب دراسة الطب و ضغوط اخرى منذ 13 سنة
و الاكتئاب بيجيب انطواء
و الانطواء بيجيب اكتئاب
وسع دايرة نشاطك-روح جيم(باتكلم جد و ده اثبت فاعليته علميا)-متشغلش نفسك بالجواز و لو لفترة شهرين مثلا-قلل الضغوط عليك
انت عندك-او على شفا الاكتئاب يا بشمهندس
يمكن كلامك و شكوتك تخلينى اتحرك و اعالج نفسي

المشكله اني فعلا حاسس اني عندي اكتئاب فعليا
لا بستمتع بأي حاجه و لا حتي لما بخرج او بسافر بكون مبسوط
حاسس اني عايش بلا هدف ولا معني زي ثور في ساقيه
لا بتقدم في حياتي الخاصه( مش عارف اكون بيت و لا اسره و لا عندي اصدقاء اقضي معاهم وقتي) و لا حياتي العمليه ( بسبب عدم وجود اماكن متاحه للترقي)
ساعات بحس ان الموت احسن ليا لأني مش شايف اي متعه او هدف من الحياه
مش عارف اخرج من اللي انا فيه ازاي

**volociximab** · 08-08-2015 10:40 PM

و لما تتجوز هتحس برضه بالاكتئاب و ستضع الزواج و مسؤليته احد اسباب ذلك
انصحك تبحث عن علاج للاكتئاب
انت عرفت الاكتئاب بنفسك---فقدان لذة الحياة
انا متردد انى اخد العلاج لانه بوليكه و انا مش عاوز وجع دماغ بس شكلى هاخده فى الاخر

**mody1982** · 08-08-2015 10:43 PM

المشاركة الأصلية كتبت بواسطة volociximab

و لما تتجوز هتحس برضه بالاكتئاب و ستضع الزواج و مسؤليته احد اسباب ذلك
انصحك تبحث عن علاج للاكتئاب
انت عرفت الاكتئاب بنفسك---فقدان لذة الحياة
انا متردد انى اخد العلاج لانه بوليكه و انا مش عاوز وجع دماغ بس شكلى هاخده فى الاخر

يعني تقصد اروح لدكتور
بس انا اعتقد ان الاكتئاب ده عن معظم الناس
و مش بشوف حد بيروح لدكتور
طيب ايه العلاج اللي المفروض الواحد يخده

**volociximab** · 09-08-2015 12:09 AM

انت وصفت حالتك بفقدان لذة الحياة و ده الاكتئاب

انت اضفت انك حاسس ان مفيش فايدة من حياتك-دى ممكن تكون مرحلة متقدمة من الاكتئاب

الدكتور لا عيب و لا حرام

**volociximab** · 09-08-2015 12:12 AM

الى حواليك عندهم نفس الشعور يبقوا مرضى بس مبيتعالجوش
انا باقولك انا عندى اكتئاب من 13 سنه

**mody1982** · 09-08-2015 02:22 AM

يا باشا المشكله في عدم وجود اصدقاء تقضي معاهم وقتك. تخرج معاهم تنبسط معاهم تخيل يبقى نفسك تخرج. من البيت و تقعد مع حد و تتفسح مع حد متلاقيش
ساعات انزل مع زمايلي في الشغل بس بتبقي نادره و بحس انهم بيخدوني معاهم مجامله و مش علشان هما عايزيني معاهم و كتير اوي مش. بيكلموني و مثلا لما يحبوا يطلعوا الساحل محدش فيهم يفكر يكلمني رغم انه ممكن. يكلم. غيري انا اكبر منهم بس مش بكتير بحوالي 5 سنين بس الموقف محبط جدا و محزن جدا مع اني مش بني ادم غلس بالعكس في ناس بتقول ان دمي خفيف بس رغم ذلك غير مدعوا في التجمعات الكبيره اخري كل كام خروجه ليهم يكلموني علشان اقعد معاهم علي اي كافيه ساعه و لا اثنين و مش قادر الومهم اصلهم في الاخر زملاء عمل

**volociximab** · 09-08-2015 10:10 AM

عدم وجود الاصدقاء شيء طبيعي لكثير من الناس
انت دخلت جامعة و تركت اصدقاء الدراسة
و تركت الجامعة مع اصدقائك هناك
و ذهبت من شغل لشغل و كل شغل فيه ناسه
كلنا ملناش اصدقاء
انا لا اتكلم عن الظروف انا اتكلم عن الواقع النفسي انك حتى لو اتفسحت مش بتفرح زى الااول
لو اتقالت نكته مش بتضحكك و لو ضحكت بيبقى ظاهريا
الخبر الحلو و الوحش مش فارقين لان فيه انسداد نفسي
كل حاجة فى الحياة ملهاش طعم
ثم تدخل فى مرحلة
الانظواء
التشاؤم
الضعف النفسي بمعنى انك تصبح غير قادر على تتحمل الضغوط و بالتالى تهرب:
تهرب من المكان الراقى فى العمل لمكان اقل رقيا لانه اقل ضغوطا
عبادتك تقل لان العبادة فيها ضغط
مذاكرتك تقل لان فيها ضغط
احساس دائم بالارهاق
احساس بعدم وجود قيمة للحياة

**Ah.Farid** · 09-08-2015 10:45 AM

المشاركة الأصلية كتبت بواسطة mody1982

يا باشا المشكله في عدم وجود اصدقاء تقضي معاهم وقتك. تخرج معاهم تنبسط معاهم تخيل يبقى نفسك تخرج. من البيت و تقعد مع حد و تتفسح مع حد متلاقيش
ساعات انزل مع زمايلي في الشغل بس بتبقي نادره و بحس انهم بيخدوني معاهم مجامله و مش علشان هما عايزيني معاهم و كتير اوي مش. بيكلموني و مثلا لما يحبوا يطلعوا الساحل محدش فيهم يفكر يكلمني رغم انه ممكن. يكلم. غيري انا اكبر منهم بس مش بكتير بحوالي 5 سنين بس الموقف محبط جدا و محزن جدا مع اني مش بني ادم غلس بالعكس في ناس بتقول ان دمي خفيف بس رغم ذلك غير مدعوا في التجمعات الكبيره اخري كل كام خروجه ليهم يكلموني علشان اقعد معاهم علي اي كافيه ساعه و لا اثنين و مش قادر الومهم اصلهم في الاخر زملاء عمل

انا شايف ان هنا تكامن المشكلة انت مش عامل لنفسك نمط فى الخروج والفسح ودائما تنتظر من الاخرين الدعوة

لازم تتغير يعنى اولا تضيف لنفسك احساس بالثقة وتحاول تعمل لنفسك عدة اماكن فى كافيهات او نوادى ويكون ليك مواعيد محددة اسبوعية تتواجد فيها وتحاول تدعوا اى معارف - معارف - زملاء عمل - وتلتزم بكدة لمدة شهر واحد حتى لو يومين كل اسبوع وتتصل باللى حواليك وتتعامل وتفتح حوارات ولو عندة مشكلة او مشوار تحاول تساعدة وتسمعلة كويس .....خلى بالك فى الاول هتلاقى استجابة اللى حواليك ضعيفة ,,,,بس مع الوقت هتلاقى ناس بتقرب منك وناس تبعد عنك .....وهتلاقى ناس مشغولة واللى عندة اهتمامات او مواعيد تانية .........كمل فى نفس الطريق مع الوقت هيزيد معارفك واصدقائك ,,,,,,بس نصيحة زى ما هتكسب اصدقاء بردة هتخسر اصدقاء تانيين ....مفيش مشاكل

كل ما توسع فى علاقاتك كل ما وقتك هيتشغل و تبدأ تحس باهتمامات الناس بيك بس الاول اهتم بيهم واسمعلهم وساعدهم على قد ما تقدر
لازم تعرف احنا اللى بنصنع السعادة لنفسنا ....عن طريق اننا نسعد اللى حوالينا ....وبالطريقة دة هما كمان يصدرولنا السعادة

**mody112** · 09-08-2015 12:43 PM

بص ياباشا محدش مرتاح ( لقد خلقنا الانسان فى كبد ).
وكل واحد مننا مهما بان عليه انه سعيد الا انه هتلاقى حاجة معينه منغصه عليه عيشته وحياته كلها مهما كان عنده فلوس او متجوز وعنده اولاد او صحته كويسه او او او ........
اللى انت بتقوله ده شىء عادى لكن انت اللى مكبر الموضع جامد قوى وحطه قدام عينينك لانك معندكش حاجه تانيه تشغلك او تملى فراغك .
وزى ما الاعضاء قالوا لو عندك رياضة بتمارسها او عضو فى جمعيه خيرية او بتدرس او خاطب مثلا وبتفكر فى الزواج لو عندك اى حاجه تانيه تشغلم مكنتش كبرت المشكله للدرجه دى .
مشكلتك انك عندك وقت فراغ ( والفراغ ده نعمه من عند ربنا لازم تستغلها )فلو عرفت اواى تستغل وقت فراغك المشكله هتختفى تدريجيا .
وبعدين انت مشكلتك مع الصحوبية دى عاديه جدا لان انت كل همك انك تلاقى حد تخرج معاه والسلام .
ولكن مشكلتى انا وبعض الاعضاء انك ساعات بتبقى متضايق ومتلاقيش حد تشتكيله مع ان الواحد عنده اصحاب كتييير لكن بتخاف تتكلم مع حد لياخد الكلام ده ضدك فى اى موقف بعد كده او لانه ممكن يحطى لحد تانى اللى انت حكيتهوله وكده يعنى وصدقنى هى دى مشكلة المشاكل انك تحس انك حواليك كتير ولكن ساعة الجد تحس انك وحيد .
ياريت تكون فاهم قصدى .
وربنا يهديلك حالك .

**Bassem Youssef** · 09-08-2015 03:15 PM

تابع المباريات الاوروبيه

الموضوع: لو حياتك ملخبطه تعمل ايه

LinkBack

أدوات الموضوع

عرض

-

-

-

-

-

المواضيع المتشابهه

تعمل اية لو في بنات بتضايق اختك تعمل اية ؟

عربيتي تعمل كام دلوقتي و cdx تعمل كام

تعمل اية لو رايح تخطب والعروسة تعمل زي الاخت الفاضلة دي هههه

العربيه عندى ملخبطه وبتاكل بنزيل ومش عارف اعمل ايه ارجو المساعده

العربيه عندى ملخبطه وبتاكل بنزيل ومش عارف اعمل ايه ارجو المساعده

الكلمات الدلالية لهذا الموضوع

المفضلات

المفضلات

ضوابط المشاركة