الموضوع: Ix35 ثمنها كتير عليها !!!

المشاركة الأصلية كتبت بواسطة adel1212

ال ix 35 شايفها ما تستهلش تمنها
معاك قلبا و قالبا و هكذا كل العربيات فى مصر


الاوبشنز اللى فيها والامان مش قد كده وفيه ناس بتشتكى منها فى العزم والفرامل
الاوبشنز : كافيه جدا جدا و اعتقد مش نقصها حاجة
الامان : مش شايف انها سيئة نهائي
العزم و الفرامل : هنا بيت القصيد عربية وزنها كبير وتعامل معاملة عربية سيدان من حيث قوة الموتور و الفرامل

عاوز اعرف اقتراحات السادة الاعضاء فى العربيات الكروس اوفر.........فكرت كتير و استقريت على ix35
اللى فى نفس السعر ده او اعلى شوية بس تكون افضل وقطع الغيار والصيانه متوافره

لانى فى الصعيد والحاله هنا زفت فى قصة التوكيلات والصيانة وقطع الغيار

[/color]وتكون كويسه فى اعادة البيع

واهم حاجة طبعا انها تكون عالية لانى الفانتازيا زهقتنى من الواطى ..

________؛_؛______؛_؛__________؛_؛_________

اولا ربنا يهديك للافضل قول امين
- كل طلباتك متوفرة في ix35 او سبورتاج فقط
- لو ممكن مستعمل يبقى عندك نيسان اكس تريل (عربية شقى و بهدلة) او شيروكي او بي ام x3 هم الاقرب لطلباتك

انت جبت من الاخر يا استاذ عادل فعلا انا قلبت كل الماركات مفيش غير ix35 و الاسبورتاج الافضل فى فئة الكروس اوفر بالنسبة ليا ..
وبرده عملت زى ما حضرتك قولت وبصيت فى المستعمل رغم انى دى اخر حاجة ممكن افكر فيها
امبارح كلمت غبور عشان اسال على ال ix35 موجودة ولا لاء وهنا ليقيت المفأجاة
العربية غليت 4 الاف ج .. حااجة تشيل .. اقوله طاب فيه حاجة اتغيرت فى العربية يقولى لا
. اقوله ده انا لسه سأل من كام يوم .. يقولى ذادت اول 8 ..
فعلا يعنى توكيل عقييييم ..
رأيكم اجيب الاى اكس على سعرها ولا اسبورتاج .. ما هما بقوا نفس السعر !!؟
وفى الاول والاخير انا بشكر كل الاعضاء المحترمين اللى بيساعدونى ف اتخاذ القرار
وربنا يكتبه ف ميزان حسناتكم ان شاء الله ..

انا فعلا كنت عند اباظة وقلي انها هتغلي

ايه رأيكم فى البيجو 2008 ؟؟

المشاركة الأصلية كتبت بواسطة جيتزاوي55

بص يا باشا أنا جايببلك حلول مش أعتيادية خالص وأعتقد معظمها عربيات ليها سمعه حلوة ,واعتماديتهم وقوتهم حلوة جدا , هيا بس المشكلة الوحيدة ان التوكيلات ممكن تكون مش متوافرة في الصعيد قوي , بس أعتقد مع الأنواع اللي هقولك عليها ممكن تتنازل شوية وتبقي تنور القاهرة ولا أقرب مكان .

أولا : بيجو 5008 : ممكن نقول عليها أتوبيس , عربية واسعة , فخمة جدا ومريحة جدا جدا وطبعا كل وسائل الأمان والرفاهية اللي في الدنيا تعتبر في طراز ال suv بجدارة , موتورها بيطلع 156 حصان ف حاجة محترمة , وبنتكلم تقريبا في 260 الف .

ثانيا : فورد كوجا : عربية جديدة بس توكيل محترم خصوصا بعد المالك الجديد وأسم فورد لوحدة ضمان مكونات الماني وتكنولوجيا حلوة جدا طبعا والأمان والسلامة مفيش كلام عليهم , موتور اقوي 180 حصان ب سعة سي سي اقل 1500 فبتدي توفير في البنزين وفي نفس الوقت قوة في الأداء بنتكلم في 270 الف تقريبا

ثالثا :فولكس تيجوان , طبعا الألماني مفيش كلام علية , بس هيا اغلي شويتين 320 الف , لو دخلت دماغك اتأكد الأول من موضوع الفتيس انه ميكونش dsg .

رابعا : فولفو v40 عربية كروس اوفر زي ما الكتاب قال , 180 حصان علي موتور 1400 سي سي يعني بنزين ببلاش , بس مشكلة قطع الغيار والتوكيل البعيد وسعر اغلي لا300 الف تقريبا .

اتمني أكون فتحت عينك علي أنواع جديدة واختيارات تانية وفي الأختيارات المطروحة أو اللي حضرتك بتتكلم في قرب توكيلاتها ف أعتقد ان الهيونداي ال ix35 هيا الحل الأقرب
في حاجة تانية بس انا شخصيا مش مطمنلها اللي هيا , سيتروين بيكاسو c4 .
وربنا يوفقك ان شاء الله في اختيار كويس

تقريبا حضرتك قولت كل الاختيارات وانا كان قصدى 5008 مش 2008 .. والعربيات اللى ذكرتها كلها ليس عليها غبار .. بس بصراحة تجربة الاوكتافيا المريره معايا فى الصيانة خلتنى افكر الف مره قبل ما اخوض مغامرة زى كده .
ايه رأيك فى الكارينز .. بصراحة شايفها تستاهل فلوسها اكتر من ix35 اللى هى اقرب خيار ليا
اوبشنز ممتاز .. سعر معقول .. 135 حصان .. ارتفاع 160 .. 7 راكب
شايفها تستاهل سعرها بعكس الاى اكس اللى تقريبا مفيهاش اى اوبشنز بفرق 7 الاف ج بين الاتنين .؟؟

المشاركة الأصلية كتبت بواسطة عمرو يحيى

ال ix 35 شايفها ما تستهلش تمنها


الاوبشنز اللى فيها والامان مش قد كده وفيه ناس بتشتكى منها فى العزم والفرامل

عاوز اعرف اقتراحات السادة الاعضاء فى العربيات الكروس اوفر

اللى فى نفس السعر ده او اعلى شوية بس تكون افضل وقطع الغيار والصيانه متوافره

لانى فى الصعيد والحاله هنا زفت فى قصة التوكيلات والصيانة وقطع الغيار

وتكون كويسه فى اعادة البيع

واهم حاجة طبعا انها تكون عالية لانى الفانتازيا زهقتنى من الواطى ..

________؛_؛______؛_؛__________؛_؛_________

علشان الجملة دي الكارينز خارج الحسابات

انهى جملة !!؟