واهم حاجة طبعا انها تكون عالية لانى الفانتازيا زهقتنى من الواطى ..
هذا ما اقصده فعلا
عرض للطباعة
واهم حاجة طبعا انها تكون عالية لانى الفانتازيا زهقتنى من الواطى ..
هذا ما اقصده فعلا
بعيدا عن اى حاجة انا احب اشكر حضرتك على المتابعة وصدق النصيحة اللى باين من كلامك وربنا يكرمك ويجازيك خيرا على تلك النصيحة الصادقة ..
هو بالنسبة للارتفاع فاهى 160 مم والاوكتافيا تقريبا كانت 150 او اقل والسبورتاج 163 وال ix35 170 تقريبا ارتفاعها معقول وسالت كذا واحد صاحبى قالى ان المعدله اعلى من الموديل القديم وطبعا احسن فى كل حاجة موتور واداء وابشنز بس الامان تقريبا واحد فى كل الكورى وطبعا فيه فرق شاسع بين الكورى والاوروبى بس حبيت اركب عربية مختلفة وكده كده انا بحاول اغير الغربية كل سنتين او ثلاث عشان ما تفتحش بقها وثمنها ينزل قوى .. بالنسبة ل السوبارو عربية حلوة بس نااااادرة جدا فى السوق وتقريبا عندنا فى الصعيد محدش يعرف عنها حاجة اصلا فمشاكل كتير حتقابلنى ف الصيانة وقطع الغيار واعادة البيع .. اما ال 5008 فليس عليها غبار سوى هيئة الميكروباص :d ولو التوكيل والصيانة كنت اول عربية ممكن اجيبها لانها من جوه عالم تانى .. وان شاء الله حصلى استخارة واشوف الكارينز لانى شوفت ال الاى اكس عند القرش مع انى كنت ناويت اجيب الكارينز السودا .. تحياتى لشخصكم الكريم ..
نصيحه لوجه الله لو حتجيب ix 35 او kia sportage حاول علي قد ما تقدر تجيب الهاي لاين المزوده ب ESP
لا شكر علي واجب يا باشا , وربنا يجازيك أنت خير علي الدعوة الحلوة اللي شفتها علي الصبح دي .
انت فعلا زي ما أنت قلت الكوري تقريبا كلة واحد وأن شاء الله تعرف توصل لأحسن حاجة فية وأن كنت أعتقد أنها هتبقي ال ix 35 , وفعلا متع نفسك بالتنوع مش لازم تفضل في أطار الأوروبي وخلاص , أكيد برضة العالم الكوريين دول بيعملوا حاجات حلوة :d , وانت كدة كدة بأذن اللخ مش هتخسر حاجة طالما أنت بتقول أنك بتغير أول بأول أن شاء الله , بس فعلا نصيحتي حاول تجيبها هاي لاين زي ما كان في حد كتب بعدي .
السوباور انت معاك حق في كل كلمة قلتها عليها وأنا لو في مكانك , واو أنا اصلا معايا فلوسها هفكر 100 مرة قبل ما اجيبها :d , ومتفتكرش أني بلبسك والله لكن هيا فعلا مخاطرة كبيرة أدامها قيمة كبيرة .
الميكروباص أو ال 5008 فعلا توكيلها مضيعها شوية بس اهي كانت هتنفع لو ملقتهاس مريحة تشغلها الصعيد القاهرة ولا حاجة :36_2_33::36_2_33:
ربنا يكرمك للي فية الخير تاني وابقي طمننا كدة رسيت علي اية .
انت ياباشا بموصفاتك دى محتاج يا سبورتاج يا 35 حتى الكارينز لا بعيدا عن انهى ممكن متكنش واطية بس اعادة بيعها هيبقى وحش قصدى على الشكل الجديد لانه غير مرغوب فيه
الحمد لله استلمت العربية الجديدة من يومين
ix35
حبيت اكتب الاختيار الاخير كرغبة الاستاذ جيتزاوى ولى اى حد تابع الموضوع
الاخيار طبعا بعد معاناه دامت شهر وفى النهاية كان الاختيار
بشكر كل اللى قدم لى نصيحة وبشكرهم من كل قلبى
تحياتى لكم جميعا
الف مبروك وربنا يديك خيرها ويكفيك شرها بس الصراحة انا موش فاهم حاجة وهاقتبس من كلامك ونشوف التسلسل المنطقي للاحداث والنتيجة النهائية هههههه
والنتيجة النهائية بعد كل ده
فطالما العربية متستهلش تمنها + انك قفلت منها + أن الكارينز احسن منها في كل حاجة فاشتريتها في الاخر ليه
معلش النتيجة النهائية موش صح :) كده