الموضوع: Ix35 ثمنها كتير عليها !!!

المشاركة الأصلية كتبت بواسطة جيتزاوي55

أعتقد هو قصدة علي فكرة أنها مش عالية وكدة يعني .
بص اناهقدر أحكم بصراحة لني كدة كدة في مصر كان معايا هيونداي جيتز وهنا في البحرين كل العربيات اللي ركبتها سيدان .
بس في مرة ركبت عربية زي الكارينز كانت حلوة وقعدتها علية برضة الي حد ما وكانت مريحة قوي , ف لو أنت عاجباك الكارينز ممكن تنزل تتفرج عليها وتركبها لو ارتحتلها يبقي علي البركة هيا فيها شوية اوبشنات حلوة ودلع وكدة , بس حاسس أن الأمان فيها عادي قوي زيها زي بقية الكوري مبيهتمش قوي بالحاجات الأساسية وبيوجة التكنولوجيا بتاعتة في الرفاهيات مش في الأساسيات .
انا بس عاوزك تتأني شوية لأنك بتقول راكب فانتازيا فالنزول من أوروبي ل كوري صدقني هتحس أن فية فرق . اينعم هيبقي في جانب نعومة وشوية رفاهية بس في الأمان والجري والثبات والتحكم في العربية طبعا الأوروبي يكسب .أنا رأيي أستخير ربنا تاني وأنزل اتفرج علي الكارينز وعلي ال ix35 وممكن تتفرج معاهم علي البيجو ال 5008 . وأرجوك أرجوك اتفرج علي السوبارو xv العربية دي رائعة بكل ما تحمل الكلمة من معاني , ومتورها مشكلتة أنة هورس باور أقل من كل اللي أحنا بنتكلم فية , لكن هيا كعربية هيا أداء يفوق الوصف وعلو عن الأرض بشكل كبير .
تحياتي ليك وفي النهاية ربنا يوفقك للي فية الأحسن والأصلح

بعيدا عن اى حاجة انا احب اشكر حضرتك على المتابعة وصدق النصيحة اللى باين من كلامك وربنا يكرمك ويجازيك خيرا على تلك النصيحة الصادقة ..
هو بالنسبة للارتفاع فاهى 160 مم والاوكتافيا تقريبا كانت 150 او اقل والسبورتاج 163 وال ix35 170 تقريبا ارتفاعها معقول وسالت كذا واحد صاحبى قالى ان المعدله اعلى من الموديل القديم وطبعا احسن فى كل حاجة موتور واداء وابشنز بس الامان تقريبا واحد فى كل الكورى وطبعا فيه فرق شاسع بين الكورى والاوروبى بس حبيت اركب عربية مختلفة وكده كده انا بحاول اغير الغربية كل سنتين او ثلاث عشان ما تفتحش بقها وثمنها ينزل قوى .. بالنسبة ل السوبارو عربية حلوة بس نااااادرة جدا فى السوق وتقريبا عندنا فى الصعيد محدش يعرف عنها حاجة اصلا فمشاكل كتير حتقابلنى ف الصيانة وقطع الغيار واعادة البيع .. اما ال 5008 فليس عليها غبار سوى هيئة الميكروباص :d ولو التوكيل والصيانة كنت اول عربية ممكن اجيبها لانها من جوه عالم تانى .. وان شاء الله حصلى استخارة واشوف الكارينز لانى شوفت ال الاى اكس عند القرش مع انى كنت ناويت اجيب الكارينز السودا .. تحياتى لشخصكم الكريم ..

المشاركة الأصلية كتبت بواسطة adel1212

واهم حاجة طبعا انها تكون عالية لانى الفانتازيا زهقتنى من الواطى ..



هذا ما اقصده فعلا

تقريبا زى ما ذكرت ان السيارة عالية نسبيا عن الاوكتافيا وقريبه من الاسبورتاج .. تحياتى لحضرتك على المتابعة والف شكر على النصيحة الغالبة .

نصيحه لوجه الله لو حتجيب ix 35 او kia sportage حاول علي قد ما تقدر تجيب الهاي لاين المزوده ب ESP

المشاركة الأصلية كتبت بواسطة m.elwan

نصيحه لوجه الله لو حتجيب ix 35 او kia sportage حاول علي قد ما تقدر تجيب الهاي لاين المزوده ب esp

ياباشا الف شكر على النصيحة الغالية وفعلا عندك حق فى النقطة دى طبعا .. بس انا تقريبا قفلت من العربية دى مش عارف ليه .. ناس بتشكر فيها وناس بتلعن اللى جبوها

المشاركة الأصلية كتبت بواسطة جيتزاوي55

لا شكر علي واجب يا باشا , وربنا يجازيك أنت خير علي الدعوة الحلوة اللي شفتها علي الصبح دي .
انت فعلا زي ما أنت قلت الكوري تقريبا كلة واحد وأن شاء الله تعرف توصل لأحسن حاجة فية وأن كنت أعتقد أنها هتبقي ال ix 35 , وفعلا متع نفسك بالتنوع مش لازم تفضل في أطار الأوروبي وخلاص , أكيد برضة العالم الكوريين دول بيعملوا حاجات حلوة :d , وانت كدة كدة بأذن اللخ مش هتخسر حاجة طالما أنت بتقول أنك بتغير أول بأول أن شاء الله , بس فعلا نصيحتي حاول تجيبها هاي لاين زي ما كان في حد كتب بعدي .

السوباور انت معاك حق في كل كلمة قلتها عليها وأنا لو في مكانك , واو أنا اصلا معايا فلوسها هفكر 100 مرة قبل ما اجيبها :d , ومتفتكرش أني بلبسك والله لكن هيا فعلا مخاطرة كبيرة أدامها قيمة كبيرة .

الميكروباص أو ال 5008 فعلا توكيلها مضيعها شوية بس اهي كانت هتنفع لو ملقتهاس مريحة تشغلها الصعيد القاهرة ولا حاجة
ربنا يكرمك للي فية الخير تاني وابقي طمننا كدة رسيت علي اية .

والله فكرة برده موضوع المكروباص اهو نطلع باى حاجة من العربيات دى ههههعهه
انا تقريبا استقريت على الكارينز الهاى لاين .. بس لسه بشوف الفرق بين الخليجى منها والتوكيل

الحمد لله استلمت العربية الجديدة من يومين
ix35
حبيت اكتب الاختيار الاخير كرغبة الاستاذ جيتزاوى ولى اى حد تابع الموضوع
الاخيار طبعا بعد معاناه دامت شهر وفى النهاية كان الاختيار
بشكر كل اللى قدم لى نصيحة وبشكرهم من كل قلبى
تحياتى لكم جميعا