استشارة من اهل الخبرة قبل شراء zx

السلام عليكم :)

بعد كلام كتير جدا قرأته هنا و فى اماكن تانية .. الى حد كبير استقريت على انى اشترى ستروين zx ...

بس فى شوية حاجات محتاج فيها رأى اصحاب الخبرة ..

اولا السعر ... ايه اقل سعر منطقى لها فى السوق .. و ايه اعلى سعر ؟ ..
لو فى قدامى عربية حالتها كويسة و فيها سنتر و تكييف و باور .. المفروض يبقى سعرها فى حدود كام ؟
و لو عربية حالتها كويسة بس من غير باور و التكييف فيه مشاكل يبقى سعرها فى حدود كام ؟

ثانيا .. لو التكييف مش شغال .. هيكلفنى ايه فى تصليحه او تغييره فى المتوسط ؟

ثالثا .. فى عربيات فى السوق 1600 ولا دى كلها بتبقى متسقطلها موتور ؟ ... و لو متسقطلها موتور 1600 سعرها ممكن يبقى كام ؟ .. و هل التكييف مع الموتور الـ 1400 غير محتملين يعنى ولا ممكن استخدمهم بشكل معقول لحد ما اقدر اسقطلها موتور 1600 ؟

رابعا و ده الاهم .. ايه اشهر العيوب و الاعطال اللى بتحصل للـ zx و لازم اتأكد منها قبل ما اشتريها ؟ .. و هل الافضل آخد معايا ميكانيكى يعاينها ولا اخدها اكشف عليها فى التوكيل مثلا .. و لو عملت كدة هيكلفنى كام الكشف ده ؟ :)

و الف شكر مقدما لكل اللى حيهتم :)