السلام عليكم،
زي ما العنوان بيقول ، شركة جديدة نازلة بمنتجات خاصة بالكمبيوتر والموبايلات، وي مثلا باور بنك، شواحن العربيات للموبايل، ماوسات واكسسوارات كمبيوتر. مش عارف أبدأ منين واعمل ايه
عرض للطباعة
السلام عليكم،
زي ما العنوان بيقول ، شركة جديدة نازلة بمنتجات خاصة بالكمبيوتر والموبايلات، وي مثلا باور بنك، شواحن العربيات للموبايل، ماوسات واكسسوارات كمبيوتر. مش عارف أبدأ منين واعمل ايه
الميزانية كام؟؟
عدد الموظفين؟؟
بتستورد ولا بتجيب من هنا؟؟؟
هي شركة أخويا، وهو مدخلها منتجات اضافية جنب شغله
عندك محل مفتوح
مخزن كمبيوترات
زور محﻻت كمبيوتر مول فى شارع حسين هيكل من عباس العقاد وفى مول تانى فى روكسى تايه عنى عنوانة واكيد فى ناس ماسكة المعادى و ناس ماسكة القاهرة الجديدة ومتنساش شبرا .. اتنحرر وشد حيلك اعمل بﻻن انزل فية محافظات الصعيد واسكندرية والعلمين والوادى شغلك عشان يكون مجدى محتاج تصريف كميات
خد عينات من شغلك واديلها اكواد لكل صنف وسعرها
وانزل لف بيها على محلات الكمبيوتر والاكسسوارات والمولات
وخد معاك ملف الشركه بتاعتك عشان الناس تتاكد من مصداقيتك
وكروتك الشخصيه
واعملهم عروض اسعار حلوه عشان ياخدو منك, لو حتى اقل من السوق بجنيه
ربنا يوفقك
بالاضافه لكلام الاعضاء ...اهتم قوي بالاعلانات سواء على دوبيزل او الفيس بوك
البيع اونلاين كمان بقى منتشر جدا دلوقتي. مش محتاج مقر و لا عمالة من اي نوع. مجرد الاعلان على مواقع البيع اونلاين و حد يرد على التليفون و شركة شحن محترمة. و انتهت القصة.
لو عندك مصداقية في البضاعة و مواعيد تسليمها و اهم حاجة خدمة ما بعد البيع تكون واضحة و محددة. و اللي تقوله تلتزم بيه.
ربنا يوفقك
أؤيد كلام الإخوة ابو مازن والدكتور عاصم
نقطة البداية السريعة هي الانترنت
وإذا أمكنك التعاون مع أحد الزملاء أصحاب الخبرة في التسويق الالكتروني ستحصل على نتائج جيدة
بالتوفيق إن شاء الله