-
سؤال لأهل اسكندرية
السلام عليكم
عايزين نطلع مصيف يومين وقررنا اسكندرية بس مش عارف ناخد شقة فين
ناس قالوا عمارات الظباط عند كوبری ستانلی بس لازم يكون معانا عربية لانها بعيدة عن البحر
وناس قالوا خالد بن الوليد فايه رايكم عايز حتة قريبة من البحر ومش هيكون معانا عربية وتكون فی حدود 150:200 فی اليوم
وايه الافضل اسكندرية ولا مطروح ؟
ملحوظة*انا عمری ما زرت اسكندرية
-
السلام عليكم ورحمة الله وبركاته،،،
أنا ما أعتبرش إسكندريه مصيف خالص
انا باعتبرها مدينه ساحليه
المكان الوحيد في إسكندريه اللي يعتبر مصيف في وجهة نظري هي المعموره. عشان دي زي كومباوند منعزل وفيها شواطئ ورمله.
خالد بن الوليد تقريباً مابقاش فيه شاطئ رملي. الشاطئ هناك يجي 10 متر كده بس :)
وكمان السعر اللي حضرتك كاتبه ده صعب أوي يجيب أي حاجه في إسكندريه في الوقت ده.
شكراً
-
طبعا تنورنا في اسكندرية. بس انصحك بالساحل او مطروح. و موضوع الميزانية ده محتاج مراجعة
-
150 الى 200
في ابوقير شاطيء برادايس هتلاقي بالمبلغ ده.
-
طيب ايه رايكم فی مطروح؟والاسعار بتبدأ من كام ؟
وهل فعلا الموضوع صعب من غير سيارة اعتمادا علی التاكسی
وبالنسبة لاسكندرية ممكن نرفع الميزانية ل250 ينفع ولا ايه؟
-
الشقق اللى على البحر فى خالد بن الواليد أو المنتزه أو محمد نجيب سعرها يتراوح من 300 الى 500 فى اليوم
ممكن تلاقى اسعار من 100 جنيه بس بعيد عن البحر وفى مناطق سكنيه لسه جديده زى مثلا آخر شارع 45 مع مصطفى كام فى العصافرة
لازم يكون معاك عربية علشان تعرف تتحرك
-
هو انا مش اقصد انها تكون شايفة البحر لكن اقصد تكون قريبة مش بعيدة
لكن يظهر ان المشكلة فی موضوع العربية
-
-
المصيفيين "اياهم" بيخربوا اسكندريه في شهرين 7 و 8
-
لو العجمى فى اختياراتك يبقى تروح شاطىء النخيل أو البيطاش يعتبر حاجة حلوة شوية
لو ميزانية اقل روح شارع الجمعية فى الهانوفيل بس شعبى شوية
ا50 الى 200 جنيه تجيب حاجة حلوة فى العجمى
دور على النت و استفسر و احجز قبل ما تنزل علشان متضيعش الوقت
Content Relevant URLs by
vBSEO 3.6.0 PL2