مخالفة انتهاء رخصة لسيارة سارية الترخيص !

**flight_angle** · 06-08-2015 03:15 PM

دخلت استعلم على المخالفات على بوابة الحكومة المصرية لقيت عندى مخالفة 21.5 جنيه انتهاء رخصة التسيير بتاريخ 18/4/2015 مع ان الرخصة سارية فى التاريخ ده بالاضافة ان مكان المخالفة فى محافظة تانية ماروحتهاش اصلا بالاضافة ان مافيش حد خالص طلب يشوف الرخصة ولا تم سحبها خالص , وكاتبين انه لا يجوز التظلم على النوع ده من المخالفات , المشكلة مش فى المخالفة ولا قيمتها المشكلة انى حاسس انى بتسرق بدون وجه حق ومش من حقى لا اعترض ولا اتظلم نتيجة اهمال وغرامات جزافية , رايكم ايه .

**Abo_Mazen** · 06-08-2015 04:20 PM

لما تروح النيابه وتتكلم مع الموظف هيشيلك المخالفه عادي جدا ...انت اصلا ممكن تروح تستعلم عنها في المرور متلاقيهاش

**flight_angle** · 06-08-2015 04:41 PM

المشاركة الأصلية كتبت بواسطة abo_mazen

لما تروح النيابه وتتكلم مع الموظف هيشيلك المخالفه عادي جدا ...انت اصلا ممكن تروح تستعلم عنها في المرور متلاقيهاش

يعنى لو وريت للموظف الرخصة والتاريخ سارى هيلغى الغرامة . اعتقد ده مش من سلطته دا من اختصاص وكيل النيابة ومافيش تظلم فى النوع ده من الغرامات , يعنى لازم تندفع ..
بعض الناس فعلا بيقولوا ان الموقع ساعات بيحط مخالفات وبيروحوا مش بيلاقوها , بس دول حاطين نوع المخالفة وتاريخها ومكان المخالفة وقيمتها والضريبة عليها معقول يكون خطأ .

**Abo_Mazen** · 06-08-2015 05:41 PM

المشاركة الأصلية كتبت بواسطة flight_angle

يعنى لو وريت للموظف الرخصة والتاريخ سارى هيلغى الغرامة . اعتقد ده مش من سلطته دا من اختصاص وكيل النيابة ومافيش تظلم فى النوع ده من الغرامات , يعنى لازم تندفع ..
بعض الناس فعلا بيقولوا ان الموقع ساعات بيحط مخالفات وبيروحوا مش بيلاقوها , بس دول حاطين نوع المخالفة وتاريخها ومكان المخالفة وقيمتها والضريبة عليها معقول يكون خطأ .

ما الموظف هيلغيها بعد ما يوريها لوكيل النيابه طبعا ..انا قلت التعامل مع الموظف والموظف هو اللي هيلغي المخالفه لان وكيل النيابه دلوقتي مش بيتعامل مع الجمهور زي الاول