اقتباس المشاركة الأصلية كتبت بواسطة abo_mazen مشاهدة المشاركة

بمناسبة المشي بالبركة فكرتني بموقف ضحكني والله ...
من كام يوم كده ماشي على الطريق الدولي عندنا في إسكندرية ..اللي هو واصل ما بين برج العرب وما بين دمياط ..بس أنا طبعا ما بمشيش غير على جزء صغير منه ..اللي هو ما بين منطقة وادي القمر وما بين منطقة محرم بك ..اللي هو الجزء اللي أنا بختصر بيه الدخول من جوه البلد ..المهم ..ماشي أنا بالعربية ولسه العربية بتجمع بقى سرعة..لإني كنت لسه طالع على الطريق ده ..فاببدأ آخد سرعتي من أول وجديد ..يعني مدي التالت والعربية لسه في مرحلة التجميع ..وأبص ألاقي على شمالي ..وأنا كنت طبعا في أقصى يمين الطريق ..عشان كنت لسه بجمع سرعة العربية ..أبص ألاقي على شمالي موتوسيكل من ده
المشكلة بقى إن اللي سايق الموتوسيكل ماشي بيه في نهر الطريق ..يعني في وسط العربيات اللي حاطه سرعات عاليه توصل 140 مثلا ..ومش كده وبس ..ده اللي سايق الموتوسيكل بيبصلي وبيحرق على الموتوسيكل وأنا سامع صوته الموتوسيكل بيعيط من كتر الحرق عليه ..والراجل اللي سايق بيبصلي بمنتهى البرود كده وكأنه عاوز يقولي ..هيييه ..أنا كمان بجري أهو ..طبعا أنا عديته وسيبته ورا ..بس أنا بتكلم على واحد زي ده ماشي بمكنه زي دي وأخر سرعته 80 مثلا ..وماشي في وسط طريق سريع بالشكل ده ..فده مثلا نوع من أنواع المشي بالبركة اللي بيقولوا عليه

على الدولى يا ابو مازن وقابلت 3 تكاتك بيعدو بعض وعدتهم والله كنت خايف هوا عربيتى يقلبهم او هوا الطريق يقلبهم عليا