عايز اعرف كل طريق السرعه القصوى كام
عرض للطباعة
عايز اعرف كل طريق السرعه القصوى كام
فى 3 عوامل تحدد السرعه القصوى
1-حاله الطريق وتصميمه القياسى (ده مش موجود فى مصر)
2- حاله السياره ومدى اتزانها وثباتها على السرعات العاليه
3-السرعه القصوى المحدده قانونا تبع المرور وده طبقا للمعطيات 1و2
كنت سمعت ان امريكا مش اى عربيه تطلع طريق سريع لازم مواصفات منها ان المحرك ميقلش عن 2000 سى سى
يوجد ايضا المشى بالبركه يعنى اى عربيه بتجرى على اى طريق مع مخالفه السرعه المروريه وده المنتشر فى مصر
اما فعليا على ما اتذكر من اللوحات
ان الملاكى 90 والنقل 60
ما هى السرعات المقررة ؟
السرعة داخل المدن و التجمعات الصناعية و الزراعية
مراعاة أحكام هذه اللائحة يكون الحد الأقصى لسرعة مركبات النقل السريع على الطرق عند توافر الظروف المناسبة على الوجه الآتى
داخل المدن :
40 كيلومتر فى الساعة للسيارات القاطرة للمقطورات وأنصاف المقطورات
60 كيلومتر فى الساعة لباقى أنواع المركبات
داخل التجمعات السكنية والصناعية والسياحية :
40 كيلومتر لكافة أنواع المركبات
الطرق السريعة أو الرئيسية التى تربط المحافظات ، والتى تتبع المحليات أو الهيئة العامة للطرق والكبارى
60 كيلومتر فى الساعة للسيارات القاطرة للمقطورات والسيارات من نوع سيمى تريلر (( نصف المقطورة ))
70 كيلومتر فى الساعة للسيارات النقل
80 كيلومتر فى الساعة لسيارات نقل الركاب
90 كيلومتر فى الساعة لباقى أنواع السيارات
الطرق الصحراوية
القاهرة / الإسكندرية - القاهرة / الإسماعيلية / بورسعيد – القاهرة / السويس – القاهرة / بلبيس – الإسكندرية / مطروح / السلوم – القاهرة / الفيوم – وادى النطرون / العلمين
70 كيلومتر فى الساعة للسيارات القاطرة للمقطورات والسيارات من نوع ((سيمى تريلر )) نصف المقطورة
80 كيلومتر فى الساعة لسيارات النقل
90 كيلومتر فى الساعة لسيارات نقل الركاب
100 كيلومتر فى الساعة لباقى أنواع السيارات
الحد الآدنى لسرعة سير مركبات النقل السربع
يكون الحد الأدنى لسرعة سير مركبات النقل السريع على الطرق بداخل المدن 15 كيلومترا فى الساعة وخارج المدن 30 كيلومترا فى الساعة ومع ذلك يسمح للجرارات الزراعية بالسير بحد أدنى قدره 10 كيلومترات فى الساعة على أن تلزم أقصى الجانب الأيمن لنهر الطريق
الطرق اللى عملها الجيش جديدة مفتوحة للملاكي لحد 120 كم/ساعة زى السخنة و الكريمات و اسكندرية الصحراوي
القاعره الاسماعيليه كا؟؟؟؟؟؟؟؟؟؟؟؟
100 كم/ساعة
بمناسبة المشي بالبركة فكرتني بموقف ضحكني والله ...
من كام يوم كده ماشي على الطريق الدولي عندنا في إسكندرية ..اللي هو واصل ما بين برج العرب وما بين دمياط ..بس أنا طبعا ما بمشيش غير على جزء صغير منه ..اللي هو ما بين منطقة وادي القمر وما بين منطقة محرم بك ..اللي هو الجزء اللي أنا بختصر بيه الدخول من جوه البلد ..المهم ..ماشي أنا بالعربية ولسه العربية بتجمع بقى سرعة..لإني كنت لسه طالع على الطريق ده ..فاببدأ آخد سرعتي من أول وجديد ..يعني مدي التالت والعربية لسه في مرحلة التجميع ..وأبص ألاقي على شمالي ..وأنا كنت طبعا في أقصى يمين الطريق ..عشان كنت لسه بجمع سرعة العربية ..أبص ألاقي على شمالي موتوسيكل من ده
http://nileup.com/up/uploads/nilemotors_14391012711.jpg
المشكلة بقى إن اللي سايق الموتوسيكل ماشي بيه في نهر الطريق ..يعني في وسط العربيات اللي حاطه سرعات عاليه توصل 140 مثلا ..ومش كده وبس ..ده اللي سايق الموتوسيكل بيبصلي وبيحرق على الموتوسيكل وأنا سامع صوته الموتوسيكل بيعيط من كتر الحرق عليه ..والراجل اللي سايق بيبصلي بمنتهى البرود كده وكأنه عاوز يقولي ..هيييه ..أنا كمان بجري أهو ..طبعا أنا عديته وسيبته ورا ..بس أنا بتكلم على واحد زي ده ماشي بمكنه زي دي وأخر سرعته 80 مثلا ..وماشي في وسط طريق سريع بالشكل ده ..فده مثلا نوع من أنواع المشي بالبركة اللي بيقولوا عليه