الموضوع: الى رجاله المنتدى حتى الاربعين عاما... ما هى اجمل فتره مرت به مصر من وجهه نظرك؟؟

- وجهه نظرى الماليه.

- ليه؟؟؟؟؟؟؟؟؟؟

- هو ده إللى بيعملنا ثورة كل يوم ووقف حال وهى دى مطالب الشعب عيش.

- والعيش ده مش بفلوس!!!!!!!!!!!!!!!!!

- بص على الصورة إللى أنا رفعها.

- هى ايه الصورة دى؟؟؟؟؟؟؟؟؟؟

- ده رسم بيانى لنصيب الفرد من إجمالى الناتج القومى.

- تعريفه:-هو مجموع الناتج القومي المحلي مقسوما على عدد سكان الدولة.

- تعريفه:-هو مقياس للرخاء. فكلما زاد الرقم كلما كان ذلك دليل على وجود نشاط و دخل اقتصادي اكبرمقارنة بعدد المواطنين، و العكس صحيح.

- طبعاً من أول نظرة المنحنى صاعد من سنه 1970 وحتى الأن لم يتوقف عن الصعود.

- هو مفيش إلا المؤشر اللإقتصادى ده إللى أنت جاى تتكلم عليه.

- لاء فى حاجات تانيه كتير.

- بس أشمعنا ده؟؟؟؟؟؟؟؟؟

- لأن ده بيعبر عن مصلحتى من المكان إللى أنا عايش فيه.

- طبعاً لو بصيت على الرسم البيانى.

- مش هتلاقى المنحنى وقع.

- إلا أن هو ازداد.

- معنى ذللك أن فترة رئسه المشير سيادة الرئيس/ عبد الفتاح السيسى؛ هى أجمل فترة بتعيشها مصر.

- ربنا يديلك الصحة ألف سنه وتعمرلنا البلد.

- كل اما يبنلنا حاجه يجى الإرهابيين يبفجروها.

المشاركة الأصلية كتبت بواسطة ahmedmiy

الحمد لله والصلاة والسلام على رسول الله نبينا محمد خير خلق الله

ما شاء الله موضوع جميل
اسمحوا لى اشارك معاكم واضح ان الاغلبية بتحسب الموضوع حساب الحالة الاقتصادية اذا كانت كويسة او لا والحقيقة ان احنا مش حنعبد الفلوس اه هي مهمة بس لازم يكون مصدرها بشكل طبيعي من خلال العمل والانتاج وتبادل المنافع بين الناس

عنوان الموضع نفسه دليل ان فيه خلل او مشكلة وكمان التعليقات

فممكن محاولة التلخيص والتدقيق وده امر مفروض تكون فيما يلي

ايه هى اهمية مصر بالنسبة للعالم

الانترنت الحاجة الوحيدة الى بترخص وبالتاكيد ممكن ترخص لادنى الحدود وممكن قريب تكون ببلاش بعد الاعلان عن ارسال اقمار لتوفير الانترنت الفضائي للعالم كله وخصوصا الناس الفقيرة زى حالتنا
طيب ليه الانترنت ؟؟؟ وكلنا فرحانين بكده جدا لان الانترنت اصبح حياتنا واهم من اى حاجة وممكن جدا الواحد يدفع اشتراك النت وميجبش اكل او يتعالج لانه بيقول المهم يكون فى حاجة تقتل الوقت وتسلينى وممكن انسي الاكل ومش مهم اتعالج لان الصحة مش فارقه علشان مفيش حاجة نعملها بالصحة ديه مفيده والاكل والشرب والدواء وكل الحاجات الاساسية الاسعار كلنا عارفين الجنون الخرافي والمتوقع استمرار الزيادة أكثر مما سبق لان مفيش اى حاجة سعرها بينزل ابدا

قمر النايل سات الوحيد الى دخل عليه فى نفس المدار قمر اخر من اعوام علشان المصريين والعرب يشوفوا الى عمرهم ما شفوه بعيدا عن النايل سات بس هو كمان مع الوقت اتغير وبقي وحش خالص ولما حضرتك تعمل بحث على نايل سات يطلع لك كل قنوات القمر التانى وحاليا فى قمر حيكون بديل النايل سات او النايل سات حيكون جزء صغير جدا منه واتفرج يا عم اضعاف اضعاف الموجود ... بس بالنسبة لى شخصيا ممكن تكون تسلية طيب الناس الى عندها زوجة واولاد ايه الى حيحصل فى بيوتهم .. مش عارف

انا لله وان إليه راجعون

سبحان الله وبحمده سبحان الله العظيم

- أنت فارض عيشه وهميه وجاى بتتكلم عنها.

- الناس فى الثورتيين كان أول مطلب ليهم العيش.

- العيش ده بفلوس.

- أنت أزاى بقى تفرض أن الفلوس مش مهمه!!!!!!!!!!!!!!!!!!

- الحمد لله أنه ارتفع (ارتفاع طفيف) نصيب الفرد من إجمالى الناتج القومى؛ عشان لو الفلوس مش مهمه بالنسبه ليك فهى مهمه للملايين.

المشاركة الأصلية كتبت بواسطة ahmedsl

السلام عليكم ورحمة الله وبركاته

بداية انا من مواليد 81

من اللى قريته وسمعته وحسيت بوجوده اقدر اقول ان الفترة من منتصف ال80 الى اواخر ال90 كانت فترة انتعاش حقيقى للبلد فى ظل وجود ثوابت دينية واخلاقية + رغبة تطوير او نهوض بالبلد
مش هنقول مكنش فيه سفالة وقلة ادب لا كانوا موجودين ولكن مكنش فى مجاهرة بيهم زى الوقت الحالى
مكنش فيه اغتصاب وسرقة بالاكراه وخطف زى الوقت الحالى
كان فى رشوة بس مش عينى عينك
كان ممكن تاخد حقك مع مرور الوقت وساعات بالحسنى لكن حاليا لازم الواسطة او الرشوة او لا يوجد لك حق
ولذلك اقدر اقول ان اغلب ان لم يكن كل الاسباب مترتبة على الدش اللى مكنش موجود غير عند قلة قليلة لغلو سعره وفجاة بقى عند كل الناس لرخص تمنه + طبعا الانترنت والسواد المنيل بهباب اللى جاى من وراه لدرجة ان فى ناس بتجيب النت مخصوص لكده + كذلك انتشار المحمول واستخدامه فى غير استخداماته المفيدة

اقتصاديا ممكن نزود الفترة الى 2006-2007 يعنى بعد تعويم سعر الصرف ب 3 او 4 سنين
وفعلا اللى كان عاوز يعمل فلوس فى الفترة دى عملها
والبلد كان فيها شغل ووظائف حكومية مش زى دلوقتى اللى مش عاجبه يجيب توك توك يشتغل عليه قال يعنى التوك توك ببلاش ما هو اصلا بفلوس واللى معاه تمنه ما يفتح محل او مشروع صغير اكرم له واكتر امانا من التوك توك

للاسف الاجيال اللى موجودة دلوقتى وتحديدا من مواليد اواخر ال80 الى الان تحس انهم بدون هدف او وعى اخلاقى او دينى ومفيش عندهم قيم يمشوا عليها علشان ينهضوا بالبلد - الا فئة قليلة علشان مكنش ظلمت الكويس منهم

على العموم دى راى الخاص واسف للاطالة
معليش اصل الحال يخنق والوضع من سىء الى اسواء
ولكن يبقى التفاؤل ان يجعل الله خيرا فى امرنا وفى حالنا

- الدنيا بتطور كل يوم.

- كان فى زمان كذا وكذا وكذا ....... إلخ. دلوقتى مفيش حاجه زى زمان.

- أنا مش هتنى قاعد حزين على إللى كان موجود زمان وأسيب نفسى لايص دلوقتى.

- مش عجبك إللى بيتجاهر بالمعصيه. كلمه على جنب وأنقله أحاديث سيد الناس صلى الله عليه وسلم.

- النت والدش والمحتويات الغير لائقه إللى بتتعرض عليهم. خوف الشباب الصغير أن صحته الجنسيه بتقلل لما يتفرج على القرف ده.

- أنا أحاسب نفسى أنا عملت ايه للبلد دى طالما هى صعبانه عليه قوى وعمال أسرد أصل كان زمان أنما دلوقتى قرف وزفت وقطران!!!!!!!!!!!!!

- لو العمل الخاص زى التوكتوك مش عجبك. (يتبع)

- فهو دوت المستقبل.

- مفيش شغل فى الحكومه والبلد أهى ماشيه بينا بالعافيه والحمد لله الإرهابيين بفضل من السميع البصير معروفش يخلوها سوريا / ليبيا / العراق / اليمن.

- اليوم السابع فى رمضان كانت عامله مقابله مع شاب خريج تجارة إنجليزى وواقف على عربيه فول.

- أيوه زى ما قلتلك واقف على عربيه فول.

- وكان بيقول إللى واقف على عربيه الفول؛عربيه الفول بتكسب أكتر من أرباح البنك فى الشهر!!!!!!!

- حتى م/إبراهيم محلب قلك مفيش وظائف جديدة فى الحكومه.

- أنا بقى أقعد ألطم وأصوت ولا أشغل دماغى.(نهايه)