استفسارتكم بخصوص دولة جورجيا

**bekatcho** · 08-08-2015 11:31 PM

المشاركة الأصلية كتبت بواسطة ali ashraf

طيب لو حبيت اروح انا و زوجتى بغرض السياحة نفترض مدة شهر مثلا , الاقامة تكلف كام تقريبا فى شقة استوديو و هل الاقامة فقط فى العاصمة و لا فى عدة مدن بغرض السياحة و الحالة الامنية , الشقق و الفنادق كانت مكلفة جدا فى لندن لأنى محجزت من مصر و كان سفر بغرض مؤتمر محجوز لفرد واحد فقط و اصطحبت زوجتى و حجزت فى فندق يمكن نجمتين فى شارع كروميل رود فى لندن ب90 باوند استريلينى فى الليلة و طبعا كان على حساب باقى المصاريف ياريت حضرتك تشرح موضوع الاقامة من حيث التكلفة و المعيشة و طبيعة المواصلات و افضل اوقات السفر فى السنة و امكانية التنقل من دولة لأخرى مع خالص تحياتى

بص حضرتك
اولا بالنسبة لايجار شقة استديو بالنسبة لمقيم تختلف عن سائح
فنقول مثلا شقة مستواها كويس لمدة شهر تعمل حوالى 300 دولار باقصى حد
وتقدر تاجر باليوم مثلا يعنى مثلا تاجر الاول فى تبليسى العاصمة 10 ايام وبعد كدة تروحي مدن تانية
لكن نصيحة جورجيا كسياحة تعالى 10 ايام فقط
3 ايام تبليسى + يوم بورجومي + 3 ايام باتومي + 1 تبليسى + 1 كاسبيجى
ودا مثلا تقدر تقوم شقة ستديو فى المدة دى تعملها ايجار يومي 300 دولار فى اجمالي العشر ايام
والسعر هنا بيختلف لانك بتاجر شقة ايجار يومي مش شهرى
اسعار الفنادق ال4 نجوم بتبقى بحوالى 120 دولار فى اليوم وال3 نجوم بحوالى 80 دولار فى اليوم

بالنسبة للامن 99 % ومش تقلق منها نهائى
الحكومة هنا حكومة مش بتدلع والشعب بيخاف من كلمة شرطة

بالنسبة لمصاريف الاكل والشرب رخيصة جدا لو هتاكل فى بيتك ورخيصة برضو فى المطاعم مقارنة بدول اخري
يعنى حضرتك تروح مطعم تاكل انت والمدام بما يعادل 15 او 20 دولار بالكثير
المواصلات عندى 3 انواع
المترو فى العاصمة تبليسى ودا ب 50 تتري
والاتوبيس الصغير 15 راكب ( مرشتكا ) ودا ب 80 تتري
والاتوبيس العادى
والتاكسى واجرته بحوالى من 3 ل 5 لاري حسب المنطقة يعنى بما يعادل من دولار ونصف لاتنين دولار

انسب وقت طبعا بيكون الصيف
لان فى الشتا الجو بيكون اغلب الاوقات ثليج

**Bassem Youssef** · 09-08-2015 02:32 AM

المشاركة الأصلية كتبت بواسطة bekatcho

للتاشيرة السياحة يكون كشف الحساب بيبدا من 40 الف ودا المفضل لكن هما مش ذاكرين مبلغ
لكن تاشيرة العمل عايزين كشف بمليون مثلا :)

بالظبط انا لسة شايف لصديق تذكرة رايح ب 1800+ رجوع ب650 جنية

تعديل التاشيرة تكلفتها من السفارة ب 50 دولار
لكن فى نوع اسمة تاشيرة الكترونية
بتبقى صلاحيتها 3 شهور وحق اقامة شهر واحد بس فى البلد ودى ب20 دولار وبتقدم عليها اون لاين وتجيلك التاشيرة على الميل
تطبع التاشيرة عادى وتروح المطار

40 الف جنيه عشان اروح سياحه ؟؟؟ :)))

التأشيره الالكترونيه اللي بتطلع من الموقع ده

https://www.evisa.gov.ge/GeoVisa/

مكتوب 3 شهور علي ويكيبيديا

**أحمد كمال** · 09-08-2015 11:30 AM

سؤال خارج الموضوع

ايه المعالم السياحية اللي تستاهل السفر لجورجيا

انا لظروف بعض التاشيرات اللي معايا و لتغيير في قانون جورجيا مؤخرا من حقي ادخل جورجيا بفيزا 90 يوم من المطار

تستاهل الزيارة؟

**hussein** · 09-08-2015 04:13 PM

كورس الروسي دا فين وبكام؟
ياريت تحط لينك لان المجلس الثقافي الروسي مبشوفش عليه اي كورسات روسي

**bekatcho** · 10-08-2015 01:12 PM

المشاركة الأصلية كتبت بواسطة باسم يوسف

40 الف جنيه عشان اروح سياحه ؟؟؟ :)))

التأشيره الالكترونيه اللي بتطلع من الموقع ده

https://www.evisa.gov.ge/geovisa/

مكتوب 3 شهور علي ويكيبيديا

40 الف جنية دا مبلغ معقول وعلشان كدة ذكرتة :)

التاشيرة الالكترونية مدتها 3 شهور بحق اقامة شهر واحد
ودى بتطلعها عن طريق الموقع دا فعلا

التاشيرة التانية مدتها سنة دخول متعدد بحد اقصى اقامة 90 يوم

**bekatcho** · 10-08-2015 01:14 PM

المشاركة الأصلية كتبت بواسطة أحمد كمال

سؤال خارج الموضوع

ايه المعالم السياحية اللي تستاهل السفر لجورجيا

انا لظروف بعض التاشيرات اللي معايا و لتغيير في قانون جورجيا مؤخرا من حقي ادخل جورجيا بفيزا 90 يوم من المطار

تستاهل الزيارة؟

جورجيا عبارة عن طبيعة خلابة

كسياحة حضرتك ممكن تيجى مدة اقصاها 10 ايام فقط للسياحة

اغلب الاماكن السياحة الى تتميز بها الجبال والخضرة ومدينة باتومي على البحر المتوسط

الموضوع: استفسارتكم بخصوص دولة جورجيا

LinkBack

أدوات الموضوع

عرض

-

المواضيع المتشابهه

دولة جورجيا

حدث عام 1979 ..أمن دولة

يسعدني تلقي استفسارتكم عن اسعار قطع غيار وتكليف الصيانة

الكلمات الدلالية لهذا الموضوع

المفضلات

المفضلات

ضوابط المشاركة