السفر الى المنصورة ((بالسوبر جيت))

**tarek12** · 07-08-2015 07:48 PM

الاخوه الاعزاء

هل هناك سوبر جيت من القاهرة او الجيزة الى المنصورة ؟؟؟
ومنين الموقف بتاعه ؟؟؟؟

ياريت الافاده شكرا

**lena jo** · 07-08-2015 08:30 PM

موقف القللي وراء قسم الازبكية اتوبيس شرق الدلتا

**tarek12** · 08-08-2015 07:24 AM

المشاركة الأصلية كتبت بواسطة lena jo

موقف القللي وراء قسم الازبكية اتوبيس شرق الدلتا

الاستاذ الكريم , شكرا لك
لى اسئله

كم ساعة ياخذها السوبر جيت من موقف القللى الى المنصورة

سؤال اخر هام
ما هى مواقف السوبر جيت او المكيروباص اللى فى القاهرة و بتروح المنصورة

ارؤجو الافاده شكر

**خالد الشاذلى** · 08-08-2015 08:08 AM

المشاركة الأصلية كتبت بواسطة tarek12

الاستاذ الكريم , شكرا لك
لى اسئله

كم ساعة ياخذها السوبر جيت من موقف القللى الى المنصورة

سؤال اخر هام
ما هى مواقف السوبر جيت او المكيروباص اللى فى القاهرة و بتروح المنصورة

ارؤجو الافاده شكر

تقريبا ساعتين

ومواقف الميكروباص فى موقف عبود وفى رمسيس بس ده موقف غير مرخص وممكن تركب من المؤسسه كمان

وممكن تركب القطر

**lena jo** · 08-08-2015 08:49 PM

اكثر من ساعتين من موقف القللي للموقف في المنصورة لكن خلي بالك و انت راجع لان اخره من موقف المنصورة الساعة 6 و نصف مساءا لكن احسن تعمل حسابك قبل 6 لان احيانا العدد بيكتمل فبيمشي 6:00 . لكن بعد الموقف بخطوات يوجد موقف للميكروباس في حالة لو عايز تتاخر بس لا اعرف اخرة امتي. احسن اول مرة تروح تسأل هناك عن المواعيد.
سمعت عن موقف عبود لكن ميكروباس فقط و مرة مشرف الاتوبيس قال للسائق ان فيه ناس منتظرين في موقف عبود . و فعلا وقف ركبهم و مشي علي طول . لا اعرف ان كان ده عادي و لا استثناء.

**tarek12** · 10-08-2015 07:45 AM

المشاركة الأصلية كتبت بواسطة lena jo

اكثر من ساعتين من موقف القللي للموقف في المنصورة لكن خلي بالك و انت راجع لان اخره من موقف المنصورة الساعة 6 و نصف مساءا لكن احسن تعمل حسابك قبل 6 لان احيانا العدد بيكتمل فبيمشي 6:00 . لكن بعد الموقف بخطوات يوجد موقف للميكروباس في حالة لو عايز تتاخر بس لا اعرف اخرة امتي. احسن اول مرة تروح تسأل هناك عن المواعيد.
سمعت عن موقف عبود لكن ميكروباس فقط و مرة مشرف الاتوبيس قال للسائق ان فيه ناس منتظرين في موقف عبود . و فعلا وقف ركبهم و مشي علي طول . لا اعرف ان كان ده عادي و لا استثناء.

شكرا لحضرتك و بارك الله فيك لانصائح الهامة و انا افضل السوبر جيت و بالاخص النضيف منه مهما كان سعره

و لا افضل ابدا الميكروباص لانه يبقى رخم و ضيق و باحس ان الناس راكبه فوق بعضها
و ايضا لا افضل القطارات لانى مره ركبت القطار و دانى المنصورة فى 4 ساعات

معلش سؤال لحضرتك

هو السوبر جيت بتاع القللى( خط القاهرة الى المنصورة ) هل يبقى عليه زحمة جدا ام بيبقى رايق ؟؟؟ هل بيطلع الاتوبس كل كام ساعه ؟؟؟

ياريت التوضيح اختنا الفاضله
شكرا مقدما

**tarek12** · 10-08-2015 07:47 AM

المشاركة الأصلية كتبت بواسطة خالد الشاذلى

تقريبا ساعتين

ومواقف الميكروباص فى موقف عبود وفى رمسيس بس ده موقف غير مرخص وممكن تركب من المؤسسه كمان

وممكن تركب القطر

شكرا اخى الفاضل ولكن انا بسال عن مواقف السوبر جيت خط القاهرة المنصورة و ليس المكروباصات!!

**lena jo** · 10-08-2015 09:35 PM

حضرتك معك حق .السفر بالسوبرجيت افضل من السفر حتي بالسيارة لانه اكثر راحة . انا بصراحة باسافر المنصورة مع والدتي مرات قليلة في السنة كلها و بيكون الجمعة صباحا فلا اعرف الحال باقي الايام. الاتوبيس كان كل نصف ساعة مش عارفة المدة زادت و لا زي ما هي. المرات اللي رحتها كان مفيش زحمة جامدة يعني كل مرة كنا بنجد مكان كويس. التذكرة سعرها اخر مرة من الشهر الماضي كان 25 جنيه. كان العام الماضي اقل لكن الاتوبيس اتحسن اكثر :بيكون درجة vip ( مكتوب علي التذكرة) مريح بس مش عارفة هل يوجد نوع تاني اقل في اوقات تانية و لا كلة كدة. و لا اعرف موقف اخر غير القللي للاتوبيس.