استشارة في اختيار نوع تكييف

**mr_vampire** · 07-08-2015 11:24 PM

السلام عليكم ياشباب....

انا داخل علي مرحلة تركيب التكييفات فشقتي.

ايه افضل الانواع المتاحة من ناحية التحمل والصيانة والوكيل وقطع الغيار.

لو غرف بمساحة 4x4 تكييف كام حصان يبقي كفاية عليها.

وريسيبشن في حدود 4X6كام حصان يكفيه ؟؟؟

ولو حد عنده فكره عن الاسعار.

شكرا مقدما

**rotanamasoud** · 08-08-2015 01:23 AM

اعتقد ان ده توقيت سيئ اختار وقت شتوى عشان تاخد افضل عروض وارخص اسعار وتكون الشركات والعمال فاضيين فتعرف تاخد تركيب مريح غير مضغوط من العمل
يعنى شهر 11-12 دى وجهه نظرى

**مُصْطٓفٓى** · 08-08-2015 01:28 AM

المشاركة الأصلية كتبت بواسطة rotanamasoud

اعتقد ان ده توقيت سيئ اختار وقت شتوى عشان تاخد افضل عروض وارخص اسعار وتكون الشركات والعمال فاضيين فتعرف تاخد تركيب مريح غير مضغوط من العمل
يعنى شهر 11-12 دى وجهه نظرى

هل العروض قد تصل لنسبة كبيرة ومغرية ؟

**Anaslbda** · 08-08-2015 01:40 AM

أسعار التكييفات عمالة بتطلع وتنزل بطريقة غريبة.. لدرجة اني اعرف راجل شغال في التكييفات بيقولي انا بطلت الشغلانه مؤقتاً عشان الوضع الغريب ده.
انا ركبت شارب سبليت الأسبوع اللي فات.. دُخت على الفئة الستاندرد (أقل حاجة) ملقتش خلصان من المخازن كلها. اضطريت اجيب البارد/سخن بلازما (اعلى فئة),, فرق حوالي 300 جنيه.
بالنسبة لنوع التكييف.. ابعد عن شارب, الأداء مش قد كده مع ان اللي عندي 2 وربع حصان ومبيعملش حاجة خالص. في المقابل عندي تكييف شباك راكب من سنة 92 والى الآن مبقدرش أقعد قدّامه من قوة التبريد.
خليك في سامسونج.

**Dr_Smart** · 08-08-2015 02:06 AM

في الحر اللي احنا فيه اليومين دول بقيت بحس ان التكييفات في مصر كلها فرز تاني

والكفاءة والتحمل في النازل .. الظاهر بيسترخصو في القطع اللي بيجمعوها من الصين

**Bassem Youssef** · 08-08-2015 02:06 AM

انا مركب عندي في المحل شارب و شغال بقاله كام سنه زي الفل و الصيانه بتاعتهم مستواها "معقول"

**rotanamasoud** · 08-08-2015 02:20 AM

المشاركة الأصلية كتبت بواسطة مُصْطٓفٓى

هل العروض قد تصل لنسبة كبيرة ومغرية ؟

معرفش وقتها حيكون ايه بس العرض والطلب بيفرق دى المروحه فى اول الصيف لو 130 ممكن تعدى ال160 فى الموسم

**ahmedk7** · 08-08-2015 02:25 AM

carrier

**mr_vampire** · 08-08-2015 03:05 AM

المشاركة الأصلية كتبت بواسطة rotanamasoud

اعتقد ان ده توقيت سيئ اختار وقت شتوى عشان تاخد افضل عروض وارخص اسعار وتكون الشركات والعمال فاضيين فتعرف تاخد تركيب مريح غير مضغوط من العمل
يعنى شهر 11-12 دى وجهه نظرى

والله يافندم انا مجبر اني اركب دلوقتي بسبب اني نازل اجازة وعايز اركب وانا موجود غير كدة مش هبقي موجود.

اللي فيه الخير بقي يقدمه ربنا.

طيب بالنسبة للانواع تنثح بايه من حيث الكفاءة وخدمات مابعد البيع ؟؟؟؟