الموضوع: ماهيندرا سكوربيو صيانة

انا العربيه واضح ان فيها مشكله فى الرشاشات تانى لما بدوس على بدال السولار جامد بيظهر علامه تشيك و ده كان حصل عندى قبل كده ورحت التوكيل ونضفت دوره الجاز دلواتى وضحت عندى تانى انا جابت stp for diesel treatment اجرب احطه ولا بلاش هو لونو لبنى برجاء سرعه الرد و الافاده

عايز اعرف الخطوات و الطريقه لوضع stp

مع اني شاكك فى موضوع تشيك لامب ديه بس طريقة استخدام stp . سهلة وهيا انك تضيفه على تفويلة كاملة من الجاز ويكون نضيف المرة ديه وتضرب بيها مشوار محترم طويل شوية وتشوف النتيجة وهو اضافة كاملة مع الجاز وخلى بالك لازم يكون بتاع ديزل مش بيزين علشان مش يبوظ الدنيا

بالنسبة للمبة التشك انا بقالى 3 ايام العربية مش شغالة اصلا ومش بتدور وجالى المهندس رضا وشغل العربية وقالى طرمبة الجاز مش بتدي الدفعة الصح للجاز واكتر حاجة قال عليها ان الجاز فيه ميه وقالى سبها دايرة ساعتين المشكلة ان العربية بتبطل لوحدها ومبتكملش الساعتين اصلا ومش بتدور تانى غير لما بشمها بنزين غير كده مش هتدور كلمت رضا تانى قالى هاتها على ونش وربنا يسهل اشوف هانعمل فيها ايه

المشكلة ان طرمبة الجاز متغيرة بقالها شهر ونص تقريبا ولو مشكلة طرمبة هاتبقى زعلتني كتير لاني لسه عامل الرشاشات الاربعة ومغيرة الطرمبة الشهر الى قبل الى فات وكلفتنى كتير قوي
وعامل تغيير لزيت الفتيس وزيت الموتور ومغير التربو علشان بيجيب زيت وشكله بيجب زيت برضة الجديد

بجد محتار ومش عارف اعمل ايه العربية كويسة معايا طول مافيهاش مشاكل اعبى جاز وابتدي اتحرك واسافر المشكلة تزيد وتزيد وفى الاخر تقف معنديش مشكلة فتيس مفيش مشكلة فى الماتور المشكلة كلها دورة الجاز والتربو


ياريت تجرب منظف دورة الجاز علشان لو هو فعال انا هاعبى العربية وادورها واحط فيها المنظف ده يمكن يجيب نتيجة

ده فيديو كامل عن STP
اعتذر الفيديو لتايلاد مش بالانجليزي بس واضح فيه كل حاجة للتنضيف وفى نفس الوقت نوع الرشاشات اقرب نوع لينا احنا لانها من نفس الشركة و التجربة ديه تمت على الجهاز الى بيقيس الرشاش وقدرته على الحريق الرشاش عندي رقم واحد شكله كان زي الزفت اصلا وانا بنضفه

[youtube]https://www.youtube.com/watch?v=0uGuhztXmbg[/youtube]

اتفرج عليه واحكم بنفسك