الموضوع: ماهيندرا سكوربيو صيانة

المشاركة الأصلية كتبت بواسطة bnoqo

بالنسبه للتربو مظنش ان الموضوع ليه علاقه بالزيت هيا المشكله ان المروحه الموجوه فى التربو له الجلب بتاعتها باظت كده المروحه مع اللف السريع هاتعدي زيت من جنابها لان المروحه مش مستقره فى مكانها وده بيحصل مع اللفات العاليه للماتور فاتعدي زيت من جنابها المفروض العادي انها تعرق بس لا فيها زيت لدجه ان الزيت بيدخل على الهوا ممكن يغرق فلتر الهوا وممكن يغرق وش الماتور من فوق ويخلي اى حد بيشوف العربيه يفتكر ان الماتور خفيف وهوا كويس وده موضوع انا جربته لما كان التربو سليم ومكنش فيه زيت بيخرج ان المتور نضيف ومش معرق زيت من فوق على العموم انا بحط شيل ريمولا 10w40 وده حسب الوكيل والزيت كويس لحد الان بفكر اضيف عليه سيترايك من ليكولى مولي لتحسين الاداء واشوفه بس ده الغيار الى جاى
طالما الجلب بتفوت زيت يبقى حاجه من إتنين : خامة الجلب وحشة ( وده اللى بيحددة الشركة المصنعة للسيارة إذا كانت نبهت على التوكيلات بتغيير الجلب ولا لأ) - أو مشكلة فى تزييتها
وموضوع نوعية الزيت ده مش جديد لعربيات كتير فى السوق هنا فى مصر وبدون ذكر ماركات فيه شركات غيرت نوع الزيت عن المكتوب فى الكتالوج علشان النوع الموصى به عمل مشاكل وده بناء على تعليمات من الشركة المصنعة للسيارة.
وعموماً فيه حاجه موصى بها للعربيات اللى فيها تربو وهى إنك بعد ماتقف بالعربية وقبل ماتبطل تسيبها دايرة شوية على السلانسية علشان التربو يهدى شوية وتنزل سرعته لأن وانت ماشى بيبقى سرعته عاليه جداً وبالتالى لو وقفت وبطلت على طول الزيت بيتقطع فجأة عن الجلب فممكن تبوظ مع الوقت.
سؤالى بقا لو الطرمبه داخل فيها ميه ايه الحل لو العربيه بتدور بعد ما اديها شمه بنزين وافضل دايس على دواسه الجاز العربيه تفضل شغاله ودايره المفروض اسيبها شويه شغاله بس هيا بتبطل لوحدها والاهم انى سالت ناس اصحابي قالولى ان املى فلتر الجاز زيت باور علشان خفيف وادور العربيه عليه هاتسلك وتبقى تمام وتشتغل فمش عارف ياريت رايك فى الموضوع ده لانى شايف ان الزيت هاينضف الطرمبه ويسلك الرشاشات فكنت عايز اعرف رايكم ايه ياريت

ياباشا بدل ماتحط زيت باور إستعمل منظف رشاشات لأن أى سائل بتحطه فى دورة الوقود حايدخل على الموتور ويتحرق مع الجاز ومواصفة منظف الرشاشات قريبة من مواصفة الوقود لكن الزيت بتاع الباور او اى زيت مواصفته مش قريبة من مواصفة الوقود وبالتالى ممكن يسبب مشاكل فى الموتور.

المشاركة الأصلية كتبت بواسطة oka2002

انا ارفت من ام العربية دية بعد ما جبت منظف الرشاشات و فولت العربية و حطيط عاليه stp اللبنى بتاع الديزل العربية فاقت و علامه الاتشك بطلت تظهر لما بدوس على الدواسة تانى المهم وانا رايح الشغل انهارده بدوس على الدواسه جامد عشان اعدى عربية على الدائرى لاقيت علامه الاتشك نورت تانى و فضلت منورا لحد ما وصلت اعمل اية شورو عاليا

لازم تكشف سكان عند حد كويس وتشوف الكود وتبحث عنه فى جوجل او تنشره هنا