تقرير شامل لصيانه جيلى باندينو 60000 ك
السلام عليكم و رحمه الله و بركاته
انا قررت انى اعمل الموضوع ده لانى تعبت من كتر البحث فى المواقع عن اى حاجه تفيدنى و ملقتش اولا انا اشتريت السياره مستعمله و اللى انا اشتريتها منه مهمل جدا لانه كان بيغيرلها زيت و ميه و بس اول حاجه انا اشتريت الزيوت 1- زيت توتال 10000 api sn و ده اعلى حاجه موجوده فى السوق لان الشل اتضرب اخدت 3كيلو و نص الجركن غامل 320 جنيه فى محطه توتال http://i00.i.aliimg.com/photo/v0/167..._long_life.jpg 2- زيت باور atf dexorn lll سعر الليتر 35 اخدت اقل من 1 ليتر
3- زيت فتيس mobil 80w90 سعره 27 الليتر اخدت 2ونص يعنى 80 جنيه
4- زيت فرامل dot3 ب 18 جنيه ده علشان هزود بس الزيت عندى نضيف
5- فلتر الهواء ب 35 جنيه
6- مياه خضراء lada ب 50 ج 4 ليتر اخدت 2 ليتر تقريبا
6- فلتر الزيت ب 35 جنيه
7- فلتر البنزين ب 65 جنيه
8- سير كاتينه ب 40 ج\
9- سير باور ب 20
10- سير التكييف 40
11- سير الدينمو 30 ج
12 - بلى الكاتينه 100 ج بس مغيرتوش لان اللى اشتريته المهندس لما شافه قاللى اللى راكب فى العربيه يعيش معاك احسن من اللى انت جايبه ده
13- بوجيهات ngk يابانى 80 جنيه
14- موحه التكييف الداخليه اللىفى التابلوه بيسموها البلاور دى ملقتهاش خالص قالولى هتلاقيها فى التوكيل رحت سالت عليها فى 51 ش المراغى المهندسين المهندس محمد شعبان راجل محترم جدا و زوق قاللى عامله 800 ج و مصنعيه 150 ج المهم انا لسه مجبتهاش بس بفكر افكها و انزل ادور على حاجه تركب عليها تكون يابانى و هبقى اقولكم إن شاء الله ايه الاخبار
المهم تمت الصيانه الحمد لله و المصنعيه كانت 200 ج و المهندس عملى خصم 12.5% يعنى 175 ج
يعنى التكلفه كامله كانت 1000 ج شامله المصنعيه و قطع الغيار
اسعار بعض القطع اللى ممكن تبقوا عايزين تعرفوها
فانوس امامى 330 ج
فانوس شبوره امامى 70 ج
فانوس شبوره خلفى 55 ج
اكصدام امامى فاضى لم يرش 240 ج
اكصدام خلفى فاضى لم يرش 220 ج
كف مرايه بالمرايه 220 ج
و إن شاء الله هاجيب ليكوا شويه اسعار حاجات تانيه ف قطع الغيار و لو حاجات ينفع تستبدل بقطع غيار يابانى
و بعد اذنكوا اللى يعرف سعر اى قطعه غيار او اى معلومه مفيده ياريت نفيد بعض
و شكرا ليكم
يتبع