عربيتى نسيان صنى 1498 سى سى جابت اخرها 170 بالتكييف هل ده طبيعى ؟؟
عرض للطباعة
عربيتى نسيان صنى 1498 سى سى جابت اخرها 170 بالتكييف هل ده طبيعى ؟؟
أيوه يا فندم... تكون ماشي على d وفجأة تجيب على 3... مش هيحصل حاجة طول ما انت ماشي بسرعة منخفضة نسبيا ( تحت ال100 )... وحتى لو فوق ال100.. معتقدش فيه مشاكل.. لإن دي نفس طريقة عمل الفتيس الاستبترونك.
على فكرة... حضرتك تقدر تستخدم الفتيس بطريقة قريبة من المانيوال لو حبيت... عن طريق استخدام الأوضاع 1 و 2 و 3 و d..
بس خلي الكلام ده ساعة اللزوم بس... ما تكترش منه.
وعموما... استخدم الوضع 3 جوه البلد. .. هتحس بفرق كبير في سحب العربية... وغالبا مش هتمشي بسرعة تستاهل إن الغيار الرابع محتاج يتعشق... بس طبعا.. الكلام ده على حساب استهلاك البنزين.
...
ليه جوا البلد بس ؟ ايه خطورة اني اسافر بيه على الطريق و انا على 3 ؟؟
ما هي الفكرة اني نفسي اعرف عربيتي اخرها كام في السرعة ... فعايز بقى اجرب و انا على 3 و مسافر عشان اشوف هتجيب اقصى سرعة كام و بعد كده اجيب ال d عادي بقى
يا فندم ما هو ده بالضبط اللي أنا قلته في الأول... وانت مسافر هات الفتيس على 3 لحد ما توصل السرعة القصوى... وبعدين ارجع تاني للسواقة العادية على d
من الآخر... لما تبقى عايز تشد بالعربية هات الفتيس على 3... وعيش.
بس انت جمد قلبك وجرب...
بس نصيحة.. لو عايز تجرب السرعة القصوى ابقى اعمل احتياطك في الطريق يكون فاضي والعربية تكون حالتها تمام.. علشان الغلطة ساعتها مفيهاش هزار.
...
انا جربت .... فضلت ماشي لحد 60 و بعدين نقلت على 3 ... العربية جابت لحد 120 و بعدين صوتها علي و ال RPM كان على 5 .... فخوفت و نقلت على ال d فنقلت للغيار الرابع و ال RPM نزل
كده فيه مشكلة ولا ايه ؟؟؟ انا كده برضه موصلتش لأقصى سرعة للعربية ... انا يعتبر وصلت لأقصى سرعة للغيار التالت بس
مش بقوللك جمد قلبك!!!
عموما.. آخر العربية هو لما التاكوميتر ( عداد الRPM) يشاور على بداية الخط الأحمر.. يعني 6000 RPM.. أو شوف عندك الخط الاحمر بيبدأ منين.
وطبيعي جدا صوت العرية يعلى... أمال عايز العربية تطلع كل طاقتها ازاي؟
بس أنا أتوقع إن العربية كانت معشقة التاني.. مش التالت.. أصل مش منطقي أبدا تكون جايب 120 عند 5000 RPM على التالت .. وتجيب نفس السرعة على الرابع على 3000 RPM.
الطبيعي إن الفرق بين النسب يكون في حدود 1000 RPM بس.. يعني المفترض تكون جايب ال120 على التالت عند 4000 RPM أو أقل.
أنصحك تقرا الموضوع ده.. وإن شاء الله تستفيد منه
http://www.nilemotors.net/Nile/329379-rpm.html
...