اول ما افعله بعد شراء موتوسيكل بجاج بوكسر

**ahmed mega** · 09-08-2015 12:41 PM

السلام عليكم ., في البدايه انا حبيت اشتري موتسيكل بكسر لاكن للاسف انا عمري ما ركبت موتسيكل قبل كده لاكن بعد ما بحثت علي النت عرفت مكان الغيارات والفرامل والدبرياش والحجات دي يعني لاكن برده متعملتش القياده الصحيحه

فانا كنت عاوز نصائح الاخوه الاعضاء من اول ما اشتري الموتوسيكل لحد ما اطلع بيه وياريت كمان اعرف ازاي اغير زيت و امته اغيره وكده يعني.يعني تقريبا كل حاجه عن الموتوسيكل

انا اسف هو السؤال غريب شويه لاكن انا بحب الموتوسيكلات جده ونفسي اتعلم السواقه .

شكرا للاعضاء الكرام.

**hesham fawzy h** · 09-08-2015 06:33 PM

متابع

**ahmed mega** · 10-08-2015 03:47 PM

ايه يا رجاله مفيش اي حد عندو علم في المكنه دي ولو بسيط

**Adel.Nasr** · 15-08-2015 04:15 PM

البوكسر على ما اعتقد غياراته كلها تحت يعني من الاول للخامس كله تحت المهم انا فهمت من كلامك انك اول مره تركب موتوسيكل و عايز تتعلم ازاي تطلع بيه و تنقل غيارات
عشان تطلع بالمكنه طلعه هاديه اول حاجه بتشد الدبرياج على الاخر و بعد كده تدوس الغيار الاول لتحت و انت ماسك الدبرياج تزود بنزين شويه مش كتير و اول ما تحس ان الموتور سرع شويه تثبت ايدك متزودش بنزين تاني تمام و تبتدي تسيب الدبرياج شويه شويه لغاية ما تحس ان المكنه ابتدت تتحرك بعد كده تزود بنزين شويه صغيره لغاية ما تسرع شويه تقوم شادد الدبرياج و ترجع البنزين شويه و تديها الغيار التاني و تزود بنزين اكتر شويه و نفس الموضوع في باقي الغيارات و لما تحب تهدي تمسك الدبرياج و تسيب البنزين لغاية ما توصل للسرعه اللي محتاجها بعد كده تبتدي ترجع الغيارات يعني لو كنت على التالت ترجع التاني و هكذا و مترجعش الغيارات على سرعات عاليه عشان ممكن تكسر التروس لازم تستنى لما السرعه تقل بعدين ترجع الغيار . لو في اي استفسار تاني تحت امرك

**ahmed mega** · 01-09-2015 01:11 PM

المشاركة الأصلية كتبت بواسطة adel.nasr

البوكسر على ما اعتقد غياراته كلها تحت يعني من الاول للخامس كله تحت المهم انا فهمت من كلامك انك اول مره تركب موتوسيكل و عايز تتعلم ازاي تطلع بيه و تنقل غيارات
عشان تطلع بالمكنه طلعه هاديه اول حاجه بتشد الدبرياج على الاخر و بعد كده تدوس الغيار الاول لتحت و انت ماسك الدبرياج تزود بنزين شويه مش كتير و اول ما تحس ان الموتور سرع شويه تثبت ايدك متزودش بنزين تاني تمام و تبتدي تسيب الدبرياج شويه شويه لغاية ما تحس ان المكنه ابتدت تتحرك بعد كده تزود بنزين شويه صغيره لغاية ما تسرع شويه تقوم شادد الدبرياج و ترجع البنزين شويه و تديها الغيار التاني و تزود بنزين اكتر شويه و نفس الموضوع في باقي الغيارات و لما تحب تهدي تمسك الدبرياج و تسيب البنزين لغاية ما توصل للسرعه اللي محتاجها بعد كده تبتدي ترجع الغيارات يعني لو كنت على التالت ترجع التاني و هكذا و مترجعش الغيارات على سرعات عاليه عشان ممكن تكسر التروس لازم تستنى لما السرعه تقل بعدين ترجع الغيار . لو في اي استفسار تاني تحت امرك

انا متشكر اوي ياباشا بس في حته انا مفهمتهاش انا لما احب اديها غيار ادوس دبرياج وبعد كده اسيب البنزين خالص ولا ارجعه شويه صغيره