الموضوع: يا جماعة المفروض نحترم المخلوقات دي شوية بقى

و ناس تالته تقول سيدنا جبريل نزل لهم في رابعه العدويه

عادي يا باشا

التجاره بالدين شغاله زي الفل في المجتمعات المتخلفه زي مجتمعنا كده

المشاركة الأصلية كتبت بواسطة abo_mazen

بإيجاز شديد جدا ..

الملائكة ..

هي مخلوقات نورانيه ..جبلت على الطاعه ..لا يعصون الله ما أمرهم ..

لهم وظائف محدده ..حددها الله سبحانه وتعالى لهم ..لا يخرجون عنها

من وظائفهم ..العذاب ..والرحمه ..وكتابة الأعمال ..وقبض الأرواح ..وغير ذلك

ليسوا أبدا مجال للسخرية أو ضرب الأمثال أو الإدعاء ..على سبيل المثال أن يدعي أحد أنه رآهم يفعلون كذا وكذا ..أو يسخر أحدهم منهم كأن يستخدمهم في نكته من النكات اللي يضحك بها الناس ..

ولمن يرد الإستزاده فليكتب في محرك البحث جوجل ..التعريف بالملائكة

إنتهى

لما ييجي واحد أيا كان صفته ..ويدعي إنه ربنا قاله ..أنا هخلي الملايكه معاكوا

أو ييجي واحد تاني يقول أنا بكيت وكنت حاسس بالملايكة ماشيه حواليه

أو ييجي واحد تاني يقول ..ممكن نوجه تحيه للملايكة اللي معانا ..تقوم الناس مسقفه ..يعني إحنا بنحيي الملايكة بالتسقيف

يبقى ده إسمه جهل ..وجهل مركب كمان ..لإن أكيد اللي جاهل الجهل ده ما يعرفش أصلا إنه جاهل

زي ما قلت الملايكة مش حاجه لابسه فستان روز وفوق راسها حلقه وبتطير وبتطلع ريحه حلوه ..

الملائكة مخلوقات لله ..وأشداء ..وغلاظ ..يعني من الآخر كده مش زي ما في ناس متخيلة

طبعا أنا مش هتكلم عن الأغاني واللي بيتقال فيها لإن دي خيبة قديمه قوي وبقالها سنين ..لكن أنا بتكلم عن اللي ماسكين موضوع الملائكة ده بقالهم فتره كده وشغالين عليه ..وبصراحه معرفش ليه ...يعني الموضوع ده جديد علينا أصلا معرفش إشمعنى يعني الفتره دي

بصراحه ..كون إن الواحد يبقى جاهل ..فدي حاجه تخصه هو ..لكن كونه يفرض جهله علينا ..أهو ده اللي مش ممكن الواحد يسكت عليه أبدا

يا بيه ده بتبقي ناس ضاربه ترامادول أو حد جاهل لا يفقه شئ في الدين ، أو من السفهاء ودول لا عتاب عليهم
انما لو كانوا مثقفون او من دعاة العلم هنا مكمن الموضوع ولابد من الرد عليهم طبعا

المشاركة الأصلية كتبت بواسطة باسم يوسف

و ناس تالته تقول سيدنا جبريل نزل لهم في رابعه العدويه

عادي يا باشا

التجاره بالدين شغاله زي الفل في المجتمعات المتخلفه زي مجتمعنا كده

يا عم باسم محدش قال كده
اللي اتقال ان احدهم رأي رؤيا فيها ان سيدنا جبريل يصلي في رابعة
رؤيا فقط لا غير
لا تكن اداة ظلم لهؤلاء الرجال
https://youtu.be/P7T9cNfHrAc