لو عايز اجيب عربية فى حدود 100000 اوتوماتك هل اختيار هيونداى فيرنا اوتو افضل الخيارات ؟ ولماذا ؟ ايه العيوب واللميزات وخاصة استهلاك البنزين وقطع الغيار والتوكيل
مشكورين مقدما :)
عرض للطباعة
لو عايز اجيب عربية فى حدود 100000 اوتوماتك هل اختيار هيونداى فيرنا اوتو افضل الخيارات ؟ ولماذا ؟ ايه العيوب واللميزات وخاصة استهلاك البنزين وقطع الغيار والتوكيل
مشكورين مقدما :)
عربيه زى الفل ومحدش اشتكى من الاوتو بتاعها وكل الصنايعيه بيشتغلوا فيها وقطع غيارها الى حد ما رخيصة عيوبها عدم ثباتها على السرعات
انصحك بالألمانى احسن من الكورى الأوكتافيا مثلا لكن لو كورى خليك فى النوبيرا افضل من حيث الثبات على الأرض ومبروك العربية الجديدة
نصيحه لوجه الله ، ابعد عن المستعمل مهما كانت الماركة ياباني، الماني، اوربي، امريكي، المهم تبعد عن المستعمل و السلام
لا طبعا حضرتك ازاي يبعد عن المستعل دا رأي غير واقعي وغير تطبيقي
كل عربية بحالتها وفلوسها وفي كسر الزيرو وفي الفئات المختلفة كل حاجة وليها حاجة
اما بالنسبة لصاحب السؤال مية الف في عربية فيرنا دا حرام فكر ف اخيارات كتير قوي بالتمن دا
دا طبعا وجهة نظري عشان محدش يزعل
هو فعلا المستعمل بيبقي كويس لو انت شايف العربية اللي هشتريها طول الوقت قدام عنيك يعني واحد صاحبك في الشغل او حد قريبك ساكن جنبك، بخلاف كده ممكن تتوقع اي حاجه وانت بتشتري علي سبيل المثال اتصل باي توكيل من التوكيلات الكبيرة و قولة انا عايز اكشف علي عربية مستعملة وعايز اعرف العداد الديجتال بتاع الكيلومتر ملعوب فيه ولا لاء، هيرد عليك ويقولك انا ممكن اكشفلك عادي بس حكاية العداد دي مقدرش اعرف اتلعب فيه ولا لاء.
لو حتجبها قسط يبقي هي انسب حاجه . انما لو كاش لا يبقي تجيب لانسر او كورولا مستعمل احسن
زى ما قال زميلنا شادى
ونا بضيف الماتركس
مكنة صوتها ناعم ومحترم وفتيسها اﻻوتو محترم جدا ومفيش منه مشاكل
وماتورها بيجمع بسرعة و ناعم وسلس زى التويوتات واﻻنسرات والعجل اليابانى كله
عافشة ناعمة جدا وصاجها سمكها 7ملم
مش ورق زى الفيرنا .. وثابته هى واﻻنسر والتيوتات بس بعد ال120مش ثابتة مخبيش عليك.. بس بﻻش اﻻلمانى... هو محترم ومعمر جدا وهتاخد خيرها جامد بس مكلفة جدا لو عطلت في اى حاجة مش ع قد اﻻيد زى الكورى واليابانى
واﻻلمانى في اﻻوكتافيا
واسعة صالون وشنطة في ال
a5
ودى هتعدى ال ميت الف
واﻻوكتافيا اى فور a4
صالون ضيق جدا بس شنطة بحر .. ومش هاتضمن عربية المانى فى اى عطل فيها .. جاري فالعمارة .. جاب سكودا فضي اوكتافيا A4
جابها ب95 الف مو2005 اوتو
تانى جمعة عدت عليه جابت جوان وش سلندر لوحدها
بالسﻻمة المكنة كلها .. مفيش حاجة فاﻻلمانى اسمها اركب وش سلندر وﻻ ج وش سلندر وﻻ شورت بلوك وﻻ الحوارات دى زى الكورى واليابانى
جابلها مكنة بخمس بواكى وباعها بنفس ما اشتراها.. وجاب بعدها
ماتركس 2007 اوتوماتك ب80الف .. اسود .. بس بيشكر فيها جامد
ومريحاه وواسعه شنطة وصالون و1600
وعفشتها ناعمة وحلوة ق غيارها اﻻصلية ع قد الجيب وعائلية جدا
بيقول لو صاج اﻻلمانى دة صاج دبابة مش بيتعوج برضو مش هركبها
ﻻ هى وﻻ اﻻميركي وﻻ الفرنسي ابو صاج حدادى .. معلش اصله بيع دهب زوجته على حد قوله.. وطالما اى صاج عربية حدادى مش حدادى .. ورق مش ورق .. بياخد خبطة وبيتعوج وبيتسمكر
خﻻص يبقى القصة الواحدة .. هات الماتركس وهاتتبسط منها وهاتشكر فيها جامد.. هات حتة حالتها حلوة مع مكانيكى وسمكرى من فحص دواخلها وفرشها الداخلى اتشال قبل كدة عشان رشها الداخلى ام ﻻ .. والمكانيكى عشان يشوفلك المكنة دى تمام وﻻ عاوزة عامرة وﻻ نص عمرة
وهات بوهيجى معرفه حبيبك ب50ج بس يقولك الجزء دة راشه
ودى فبريكة.. ولك اﻻختيار في النهاية
بس لما تجيب عربية ابقي فرحنا عشان نباركلك ياباشا