الحمد لله والصلاة والسلام على رسول الله نبينا محمد خير خلق الله
اخونا العزيز المهندس مصطفى كان المفروض أول نصيحة أكتبها لحضرتك أنك تستخير الله بصلاة استخارة علشان اى كانت النتيجة سوء حضرتك أشتركت او لم تشترك تكون مطمئن ان هذا هو الخير من الله
فارجوك ما تنساش صلاة الاستخارة فى كل الاحوال والحمد لله انى تذكرت ذلك من فضل الله
وبعيدا عن المشروع ده وسؤال حضرتك ممكن اذكر لحضرتك باختصار المشاكل الموجوده فى شراء الشقق بالتقسيط والاغلبية بتكون الشركات الى بتنزل اعلانات فى الجرايد المشكلة بتكون ان مثلا الشركة تشترى ارض وتروح تاخد قرض من البنك عليها وتشترى ارض تانية وتعمل اعلانات علشان تجمع فلوس من الحاجزين علشان تبدا تبنى ... ولك ان تصدق ان الربا ياتى بالخراب فى اى شئ فعندما تحدث اى ازمة مالية او ظروف فى تغيير اسعار مواد البناء بتكون النتيجة الطبيعية
وبصفة شخصية عاصرت مشكلة مع احد زملاء الشغل وبعد ما عدى وقت التسليم والشقة الى كان حاجزها لم يتم بناء العقار كله وبدا عدم دفع الاقساط وكان اخر ما عرفت منه ان الشركة عرضت عليه شقة من مساحة السطوح وديه بتكون غير قانونية اساسا وكمان كان بتعرض عليه بسعر اكبر من السوق العادى بكتير يعنى حيدفع فرق كبير وهو كان حاجز شقة دور ارضي بحديقة ولا اعرف ما حدث بعد ذلك وكمان كان فيه صفحة على الفيس قرأتها من فترة عن مقاول محترف نصب وكل من كان حاجز معاه بيشارك فى الصفحة وكان مهازل وقضايا وضياع حقوق الناس وغيره وغيره وعلشان كده كنت بحاول احذرك فممكن حضرتك بعد صلاة الاستخارة تسأل كويس هل الشركات الى حضرتك ذكرتها ديه هى ضامن للمشروع والجمعية ولا ليس لهم علاقة وكمان الجمعية ديه بتاعت مين من الناس والارباح بتروح لمين علشان تعرف انت حتتعاقد مع مين ... وفى كمان من ناحية اخرى مقاولين بيشتغلوا بفلوسهم من غيير بنوك بس بيكون حجم شغلهم مش كبير قوى بياخدوا ملثلا قطعة او اتنين ويبنى ويبيع وهو شغال وغالبا بيكون كاش او قسط على سنتين باقصي تقدير وبشكل عام عليك الحذر اذا كان مقدم الفلوس والاقساط بيمثل لك مخاطرة ... ان شاء الله يسدد الله لك ما يُحب ويرضي به عنك عز وجل
سبحان الله وبحمده سبحان الله العظيم
سبحان الله العظيم وبحمده
المفضلات