الموضوع: اصحاب الخبره فى التفاوض حول زيادة المرتب

هو بقاله اد ايه فى الشركة ؟
لو ما بقالوش مده يبقى يصبر شويه علشان يبقى داخل و يقوله انى بقالى فترة و انا عاوز مرتيبى يزيد

هو فى الشهر الثالث الان..بس هو عايز يرسى مبدأ عشان الموضوع يبقى واضح بالنسباله وخاصتا ان شغله واضح للجميع وكذلك التزامه وادبه وحب الناس ليه

بواقع خبرتي في النقطة دا ...الطلب يكون على استحياء بالشكل دا :

يدخل للمدير في وقت ميكنش فيه ضغط عمل عليه
يحاول يكلمة بهدوء انه مش طالبة زيادة راتب ولا حاجة
يحاول يلفت نظر المدير ان تم اضافة التزامات عليه من قبل ادارة hr بالاضافة إلى عمله
يدي انطباع وسط الكلام انه مش هيكون مستريح نفسيا لأنه شايف ان الراتب غير متناسب مع مهام وظيفته , وايضا يوصل للمدير انه مش هيترك العمل بس هو عايز زيادة بسيطة في الراتب بشكل غير مباشر


الكلام دا فايدته حاجتين
( أولا احتمال كبير جدا المدير يزودة فعلا خصوصا ان على كلامك المدير محتاجة والزيادة المطلوبة مش كتيرة )
( ثانيا لو مزدش حاليا ..هيحاولوا يقللوا الشغل من عليه وهتفضل النقطة دي كويسة عند المدير انه لم يترك العمل وبعد فترة بنسبة 99 % هيزودة )

انا نصحته زى ماقلت حضرتك بالظبط..بس هو استفساره المهم ان الزياده اللى عاوزها انه يكون من 2300 ل 3000 يعنى فرق 700 مش هتكون كبيره على المدير؟؟؟

كبيرة ومش هيوافق ...هو غلط انه وافق علي الراتب 2300 من الأول ...ميجيش مرة واحدة يطلب حوالي التلت مرة واحدة ...على الاقل يحاول يزودة ل 2600 ويجتهد في عملة 6 شهور كمان ولا 10 شهور وياخد خبرة ويثبت نفسه ..وبعد كدا يرفع 3000

كلام حضرتك منطقى انها كبيره فعلا وده هو اللى كان عاوز حد يأكدهوله
اعتقد انه ممكن يتكلم فى 2750 ولو نزلت ل 2600 هتكون منطقيه وياخد وعد بالزياده كمان كام شهر