مشكلة غريبة فى عربيتى الفيرنا

**ahmed9003** · 10-08-2015 06:12 PM

السلام عليكم ورحمة الله وبركاته

ياجماعة انا عندى مشكلة احتمال تبقى سبب فى بيعى للعربية لانى ديه تالت مرة اكتب المشكلة على المنتدى واحاول احلها بكل الاشكال وبرضه مافيش فايدة

عربيتى الفيرنا بتخسن على الطرق السريعة بعد اما اجيب 100 كم او 120 كم وانا مشغل التكيف بلاقى مؤشر الحرارة بيعلى انما جوا البلد على الاول والتانى او كوبرى اكتوبر ولا الهوا ولا تسخن ولا حاجة وبرضه بكون مشغل التكيف

عملت الخطوات الاتية :
تم غسل الردياتير وتسليكه وتنظيفه وحطيت ميه خضرا اسبانى من توتال ب 45 جنيه وكمان حسيت ان صوت المروحة مش كويس رحت مغير مروحة الراداتير بواحدة كورى وطلعت على الطريق السريع وبرده نفس المشكلة

الله يكرمكم اللى يعرف حل للمشكلة ديه يقولنا عليه

العربية فيرنا 1600 سى سى موديل 2005 وعاملة 150,000 كم

ملحوظة : كان فيه واحد على المنتدى عنده نفس المشكلة فى عربيته الفيرنا و لاقها فى الاخر خاجة اسمها ارضى التابلوه كان مش راكب كويس !!!

افيدونا وجزاكم الله كل خير

**crazy car** · 11-08-2015 12:45 AM

اتاكدت من الوصلات
غير غطا الرادياتير وشيك على طرمبة المية

**crazy car** · 11-08-2015 12:47 AM

ولما تحط ميه خضرا حط الموبيل الجركن ب 80 ج

**ahmed9003** · 11-08-2015 12:54 AM

المشاركة الأصلية كتبت بواسطة crazy car

اتاكدت من الوصلات
غير غطا الرادياتير وشيك على طرمبة المية

حضرتك تقصد انهى وصلات
وبالنسبة لغطا الرداتير انا شاريه اصلى من التوكيل والميه مش بتنقص وطرمبة الميه زى الفل بصيت عليها عن بتاع الرداتيرات وان بنظفه والمشكلة لو فيه حاجة من غطا الراداتير او طرمبة الميه بايظين كانت العربية سخنت جوا البلاد وعلى طرق السفر لكن دا مابيحصلش
اشكر حضرتك على اﻻهتمام والرد ويارب نلاقى حل للمشكلة ديه

**ahmed9003** · 11-08-2015 12:58 AM

المشاركة الأصلية كتبت بواسطة crazy car

ولما تحط ميه خضرا حط الموبيل الجركن ب 80 ج

سؤال .. هو جركن موبيل بيحتاج انه يتخفف ولا بتحط من الجركن مباشرة فى القربة عشان انا سألت قبل كده فقالولى انه بيتخفف وانا ماليش فى التخفيف وﻻ اعرف نسبة التركيز قد ايه عشان كدا بجيب جركن جاهز احط منه مباشرة فى القربة

**جيتزاوي55** · 11-08-2015 08:37 AM

بص يا باشا أنت محتاج تبص علي حاجات تانية غير الريادتير لأنا اللي أنت بتقولة دة معناه أن الراديتر سليم , بص علي حساس الحرارة أو ترموستات الحرارة أنا مش عارف هيبقي أسمة اية بصراحة , لأن دة ممكن بيقرأ الحرارة غلط فيخلي المروحة تشتغل عند درجة حرارة أعلي وبالتالي متبردش العربية كويس .
بص برضة علي الشكمان ممكن يكون في سدد في دورة الحرق أو مشكلة في دورة العادم بشكل عام .
مهم جدا بالنسبة للرادياتير , أتأكد أنة مش واخد هوا وأن المية محطوطة صح , لأن ممكن الرادياتير يأخد هوا نتيجة انك تغير المية بطريقة غلط , والموضوع دة حصل قبل كدة مع واحد صاحبي معاه عربية سيينا وجننة وفي الأخر اكتشف السبب أن العربية واخدة هواء والمية كانت بتغلي علي الفاضي .

**د.محمود صلاح** · 11-08-2015 02:08 PM

سيارتي فيرنا 2008 اوتومتايك
سيارة اخي فيرنا 2007 عادي

نفس المشكلة

ومطلعة عين اللي جابونا انا وهو

فكيت الريداتير كله وسلكناه بالأسياخ ماسورة ماسورة وطلعت اجربها على الطريق الصحرواي بعد كده وسخنت برضه ..

المشكلة دي مشهورة في الفيرنا ومالهاش حل تقريبا ...

وآديني متابع معاك

**hugan** · 11-08-2015 02:26 PM

المشاركة الأصلية كتبت بواسطة د.محمود صلاح

سيارتي فيرنا 2008 اوتومتايك
سيارة اخي فيرنا 2007 عادي

نفس المشكلة

ومطلعة عين اللي جابونا انا وهو

فكيت الريداتير كله وسلكناه بالأسياخ ماسورة ماسورة وطلعت اجربها على الطريق الصحرواي بعد كده وسخنت برضه ..

المشكلة دي مشهورة في الفيرنا ومالهاش حل تقريبا ...

وآديني متابع معاك

مصادفه غريبه

الموضوع: مشكلة غريبة فى عربيتى الفيرنا

LinkBack

أدوات الموضوع

عرض

مشكلة غريبة فى عربيتى الفيرنا - انشر الموضوع فى :

-

-

-

المواضيع المتشابهه

مشكلة غريبة جدا فى الفيرنا

مشكلة غريبة فى عربيتى النيو صنى رجاء المساعدة

مشكلة غريبة جدا :- فتحات تكييف الفيرنا مش بتطلع هوا خالص ؟؟ والحل

مشكلة غريبة فى عربيتى الرينو كليو 2004 (مع الفيديو)

مشكلة فى عربيتى الفيرنا

الكلمات الدلالية لهذا الموضوع

المفضلات

المفضلات

ضوابط المشاركة