تعبت نفسيا من العهر و العري اللي بشوفه كل يوم

الواحد داخل علي التلاتين و مش متجوز و جنس الحريم ده مش بيراعوا اننا بني ادمين زيهم و بنحس زيهم و بنتأثر باللي بنشوفه زيهم

حرام و الله انا حاسس اني قاعد في كباريه كبير

شعر طالع من الطرحه ... برفانات تتشم من علي بعد ميل ... جينزات مش عارف بيلبسوها ازاي ... بلوزات بتاعت اخواتهم اللي في ابتدائي ... فيزون ... بناطيل ليجن ... قصوعه في الكلام ... ضحك بصوت عالي ... شبه بيرقصوا و هما ماشين

للاسف جنبي مركز كورسات ... للاسف قدامي محل كوافير حريمي ... البنات اللي فيه يكفروا بلد بحالها

كارثه من كوارث الزمن ... و المصيبه بينطوا عندي كل شويه عشان يفكوا فلوس ... و بيعملوا حركات قذره قدامي

ما هو احنا لو كنا في امريكا او روسيا كنت هقول ماشي و كده كده مش هبقي محروم من حاجه ... سواء بقي متجوز و لا مصاحب

انا تعبت و حاسس اني هرتكب جنايه اخرتها

ربنا يقويك يا أخ باسم
والله اني أشفق على الشباب غير المتزوج
المسألة فعلا زادت عن الحد ، وأصبح القابض على دينه كالقابض على الجمر

شوف
احنا من سن بعض تقريبا
وفاهم كويس قوي اللي بتقوله
بس هي كلمه واحده والله ومش عايز غير مصلحتك
(ماتضحكش على نفسك وتعيش دور الضحيه)

لو عايز تغض البصر وتكسب حسنات بالهبل هتعملها
لو مش عايز اوك براحتك برضه

لكن في الحقيقه لو انت مستكفي فالنوع ده مش اختبار ليك
لو انت مش حواليك المناظر دي فانت برضه مش في اختبار

انما الوضع ده هو اللي اختبار
وعشان كده الجنه درجات
والعبور على الصراط درجات
والحساب درجات
...... الخ
فانت تعمل اللي عليك, ومالكش دعوه الناس بتعمل ايه
ربنا يهديهم جميعا

(طبعا مش بشيل اللوم من عليهم ولا بقول ان ده عادي)

الله يعينك على نفسك ... عمرك ما هتصلح الكون

النقاء وطهارة الفكر من داخل الانسان بمعونه من الله ولا علاقه لها بكم المثيرات الخارجيه

مالك نفسه خير من مالك مدينه ... دي حكمه تعني ان الله سوف يسئلك عن نفسك انت وسوف تعطي حسابا عن اعمالك وافكارك انت

النت والميديا كلهم انحرافات ولكن قوة ارادتك ومعونه الله هي العامل المهم

الكلام ده فى السودان و لا مصر !!

والله يا اخ لا راحمين المتجوز ولا العازب...القلب متقلب والحريم اشكال والوان وكفايا الفيلم اللي اسمة الخلبوص بتاع احمد رجب دة

الحل بسيط جدااااااا
ببساطه خلي عيونك فلتر .. ازاي ؟؟!!
هقولك ازاي .. و هتكلم عن نفسي .. لما بشوف المناظر دي عنيا بتفلتر الشكال دي و مخي بيترجم المشهد دا علي انه منظر مش كويس .. من الأخر حاجه كده زي الزباله متشدش عنيا و تخليني مش طايق اللي بشوفه
علي عكس البنت المحترمه اللي لابسه كويس مخي بيشوفها عمله نادره اليومين دول
انت برمج مخك انك تقرف من الاشكال دي عشان متعجبكش وتتحول شهوه ﻷنك مش متجوز وحتي بعد الجواز

ربنا يعينك ويقويك يا استاذ باسم
غض بصرك واجعل غض بصرك طاعه لله وصدقنى ربنا ها يعوضك خير عن ترك المعصيه واعلم ان من ترك شئ لله ابدله الله خيرا منه
قال تعالى والذين جاهدوا فينا لنهدينهم سبلنا
جاهد نفسك على الطاعه

هتعيش فى اوروبا ازاى يا باسم بس مش ده حلمك لحد دلوقتى ؟

اقتباس:

---

المشاركة الأصلية كتبت بواسطة abdulkhaleq

شوف
احنا من سن بعض تقريبا
وفاهم كويس قوي اللي بتقوله
بس هي كلمه واحده والله ومش عايز غير مصلحتك
(ماتضحكش على نفسك وتعيش دور الضحيه)

لو عايز تغض البصر وتكسب حسنات بالهبل هتعملها
لو مش عايز اوك براحتك برضه

و الله مش بمزاجي ... انا بحاول قدر المستطاع اغض بصري بس الوضع زاد عن حده و حضرتك عارف اكيد

لكن في الحقيقه لو انت مستكفي فالنوع ده مش اختبار ليك
لو انت مش حواليك المناظر دي فانت برضه مش في اختبار

انما الوضع ده هو اللي اختبار
وعشان كده الجنه درجات
والعبور على الصراط درجات
والحساب درجات
...... الخ
فانت تعمل اللي عليك, ومالكش دعوه الناس بتعمل ايه
ربنا يهديهم جميعا

(طبعا مش بشيل اللوم من عليهم ولا بقول ان ده عادي)

---

اختبار صعب اوي

اقتباس:

---

المشاركة الأصلية كتبت بواسطة adnfalcon

الحل بسيط جدااااااا
ببساطه خلي عيونك فلتر .. ازاي ؟؟!!
هقولك ازاي .. و هتكلم عن نفسي .. لما بشوف المناظر دي عنيا بتفلتر الشكال دي و مخي بيترجم المشهد دا علي انه منظر مش كويس .. من الأخر حاجه كده زي الزباله متشدش عنيا و تخليني مش طايق اللي بشوفه
علي عكس البنت المحترمه اللي لابسه كويس مخي بيشوفها عمله نادره اليومين دول
انت برمج مخك انك تقرف من الاشكال دي عشان متعجبكش وتتحول شهوه ﻷنك مش متجوز وحتي بعد الجواز

---

الفلتر ده ضد الغريزه الطبيعيه اللي خلقها ربنا

لو شوفت منظر كده و لا كده لازم هتبص او هتغض بصرك

لو بصيت صعب اقنع نفسي ان المنظر وحش مثلا

اقتباس:

---

المشاركة الأصلية كتبت بواسطة ayaamna

ربنا يعينك ويقويك يا استاذ باسم
غض بصرك واجعل غض بصرك طاعه لله وصدقنى ربنا ها يعوضك خير عن ترك المعصيه واعلم ان من ترك شئ لله ابدله الله خيرا منه
قال تعالى والذين جاهدوا فينا لنهدينهم سبلنا
جاهد نفسك على الطاعه

---

و الله ده الامل اللي انا عايش عليه ... ان ربنا يكتبلي الخير في المستقبل و ربنا يرزقني بالزوجه و الذريه الصالحه

يا رب

اقتباس:

---

المشاركة الأصلية كتبت بواسطة Karim Alaa

هتعيش فى اوروبا ازاى يا باسم بس مش ده حلمك لحد دلوقتى ؟

---

فعلا حلمي اعيش في استونيا و استقر هناك

في اي دوله علمانيه او غربيه او سميها زي ما تسميها ... لو انا صايع البيت اللي تعجبني هصاحبها و اعيش معاها defacto و يبقي كده محرمتش نفسي من حاجه ... لو انا محترم البنت اللي تعجبني هتعرف عليها و بعدين اتجوزها

كده كده عايش مبسوط و مش محروم من حاجه

هنا في مااااااااااااسر ... مفيش بنات حلوه عشان تتجوزهم او حتي تصيع معاهم .. و ان وجدت البنت الحلوه المحترمه ... هتدفع دم قلبك و كل اللي وراك و اللي قدامك و ده في حاله ان اهلك هيساعدوك ده غير انك هتتربط في الساقيه بقيت عمرك من غير كلمه شكر

هتروح السودان ومش هتشوف الكلام ده تانى :)

أولاً: غض بصرك. واضح من كلامك تركيزك الشديد حتى على مشيتهن وطريقة كلامهن، وهذا خطأ كبير وخطوة من خطوات الشيطان



ثانياً: عجِّل بالزواج، فهو الترياق الحقيقي لكل ذلك. والأمة لازالت بخير وهناك فتيات صالحات وعائلات كثيرة لا ترهق كاهل الشباب كما تظن. فقط جدد نيتك واستعن بالله وابحث عن بنت الحلال بجدية وستجدها بمشيئة الله



ثالثاً: تذكر أنه "من يتق الله يجعل له مخرجاً"

اقتباس:

---

هنا في مااااااااااااسر ... مفيش بنات حلوه عشان تتجوزهم او حتي تصيع معاهم .. و ان وجدت البنت الحلوه المحترمه ... هتدفع دم قلبك و كل اللي وراك و اللي قدامك و ده في حاله ان اهلك هيساعدوك ده غير انك هتتربط في الساقيه بقيت عمرك من غير كلمه شكر

---

يعنى المشكلة فى انك تلاقى البنت

فين الخوف من الله

اقتباس:

---

المشاركة الأصلية كتبت بواسطة a.saad

يعنى المشكلة فى انك تلاقى البنت

فين الخوف من الله

---

انا بوصف الوضع بشكل عام و اكيد عمري ما اعمل الفاحشه دي

اقتباس:

---

المشاركة الأصلية كتبت بواسطة amr011111

هتروح السودان ومش هتشوف الكلام ده تانى :)

---

ههههههههههههه هو حد يطول يعيش في مجتمع محافظ و محترم ؟ و بعدين هناك في مصريين و اتراك و سوريين برضه

مع ان العنوان قوى جدا وصادم بس فعلا الموضوع زايد جدا وبلا توقف انا كل يوم بشوف مناظر اققول طب دول بيلبسو ايه فى البيت وناقص ايه الناس مشفتهوش فى جسمها .الا لون جلدها
حسبى الله ونعم الوكيل انا النهارده بنت ماشيه مع والدتها ولابسه هدوم ستيكر عليها ةحاجه مقرفه والناس كلها بتبص عليها والله فكرت اروح اتخانق مع امها بس قلت اتكل على الله وروح شوف شغلك
موضوعك فجر جوايا حاجات مضيقانى من زمان ....وساكت

اقتباس:

---

المشاركة الأصلية كتبت بواسطة باسم يوسف

انا بوصف الوضع بشكل عام و اكيد عمري ما اعمل الفاحشه دي

---

غض البصر دى اول نقطة
وتانى حاجة اذكر ان حضرتك فتحت الموضوع ده قبل كدة والاعضاء نصحوك انك تشغل قران فى المحل

مكانك فى وسط الفساد الاخلاقى ده
ليك دور مهم ....ممكن انك تحط صوره للحجاب الشرعى على باب المحل
وتحفظ قرءان والتفسير وتشغل خطب زى الشيخ محمد حسين يعقوب او خالد الراشد
لو سمعت خطبه واحده هتلاقى قلبك خاف ومش هتبص تانى
حافظ على الصلوات فى المسجد وتصوم يوم ويوم او اتنين وخميس
من ترك شيئا لله عوضه الله خيرا منه
الكلام ليا وليك وكلنا فى نفس المشكله

عليك بالزواج ..


وصدقني في اللي بقوله...طول ما إنت شايف ان الجواز بياخد اللي وراك واللي قدامك وبيربطك في ساقيه ..عمرك ما هتتجوز وهتفضل كده فريسه للشيطان يوديك ويجيبك

لكن لو شفت الجواز عفه وغض للبصر وقبل كده موده ورحمه ..ربنا هيرزقك ومش هيحرمك


يعني من الآخر ..نيتك ايه تجاه الزواج ..فلس وساقيه وعدم شكرانيه؟؟..ولا عفه وستره وغنى بالحلال عن الحرام؟؟

اقتباس:

---

المشاركة الأصلية كتبت بواسطة باسم يوسف

اختبار صعب اوي

---

معلش
ماهو مافيش اختبار في الدنيا دي كللها سهل
السهل انك تختلس مليون من خزنه فيها 10 وانت متأكد ان صاحب الخزنه مش هيعرف
الصعب انك تصون الامانه, وهو ده الصح

السهل انك تضرب واحد شتمك وانت اقوى منه
الصعب انك تمسك اعصابك
....الخ

اقتباس:

---

المشاركة الأصلية كتبت بواسطة abo_mazen

عليك بالزواج ..


وصدقني في اللي بقوله...طول ما إنت شايف ان الجواز بياخد اللي وراك واللي قدامك وبيربطك في ساقيه ..عمرك ما هتتجوز وهتفضل كده فريسه للشيطان يوديك ويجيبك

لكن لو شفت الجواز عفه وغض للبصر وقبل كده موده ورحمه ..ربنا هيرزقك ومش هيحرمك


يعني من الآخر ..نيتك ايه تجاه الزواج ..فلس وساقيه وعدم شكرانيه؟؟..ولا عفه وستره وغنى بالحلال عن الحرام؟؟

---

و الله نفسي اتجوز النهارده قبل بكره بس اغور من هنا الاول

اقتباس:

---

المشاركة الأصلية كتبت بواسطة باسم يوسف

الواحد داخل علي التلاتين و مش متجوز و جنس الحريم ده مش بيراعوا اننا بني ادمين زيهم و بنحس زيهم و بنتأثر باللي بنشوفه زيهم

حرام و الله انا حاسس اني قاعد في كباريه كبير

شعر طالع من الطرحه ... برفانات تتشم من علي بعد ميل ... جينزات مش عارف بيلبسوها ازاي ... بلوزات بتاعت اخواتهم اللي في ابتدائي ... فيزون ... بناطيل ليجن ... قصوعه في الكلام ... ضحك بصوت عالي ... شبه بيرقصوا و هما ماشين

للاسف جنبي مركز كورسات ... للاسف قدامي محل كوافير حريمي ... البنات اللي فيه يكفروا بلد بحالها

كارثه من كوارث الزمن ... و المصيبه بينطوا عندي كل شويه عشان يفكوا فلوس ... و بيعملوا حركات قذره قدامي

ما هو احنا لو كنا في امريكا او روسيا كنت هقول ماشي و كده كده مش هبقي محروم من حاجه ... سواء بقي متجوز و لا مصاحب

انا تعبت و حاسس اني هرتكب جنايه اخرتها

---

غض بصرك صلي ولو بتصلي اتجه الي ربنا اكتر اعتكف

وبعدين انته كل مواضيعك تشائم ده انته كاره مصر وشعبها امال عايش فيها ازاي 30 سنه نصيحه انا لو منك اسافر احسن

بسم الله ما شاء الله على التقوى والإيمان اللى فى المنتدى
كل الاراء تحت بند غض البصر والتجاهل والتعجيل بالزواج والحلال مفيش احلى منه
اللى مفيش واحد سأله انت شغلك فين ولا بتشتغل ايه ولا حتى حد عرض عليه يرحمه من العذاب اللى هو فيه ويروح يقف مكانه ويفك للبنات السافله ديه والعياذ بالله
انا داخل أنام

معلش سامحنى انتا عندك ازمة نفسية
وشايف كل البنات وحشة امال لو رحت دبى او لبنان ولا سوريا هتعمل اية
دى كلها بلاد مسلمة
ودة مش اول موضوع تعملة اصلا عن الكلام دة فاكر موضوع العيد

اقتباس:

---

المشاركة الأصلية كتبت بواسطة باسم يوسف

و الله نفسي اتجوز النهارده قبل بكره بس اغور من هنا الاول

---

لو الزواج ليه اولويه هتتجوز قبل تركك للبلد دي .لوتركك للبلد دي ليه اولويه يبقى اصبر وعليك بغض البصر والصوم..فانه لك وجاء