ارجو من سيادتكم عدم التسرع فى عملية الشراء لان اسعار السيارات الجديدة فى النازل و بتالى اسعار السيارات القديمة الخردفكشن هتنزل النص ارجوكم تابعو اعلاناتى السابقة:k52:
ارجو من سيادتكم عدم التسرع فى عملية الشراء لان اسعار السيارات الجديدة فى النازل و بتالى اسعار السيارات القديمة الخردفكشن هتنزل النص ارجوكم تابعو اعلاناتى السابقة:k52:
استاذ تيسير - معلش فى سؤال هو حضرتك تاجر عربيات مستعملة ولا اية ؟؟؟؟
بدون اي مصدر... فهو راي شخصي او اشاعة !!
انت شكلك كده تاجر يا استاذ تيسير !!!!!!!!!!!!
انا نفسي أفهم هو عايز ايه من مواضيعه اللي كلها تحذرنا من شراء السيارت المستعملة او بتنصحنا ببيع سياراتنا المستعملة عشان هتتعمل خردة
عايز ايه؟؟؟؟؟؟؟؟؟؟؟
انا حاسس ان عنوان الموضوع اتغير ولا انا متهيالى ؟؟؟!!!!!
حضرتك كل شوية تعمل موضوع عكس التاني
هو ايه الغرض من اللف و الدوران ده كله؟
شوية تقول اللي معاه قديم يبيع
و شوية تقول محدش يشتري قديم
و الادهي من كل ده ان كل الناس عماله توجهلك انتقادات و انت مبتردش علي حد
و عمال تفتح في موضوعات مستفزة برضه
يا تري ايه الغرض من كل ده؟
لا حول ولا قوة الا بالله !
ده ايه يابني الحلاوة دي
مفتح سيادتك اوي .. اسم النبي حارصك نبيه
يا اخواني مش عارف لية انتم بتهجموني علي راي الشخصي انا حبت بس اقول راي اية المشكلة في كده وهو الية ينصح في الزمن ده يكون تاجر
وغير ده شوف في الايام الاخيرة دية اسعار المستعمل نزل ازي وبقة في الحضيض وفكرو وغير كده وكده انا مليش مصلحة منكم ولا قلت لحد يبع عربيته الية عاوز يبع يبيع انا مضربتش حد علي ايده ولا هجمت حد وفي الاول والاخر ده راي قبلته ده برحتكم مقبلتهوش بردو برحتكم مش كل واحد يطلع بكلمة ويقول تاجر هو انا طلبت من حد من حضرتكم انه يبيع عربيته لية واسف جدا اني ضيقتكم بوضوعاتي المستفزة بس الايام تثبت ليكم كلامي
الاسعار بتنزل في صورة عروض .. بس أنا سمعت كلام عن لسان وكيل ذو إسم كبير في مصر إن اسعار الزيرو حتنزل نزلة رهيبة خلال الاشهر القليلة القادمة
. يا جماعة الدهب بينزل جداً. والحديد .. وكل حاجة فيما عدا السلع الاستهلاكية والغذائية
تبقى السيارات حتنزل ... خصوصا بعد الكساد في أوروبا وأمريكا واليابان. والله وحده اعلم. أنا عن نفسي حصبر شوية ومنها احوش ولو زادت مش حخسر كتيير كدة كدة المسألة ( باظت ).
الربع الاول 2009 سيكون هبوط في اسعار السيارات والله اعلم
اولا بسبب انخفاض البترول
ثانيا بسبب انخفاض الحديد
ثالثا بسبب الركود الاقتصادي التي اعلن احد المسؤولين الاقتصاديين في الولايات المتحده الدخول في هذه المرحله