أنا كنت هبتدي بناء بيت من سنة تقريبًا وتوقفت لأسباب معينة
المهم إني قررت أبدأ البناء لإشغال نفسي في البناء
وهخلي الموضوع دا بإذن الله مفتوح لطرح أي فكرة أو خطوة أعملها وهحاول دعمه بالصور
عشان اللي عنده ملاحظات على البناء يقوم مشكورًا بوضعها
ومن فضلكم اللي عنده إقتراحات للأنظمة الحديثة يضيفها
أولًا البناء عبارة عن فيلتين دوبلاكس ( هيكل منفصل ) لي واحدة ولزميلي واحدة
إجمالي الأرض 750 م (30م * 25م) لكل دوبلاكس ( 12.5م * 30 م)
قررنا تطبيق الدوبلاكس بنفس فكرة مشروع في الخبر مطروح من شركة كيان ( دريم فيلا )
لإني شُفت فيلا العرض وعجبني التصميم والبساطة والحداثة وفيه إبتكار
مع بعض التعديلات الخاصة بنا - وكل واحد عنده بعض الإضافات الخاصة به فيه فيلته
الفيلا اللي زرتها وأعجبتني جدًا مصورة هنا
https://www.youtube.com/watch?v=JduYNEz1iIU
مخطط الفيلا من موقع المشروع
خطط تفصيلي لطبقات البيت
http://kayan-sa.com/images/dv9.jpg
مخطط الدور الأرضي و يظهر فيه اطلالة المجلس الرئيسي و صالة المعيشة على المسبح ، وكذلك يظهر فيه اعتماد المصمم على المخطط المفتوح الذي يعطي الساكن حرية توزيع الأثاث او التغيير من وقت للأخر
http://kayan-sa.com/images/dv10.jpg
مخطط الدور الأول وهو مخصص للسكن ، حيث يحتوي على الجناح الرئيسي و ثلاث اجنحة أخرى مع صالة للجلوس في الوسط
http://kayan-sa.com/images/dv11.jpg
مخطط الدور الثاني ويحتوي على صالة رياضية و صالة للسينما واطلالة على الحديقة العلوية ، وكذلك يحتوي على غرفة للخادمة ومكان للغسيل وتخزين الملابس
http://kayan-sa.com/images/dv12.jpg
عشان الأجنبي يشتري عقار في السعودية لازم يتبع الخطوات التالية :
أولًا : يحدد العقار المطلوب ( خارج مكة أو المدينة )
ثانيًا : يتفق مع صاحب العقار على إنتظار موافقة الإمارة المبدئية
ثالثًا : يقدم طلب في الإمارة وينتظر الإجراءات
الطلب هيعدي على جميع الجهات الأمنية ويتم التحقق من صاحبه بدقة شديدة
صاحب الطلب هيتم عرضه على تحقيق المباحث والشرطة وجهات أمنية بحسب وضعه
بعد التحقق من أن مقدم الطلب شخص نظامي والعقار لا يوجد عليه مشاكل
ومصدر الأموال شرعي
سيخرج معه مهندس مكلف من الإمارة ( مع صاحب العقار وصاحب الطلب إلى الموقع )
الإجراءات دي هتاخد حوالي شهرين ( مع المتابعة والتردد المستمر على الإمارة )
لو تمت الموافقة
رابعًا : إرسال المعاملة للرياض لفحصها أمنيًا من جهات عليا من جديد هتاخد شهرين تقريبًا
خامسًا : وصول المعاملة للإمارة من جديد وغالبًا لو راحت الرياض نادرًا مايتم رفضها
سادسًا : هتاخد بعد وصولها حوالي 10 أيام ( لصدور موافقة أمير المنطقة ) وتحويلها للمحكمة العليا في مدينتك هتاخدلها أيام
سابعًا : تذهب للمحكمة لإستلام موعد لإتمام البيع وإستلام العقد موثق من المحكمة
المدة الإجمالية 5 أشهر تقريبًا ( أنا أخدت معايا 4 أشهر ) ولكن يفضل مدة الإتفاق مع صاحب العقار تكون 5 أشهر للإحتياط
المقيم لازم يكون بلا قضايا أو أي مشاكل .. ويفضل يكون مستثمر هتكون الموافقة أسهل
يكون على علاقة طيبة بصاحب العقار وطبعًا يصبر المدة دي بعقد وعربون وإتفاق واضح من البداية
طيب لو واحد بني بيت و ساب الشغل هل بملكيته للبيت ينفع يعمل اقامة من غير كفيل ?
بخكم انه صاحب ممتلكات في البلد
اقتباس:
المشاركة الأصلية كتبت بواسطة mazagangee
على حد علمي ... لحد الآن ... لاء ملوش علاقة
لازم تبقى مقيم إقامة نظامية ( متعاقد , مستثمر )
وعشان كدا خيار البناء مناسب للمستثمر لإن إلتزماته بتبقى بعقود طويلة الأجل
من 10 سنوات وإنتا طالع .
المتعاقد وعلى كفالة كفيل يبقى المناسب ليه شراء شقة جاهزة لو معاه أسرته
للإستفادة من مبلغ الإيجار طوال سنين التملك + الربح عند البيع
( لإن العقار بيرتفع سعره سنويًا )
المكتب الهندسي طلب 30 ألف مع الإشراف
أنا هشوف مكاتب هندسية تانية
بس كنت عايز أعرف .. هل السعر دا يدل على الجودة ولا مبالغ فيه ؟
لإني بالطبع عارف إن المكتب منخفض التكلفة قليل الجودة وهدفع في البناء أضعاف
وإحنا مادخلناش في التفاصيل .. يعني مجرد وريته التصميم والتعديلات
وقالي 20 ألف بدون إشراف 10000 إشراف
لو حد هنا من الناس ليهم خبرة في العقار في السعودية والمهندسين ياريت مشورتكم
خطوات إختيار المكتب الهندسي
مبدئيًا جميع المكاتب التي زرتها تتراوح أسعارها بين 27 و 35 ألف مع الإشراف
أفضل 3 مكاتب أجمعوا على سوء التخطيط المقترح
ولكن للأسف صعوبة التوصل لشكل الرسومات والتصاميم المقترحة من كل مكتب بلا مبالغ مقدمة عائق لإختيار المكتب
الموضوع صعب ونادر انك تلاقي حد مر بنفس التجربه دي
لو هيعملك تصميم انشائى ومعمارى للمبنى بالاشراف فالمبلغ مناسب
اقتباس:
المشاركة الأصلية كتبت بواسطة karim_monir
معاك حق
الغربة و الوحدة والإحساس بالرفض .. يخلوا الإنسان يعمل أي حاجة
مش عايز أقعد مع نفسي كتير ..
و يبدو صعب ... ولكن مسلي .. وأنا محتاج أشغل نفسي بحاجة جادة كدا زي البناء ..
ونادر فعلًا عشان كدا بكتب تجربتي مش فقط للإستفسار من أهل الإختصاص إن وجد
ولكن للمتابعة وتدوين أي خطوة حتى يكون مرجع لمن أراد
و هوا نادر عند المصريين فقط ولكن منتشر جدًا عند اللبنانيين .. بيتضامنوا مع بعض
اقتباس:
المشاركة الأصلية كتبت بواسطة amr011111
التصاميم معمارية .. إنشائية .. ميكانيكية .. كهربائية .. واجهات .. تصميم داخلي
و توزيع أثاث + إشراف
أعتقد المبلغ مناسب بالفعل لإن المبالغ متقاربة ولكن دا ينطبق على مكاتب الخبر والظهران فقط
مكاتب الدمام بتقدم رسومات متكاملة مع الإشراف بـ 5000 دا كلام اللي بيبنوا و إطلعت على العقود
إنما أنا روحت لمكتبين من اللي شوفت عقودهم بـ 5000 ( عقود حديثة )
ومن أكتر من شخص و سعرهم لا يتخطى 5000 بالفعل على كلام الملاك والعقود
لكن لما رُحتلهم أدوني رقم مشابه لمكاتب الخبر
وملاحظتي على المكاتب دي إن التصاميم اللي شفتها مفهاش أي نوع من الإبتكار
فلل عبارة عن ( قوالب إسمنتية ) ومتشابهة جدًا اللي يفرق الواجهة فرق بسيط
يعني زي أغلب فلل الدمام .. فالغالب إنها منسوخة ومعمول عليها تعديل بسيط