ويندوز 10 الجديد من مايكروسوفت
يا جماعة حد جرب ويندوز 10 الجديد اللى بتنزله مايكروسوفت مجانا على اجهزة الكمبيوتر ؟ انا نزل عندى واتستب على اللاب التوشيبا بتاعى ... هو حلو بس بعد ما نزل لاحظت الاتى :
1- الماوس بتاع التاتش باد بتاع اللاب مش شغال ولكن اشتغل من ماوس خارجى مع انه كان شغال قبل كده طبيعى جدا على الويندوز 7 عادى .
2- مافيش ماى كمبيوتر فى قائمة ستارت ولا ده شىء طبيعى ؟
3- أهم من ده كله بقى لاحظت ان مافيش صوت فى الجهاز خالص لا صوت لأغانى ولا صوت لبداية الويندوز ولا صوت لحاجة خالص ... ما الحل مع ان ايكونة الصوت موجودة تحت عادى وبتطلع وبتنزل عادى كأنك بتظبط الصوت لكن مافيش صوت
أخيرا حد عنده حل للمشاكل دى ؟ ولو مافيش هل ممكن أعرف أرجع تانى للويندوز 7 بتاعى الاصلى ... شكرا