تقرير شراء فيات باليو 2007 و شراء بعض المستلزمات
انا حبيت اشارك عن تجربتي مع الباليو لاني الصراحه ملقتش مشاركات كتير عن العربيه ديه فقلت اشارك علشان افيد و نستفيد
اولا انا معاكم بس في جروب رينو ميجان و الصراحه الجروب هناك انشط شويه و الباليو ديه عربيه اختي بس انا اللي بجربها و بظبط فيها
انا اشتريت العربيه موديل 2007 برازيلي تقربيا 1200 سي سي
العربيه سحبها كويس جدا و بعد تظبيط التكييف و شحنه فانا شايف انه معقول جدا جدا
بالنسبه للسرعات العايه فهي معقوله جدا بالنسبه لعربيه صغيره هاتش باك وصلت بيها لحد 160 مستريح و التكييف شغال
انا لما اشترتها مكنش فيها كاسيت ركبيت واحد مع سماعات لانه برضه مكنش فيها هي نازله كده و ركبيت انذار
كان فيها مفتاح واحد مشفر و روحت عملت نسخه تانيه عند شركه السعد في شارع الطيران ب 250 و شغال كويس و مشفر
تم تغيير طرمبه بنزين اصلي ب 500 من محل مشهور وسط البلد و كمان حساس كرنك ب 150
هي محتاجه شويه حاجات منها اسوانه و ديسك بس هأجلهم شويه و كمان في خبط فيها اعتقد محتاجه شغل عفشه و تقربيا بطاحات
بس رايي عنها انها معقوله جدا بس لبنت او لشاب لسه في البدايه بس هي جرايه و فراملها مش قويه اوي فلازم الواحد ياخد باله
