المشاركة الأصلية كتبت بواسطة hobiko
معظم الشركات المحترمة فى العالم شغالة بالنظام ده .......... annual performance review
او التقييم السنوى لاداء الموظف و ده اللى بيعمله مديره المباشر و اللى على اساسه بيتم تحديد حوافز و مكافأت و ترقيات الموظف
بس الموضوع بيبقى فيه شوية تفاصيل ........ يعنى مثلا يقوم الموظف باعداد apr بتاعه و يقدمه للمدير اللى بيعلق عليه و يقيمه و يرجعه تانى للموظف اللى لو عنده اعتراض من حقه يطلب اجتماع مع المدير لمناقشه اعتراضه و هكذا
كون ان لأول مرة فى تاريخ الدولاب الحكومى المصرى العتيد يبقى عندنا بس مجرد فكرة لتقييم اداء الموظف و ربط حوافزه و مكافأته و ترقياته بالمجهود و الأداء ........... انا شايف ان ده حاجة كويسة
غير طبعا ان الموظف يمكن عقابه و فصله بدل ما هو بيتعامل على اساس انها عزبة ماحدش يقدر يعمله حاجه
الله ينور عليك و هى دى مربط الفرس
القانون جاى يلغى القوانين الحقيرة اللى اتحطت ايام عبد الناصر .... اللى خليتلك كل واحد في الحكومة بيقول انا رءيس جمهورية نفسي
قوانين عبد الناصر(الله اعلم نيته كانت ايه) هى اساس فساد كل مكان في الدولة (ماليش دعوة عبد الناصر نفسه كان كويس ولا وحش .... انا ليا دعوة ان ملايين من المعينين فى الحكومة اميين فى القرن ال 21 فى بلد كانت ايام الفراعنة مكنش فيها امية اصلا ....... ما بيشتغلوش و بيخربوا و بيقبضوا من الدولة و اغلبهم مرتشين .... قوانين عبد الناصر حولت الوظيفة الحكومية منحة و هبة من الدولة و حولت المصالح الحكومية تكية و عزب لرؤساء المصالح و الهيءات و جعلت من العاملين فى المصالح و الهيءات نوعين (نوع متشال على الحجر و النوع التاني بيداس بالجزم )
يعنى بنلاقى ساعى متعين بالابتداءية و تلاقيه متشال على الحجر
و تلاقى فى نفس المصلحة واحد بكالوريوس بيتعامل بطريقة اسوء من الساعي و مهدورة كافة حقوقه بسبب صاحب العزبة هو عايز كدا
علشان كدا القانون اسمه قانون الخدمة المدنية (كلمة خدمة يعنى عمل بلا مقابل او بمقابل رمزى علشان محدش يفتكر انه رايح عزبة واحد معرفة او قريبه او تبعه باي شكل من التابعية )
( و مش معناه انه حيقلل مرتبك ... بل على العكس انت حتاخد حقك مش اكتر و مش اقل لكن اسم القانون حيخليك تفكر دايما في واجباتك قبل اى شىءو حيخلى كتير من المرتشين يخافوا )
كدا عندنا قانونين للخدمة واحد مدنى و الاخر وطنى (عسكري)
القانون لو طبق بجد مش حيكون فيه تقصير من ناحية الموظف الحكومي
الاحقاد في مصر زادت في ايام عبد الناصر و ما بعده فقط بسبب تصرفات و قرارت غير مدروسة نتيجتها احنا عايشينه على ارض الواقع النهاردة
مكنش حد بيفكر يشتري ارض او شقة او بيت او يبنى بيت ... الناس كانت عايشة ببساطة جدا
لكن النهاردة الناس بتتسابق في امتلاك الاراضي و لو حتى بالقتل و السرقة و النصب و امتلاك المنازل و لو حتى ببناءها على اراضي الدولة او الغير و تتسابق فى حاجات كتير اللى عاشوا زمان عمرهم ما تخيلوا اننا نوصل للوضع ده
عمل الاصلاح الزراعى و نتيجته بعد 60 هى اخصب الاراضي المصرية اتجرفت و اتصحرت و اتبنت (الاراضي الذي سلبت من المصري القادر على الزراعة و رعاية الارض فجزءت بالفكر الغير منطقي لعبد الناصر الى خمسات و ملكت لمن لا يستحقها فاحتاس في زراعتها و استلف و دين و سجن فعملوله بنك يساعده على الزراعة فدين تانى و عجز عن الزراعة فبناها و باعها و جاب ميكروباص ) ... مش بس دمر الارض ... لا دا كما حط قوانين تخلى اى حد يبنى اى حاجة فى اى حتة و فى اى مكان و زمان ... اللى يبنى مصنع او عمارة على ارض زراعية بتاعته او ارض طرح النيل او ارض الدولة او يبنى تحت كوبري او فى حرم خطوط السكة الحديد او فى حرم الطرق العامة الزراعية و الصحراوية.... خلاها نيلة خالص )
عمل مجانية تعليم للجميع بطريقة غير مدروسة (برضه بفلوس المصري المأممة املاكه) نتيجتها اننا من اسوء الدول فى التعليم (و محدش يقولى مبارك .... عبد الناصر وضع الطريق و مشي عليه السادات و مبارك بلا اى رؤية جديدة )
امم قناة السويس (شكرا جدا)لكن ليه امم ممتلكات المصريين و خاف يأمم ممتلكات بعض الاجانب ليهم لحد النهاردة ممتلكات فى مصر خاصة الانجليز .... أمم ممتلكات عشرات الالاف من الاسر المصرية (و بحسب دراسة فرنسية ان عدد المصريين اللى هاجوا من مصر فى الخمسينيات بسبب تصرفات عبد الناصر كانت تقريبا مليون مصري اى ما يعادل 6% من المصريين )
عمل مصانع و شركات بفلوس المصريين اللى امم ممتلكاتهم ... يعتقد البعض انها انجازات للرءيس الراحل عبد الناصر و لكنها شواهد على مبدأ المال الحرام لا يدوم.... اصبحت ذكرى فى التاريخ مش اكتر من كدا.
طبعا اى انسان بيصيب و يخطأ و اكيد الرءيس الراحل عبد الناصر اصاب فى مواقف اخرى و لكن انا بتكلم عن سلبيات ... للاسف كثيرون يعتقدون انها انجازات و انها بطولات تستحق التقدير .
عبد الناصر اخد قرارت كتير غلط و تصرفات اكثر خطاءا و حاول تصحيحها فى اخر ايامه و لكنه لم يستطع و احنا النهاردة بنعالجها .
و ربنا يستر و يكون الخدمة المدنية علاج حقيقي و جزري لفساد مؤسسات الدولة