هوندا سيفك 84 اوتوماتك ، ينفع تكييف ؟
و مدى تأثيره على الموتور و استهلاك البنزين ، ارجوا الافاده ؟
و كيف اعرف وضع الموتور و هل انه سيأثر على الموتور ام لا ؟
عرض للطباعة
هوندا سيفك 84 اوتوماتك ، ينفع تكييف ؟
و مدى تأثيره على الموتور و استهلاك البنزين ، ارجوا الافاده ؟
و كيف اعرف وضع الموتور و هل انه سيأثر على الموتور ام لا ؟
ممكن يركب عادى إن شاء الله حتى ف 128 الفكره هنا ان المكنه اللى ف الموديل ده تقريبا 1300 باين او 1400 سى سى ف التكيف لما هيشتغل هياثر على تسارع العربيه بشكل ملحوظ مش هتتحس غير لو انت ع الطريق انما اجمالا الموضوع كله متوقف على حاله الموتور هل فى دخنه ف الدواره والزيت تمام ولا بياكل زيت وحاله الكربراتير ايه بتاكل بنزين بغباء ولا استهلاكها معقول
مش هتفرق في المكنة في عربيات اكسنت 1300 سي سي مكيفة
وفي جولف 1000 سي سي مكيف
اهم حاجه حالة الموتور
وحالة وكفائة دورة تبريد المياه عشان التكييف بيحمل على الموتور وبيزود سخونه الحوض فلازم الحراره مزبوطه راديتير نظيف مراوح مزبوطه ترمستات كوع نظيف وترمستات كهربا اصلي ومياه مقطره نظيفه وجوان وش السلندر سليم وخراطيم راكبه كويس وماتعدلش راكب حاجتها احسن
في دوره المياه او دورة التكييف
طيب انا عاوز اركبه عشان نار الصيف ، تنصحونى اركبه ولا هيبهلك الموتور ، مع العمل مشكلة الموتور تماما لانه مبيعلاش خالص و كمان انا مركب مروحه اضافيه لتبريده .
ركب كل حاجه بتاعت الفابريكا مع بعض التعديلات البسيطه (دا كلام عام من غير تفاصيل
التفصيل
الكويل الداخلي او الوحده الداخليه بالبلاور والاكسبانشن وزراير التحكم ولو مافيش ثرموستات ركب واحد داخلي (هاتبدا من هنا لو عندك فتحات تكييف لو الطابلوه حالته مش حلوه عندك يبقى غيره بطابلوه بتاع نفس الموديل بس معاه الوحده الداخليه او الكويل بالبلاور بكله لو حالته كويسه هات الوحده لوحدها بالاجزاء او الفتحات اللالومنيوم اللي بتركب عليها او الخراطيم بتاعها كامله وتبدأ توفق عليهابقيت الاجزاء من كباس لوصلات ٠٠٠٠ الخ) دا بيضيف للعربيه
وممكن تستغنى عن كدا وتركب وحده خارجيه جديده زي بتاعت الفيات (منفصله عن الطابلوه) هنا وهاتوفق عليها بقيت الاجزاء بيعيبه المنظر او لو الطابلوه عندك مافوش مكان للتركيب بلاش منه لانك هاتضطر تعمله مكان
في الحوض هاتحتاج كباس وسربنتينه( كوندنسر) وفلتر دراير و شجره الخراطيم او الوصلات
الكباس (تاني شيء تبدأ بعد الوحده الداخليه) ممكن استيراد هاتجيبه بالقاعده اللي بتركب على الموتورعندك لو مافيش هاتعمله قاعده (ودا بيرجع ليك هاتدرس موتورك ومكان التركيب لو في موديل زيه راكب عليه كباس هايرحك وهاتشوف اي كباس متوافق معاه حتى لوكان بتاع موديل احدث زي شكل٩٢ او اللي قبله معلومات زي دي الي شغال في الاستيراد يعرفها ماتشتريش على طول اسأل عن الاسعار وتوافر القطع والكفاءه عشان تحدد تجيب ايه)
و السربنتينه والفلتر جداد وشجره الخراطيم والمواسير استيراد اهم حاجه تجيب اللواكير(فتحات الخراطيم) الاجزاء الالومنيوم تركب على الكباس و الكوندسر وتركب على التلاجه (الوحده او الكويل الداخلي و التلاجه) وقبل التركيب والشحن هاتكبس كل حاجه لوحدهافي مياه عشان تكشف التسريبات (هاتحتاج طبب وتعديلات هاتصرف عليك بس هو دا الصح عشان تشتري دماغك وتعمل تكييف يعيش معاك ويشتغل بكفاءه وتبقى عارف اي حوارات فيه)
غير كدا من لقيت المصاريف وسعت معاك او معندكش وقت ودماغ للحوارت من باب وتلت (من باب ادي العيش لخبازه لو اكل نصه) على شركة تركيب تكييفات زي ساندن او ايركول وابعد عن المراكبي واسال وشوف عرضهم ايه بكام ايه الاجزاء الجديده ايه الاستيراد الضمان قد ايه وكل التفاصيل دي وقف على ايدهم عشان تعرف تفاصيل عربيتك
للرفع