الموضوع: فلوانس 2016 الفئه الثانيه بكورولا 2015 الفئه التانيه

'طلبك صعب ياستاذ احمد ربنا يوفقك نصيحة بيع الفلوانس الاول وبعدين اشترى كورولا

شكراا علي الاهتمام والرد
فعلا عندك حق طلبي صعب ومحدش هيتجاوب
الفكره اني مش عاوز ارخص الفلوانس ولا عاوزها تعمل كيلوات خالص ففكرت ابدلها بوارقها بكسر زيرو كورولا

المشاركة الأصلية كتبت بواسطة احمد زكي

شكراا علي الاهتمام والرد
فعلا عندك حق طلبي صعب ومحدش هيتجاوب
الفكره اني مش عاوز ارخص الفلوانس ولا عاوزها تعمل كيلوات خالص ففكرت ابدلها بوارقها بكسر زيرو كورولا

يبقى الحل زى ما قلتلك اعمل اعلان لبيع الفلوانس وربنا يحسنلك سوقها وتبيعها وتشترى الى انت عاوزه براحتك المشكله فى الرينو عامة والفلوانس خاصة ان اعادة البيع فيها صعب والتوكيل بيظيط عليها جامد وبيرفع فى سعر الجديد كل شويه وحجز قال يعنى العربيات مسحوبه وعليها ضغط مما يتسبب فى ان ناس تشترى رغم ان الحقيقة غير كدا ومشكلة تبخير الزيت بقت مشكله عامه
انا كنت هاشترى فلوانس لاكن الى خلانى غيرت راى هو اعادة البيع وموضوع الزيت وعدة اشياء فى الاوبشن وتصميم العربية وجبت تيوتا
اعمل اعلانات كتير وربنا يوفقك

عارف حضرتك انا كان معايا فلوانس ٢٠١٥ وكانت كلها عيوب صناعه تبخير زيت وعمود دريكسيون وصوت موتور عالي

ربنا وافقني واكرمني بعد فتره من المحادثات ووافق التوكيل علي التبديل السياره المعيوبه م ٢٠١٥ باخري م ٢٠١٦

بصراحه مش عندي ثقه في فلوانس ولا في رينو علشان كده بدور علي التغير

بس تقريبا مافيش حل غير اني ابيع الفلوانس ارخص شويه للاسف مش ماسكه سعرها ولا اعتماديه ولا قطع غيار متوفره اكبر مقلب

خسارتي في خلال فتره فلوانس ٢٠١٥ اللي هي ٦ شهور حوالي ١٥٠٠٠

ولسه هاخسر في بيع م ٢٠١٦ ولسه هادفع علشان اجيب الكورولا

الحمد لله

ربنا يعوض عليك عارف المشكله ان فى ناس كتير فى المنتدى كل لما تعمل مقارنة بين اى نوعيم من العربيات يروح حاشرين الفلوانس فى المقارنه وهاتك يا مدح اشى قيمة مقابل سعر اشى اوبشن عالى اشى اوربى اشى واشى لما يخلو المسكين يجرى على الفلوانس وده بيكون مقصود على فكرة والناس دى شغالين فى التوكيل او مع الموزعين وساعة الجد فى الخلاعون يعنى حضرتك اكيد قبل ماتجيب الفلوانس سالت وعملت مقارنات وناس خشت وعملتلك البحر طحينة لغاية ما اشتريت الفلوانس
طيب هلوقتى حضرتك عامل مشاركة من كام يوم وطبعا ومفيش حد منهم قال شارى لانهم مهمتهم تدبيس الناس وخلاص عارف الفلوانس نازلة مصر من 5 سنين بص على انتشارها فى الشارع تكاد تكون معدومة طيب الكرولا نازله من سنتين ومنتشرة بطريقة ملفته ولها كماليات كتير مكنتش متوقعها
زى ماقلت لحضرتك اعمل اعلانات كتير فى مواقعكتير طبعا بعيد عن المنتدى لان هناك اكتر من عضو نفس مشكلتك ومفيش حد غاسهم من المنتدى ونت خسرت 15 الف ربنا يعوض عليك لو ركبت الفلوانس الجديده هتخسر اضاف المبلغ ده وحاول تتفاوض مع اى حد من التوكيل يشفلك شارى لانهم هما الى عارفين طريق ضحايا عربياتهم وربنا يوفقك

راجع المشاركة بتاعة حضرتك دى http://www.nilemotors.net/Nile/43885...post3875737924
والاخ الى استعمل العربيه 3 شهور ومشى بيها 5 الاف كيلو وحب يبيعها خسر فيها ---------- حاجه تضحك والله دالكورولا تخسر اكتر من كدا
والاخ التانى الى بيرد عليه تحس انهم بيلعبو ماتش كورة فى فريق واحد علشان تتاكد ان معظم الى اشترو الفلوانس ضحايا التضليل للاسف الشديد

الاستاذ احمد زكي ...انا عندي راي حضرتك كده كده هترخص الفلوانس علشان تبيعها يا ريت تركبها وتجربها فتره يمكن تغير فكرتك السيئه عنها بدل ما حضرتك شوهتها تماما في المنتدي ازاي عايز تبيعها بعد كل كلامك ومشاركاتك عنها..بامانه والله سياره ممتازه...ووارد اي سياره يكون بيها عيوب صناعه واحمد ربنا ان التوكيل غيرهالك فيه توكيلات تانيه ممكن ماتصرفش معاك كده....استاذ صلاح المحترف الفلوانس سياره فوق الممتازه ويكفيها ارتفاعها الارض وكرسي ووضعيه القياده مريح جدا والموضوع ازواق وكل واحد بيحب عربيته فبلاش تشويه في اي سياره